Flourish studio

مظهرنا الخارجي هو تعبير غير منطوق بيعبر عن شخصية صاحبه، وعلى أساسه اللي حوالينا بيكونوا إنطباع مبدئي عن الشخص دون تبادل أي كلمات.

مظهرنا الخارجي يعكس الكثير عن جوهرنا الداخلى مثل طبيعة شخصيتنا ،ذوقنا العام وقيمنا اللي بتحملها ونتمسك بيها.

أغلبنا غير مدرك أنا لبسنا بيأثر على طريقة تفكير كل شخص عن نفسه وبالتالي بيأثر على كفائته الذاتيه وبالتالي بتنعكس على حياته الشخصية وحياة أقرب الناس له بدون وعي.
وعشان كدا هنتعرف مع بعض على النقاط التاليه:

➿ازاي ممكن لبسنا يأثر على شكل حياتنا وقرارتنا.

➿هنفهم إزاي ممكن لبسنا يأثر على إختيارات أولادنا وقرارتهم المستقبلية.

➿هنفهم مع بعض ليه الحجاب بيقل في المجتمع .

وهنعالج مع بعض ثلاث مشاكل بيواجهونا في لبسنا في وقت الاستعداد للنزول:

➿التخلي عن الظهور ومشاركة النشاطات الاجتماعية رغم رغبتنا في المشاركة.

➿إزاي ممكن يكون عندي كل اللبس اللي في دولابي دا ولما يجي وقت النزول بحس اني مش لاقيه لبس البسه وعايزة اشتري لبس جديد، مع اني عندي لبس لسه جديد ومااستخدمتوش!

➿حاسه بالملل وشكلي مكرر وثابت أياً كانت الخروجة فين وامته.

بدعوكي للإنضمام وحضور free webinar عشان تتعرفي أكتر عن النقاط السابقة ،على zoom
يوم الخميس 28/10 الساعة 8 بتوقيت مصر .

https://mailchi.mp/a416eb742e5d/dc4ib4d2fa

وعشان تعرفي اللينك وأقدر أفكرك بالميعاد ، تقدري تدخلي على الجروپ من خلال اللينك دا:

https://chat.whatsapp.com/C770DwQvbKrGxdN45DPK9g

إزاي لبسك ممكن يأثر على شكل حياتك وقرارات أقرب الناس ليكي؟ هنتعرف مع بعض على مدي أهمية إهتمامنا بمظهرنا الخارجى, وإزاي مظهرنا الخارجى   بيأثر على تكوين إنطباعات توثر على صورتنا الذاتية عن نفسنا وبالتالي على شكل حياتنا وإز....

العطاء يساوي التغير
العطاء مثل البذور التى تنثرها في كل مكان لتثمر وتزدهر بالخير الذي يصل الي كل مار بجوارها.....

هل فكرت في يوم ايه التغير اللي بيحصل الي قدامك لما تقول له كلمة بسيطة كنوع من الثناء عليه او كلمة تشجيعه...
أو حتى تبتسم في وجهه او تلمسه لمسه حانيه...

العطاء ممكن يكون وقت بتقضيه بجانب احد محتاج فقط وجودك في صمت...او اهتمام وأذن صاغية لما يرويه...

العطاء ممكن يكون نصيحة، أو مشاركة علم او معلومة جديدة...

كل ماسبق هو عطاء بلا أي مجهود وتقدر تمارسه على مدار اليوم وفي كل وقت، ولكن يجب ان تكون حريص ومتنبه ان تمارسه في كل لحظة.

العطاء أبوابه كثيرة وكبيرة
من الممكن ان تمارس العطاء بالمال أو المجهود او كلاهما أو بعلم ينقذ حياتهم بيه حتى بدونهما اذا اردنا .

أنا بشارك نعمة النظر اللي ربنا منّ عليا بيها مع من فقدوها،بكون قارئه لهم ، فأحول المحتويات المقرؤه الي كتب مسموعة حسب احتياجهم وطلبهم.

اللهم ادم علينا نعمك واجعلنا عوناً لبعضنا البعض.

احلم...
خلي حلمك قدام عنيك...
حدد اتجاهك...
اسعى وماتوقفش...

التفاصيل الملونة بتديني طاقة من السعادة ودفعة من الافكار مالهاش حدود
ممكن التفاصيل دي وتناسق الالوان فيها يكون في طبق طعام منسق في تفاصيل فاكهه مخلوقة بكل ابداع من موجدها، او في بناء هندسي ملون، او في تمازج الخيوط والاحجار بشكل منمق يملئ القلب بالبهجة والسعادة يخليه حقيقي يغني ✨

هل طريقة لبسك أثرت في شكل حياتك؟

الحقيقة ان كتير من القطع اللي صممتها ونفذتها أثرت بشكل كبير أوي على نوع النشاطات اللي بعملها في حياتي وبشارك فيها أولادي ، ودا غير تأثيرها في شكل حياتنا كتير .

مش هخبي عليكم ، الحجاب قيدني في الاول كتير ومنعني اني أمارس نشاطات كتير اوي.ودا بسبب اني ماكنتش لاقيه لبس مناسب لمواصفات الحجاب وفي
نفس الوقت مناسب لسني وشكله حلو .

يعني ماكنتش بنزل البحر تماماً ولا أشارك في اي نشاط فيه ولا العب معاهم على الرمل ولا اقدر اتسلق معاهم جبال او حتى اركب عجل...وكنت عشان اعمل اي حاجة من دول لازم كنت هقدم تنازلات، تنازلات في مواصفات الحجاب او تنازلات من حيث الذوق والالوان.

لغاية ماعملت تصميمات لقطع تناسب النشاطات دي بعينها، وفعلاً نشاطاتي ووقتي اللي بقضيه مع ولادي شكله اختلف تماماً.

ومن هنا انا عايزة اقول حاجة لكل أم،
انتي عارفة ان لبسك ممكن يأثر على طبيعة نشاطاتك مع أولادك وان دا ممكن يأثر على إختيارتهم المستقبلية بشكل كبير؟!

كتير أوي بنسمع ولاد في سن الزواج لما بيجي يختار رفيقة دربه تلاقيه بيقول، لاااااا انا مش عايزها محجبة أنا عايزها منطلقة عشان نعمل نشاطات كتير مع بعض❗️
وبنات كتير لما يجي وقت الحجاب بنسمعها وهي بتقول، لاااااا أنا مش هتحجب دلوقتي...أنا عايزة أعيش سني وأعمل كل اللي أنا عايزاه❗️

هو مين قال ان الحجاب بيمنع الانطلاق؟ مين قال انه بيمنعنا نعمل اللي احنا عايزينه في حدود رضا ربنا سبحانه وتعالى؟

تفتكروا الافكار دي اتجمعت إزاي ؟ هل اتحفظت من تجاربهم وهما صغيرين وبتطلع في وقت معين من عمرهم عشان تحمي حياتهم وإختياراتهم حسب ظنهم الخاطئ المكون عندهم من تجارب سابقة؟؟!

التشتت وسنينه❗️
انا شخص بيحاول يعالج نفسه من التشتت المستمر اللي دايماً مأثر على شكل حياتي في العموم وانتاجيتي بشكل كبير جداً.

مع حبي الكبير للتعلم والتطور المستمر ، ومع ممارسة مهام حياتي اليوميةً مع الكثير من التشتت الداخلي او الخارجي، دا بيخليني حاسة بالضغط المستمر وبيأثر على استمتاعي بمهام اليوم وبيأثر بشكل كبير على تطوري وبالتالي دا بيأثر على أهدافي اللي محتاجة أوصلها وأحققها.

ومن فترة ابتديت أحافظ على عادة القراءة ولكن بصعوبة كبيرة جداً، وابتديت أقرأ كتاب العادات الذرية لكاتب أمريكي إسمه James clear وهو مؤسس أكاديمية العادات وهي منصة لتدريب المؤسسات والافراد المهتمين بتكوين واكتساب عادات افضل.

والفكرة اللي انا كنت بحاول اوصلها كل يوم في عمري، ان كل يوم يكون أفضل من اللي قبله وطول الوقت بحاول أوصل للنسخة الافضل مني بس مش عارفه ازاي اوصل او استمر لمده على النسخة الافضل دي.

مش الفكرة اننا نحط هدف ونحاول نوصله وبس، الفكرة في اننا نحط هدف ونحدد المسار والخطة اللي هنوصل بيها للهدف.
الخطة دي هتبقى مجموعة من التحسينات الصغيرة المنتظمة اللي بنقوم بيها عشان نوصل للنسخة الافضل من نفسنا وبالتالي دا يساعدنا نوصل لهدفنا.

وهنا أنا هنقل لكم ٤ خطوات أنا مواظبه عليهم هتساعدكم على بناء عادات جديدة تساعدكم في رحلة الوصول للأهدافكم ان شاء الله.

1️⃣ خليها واضحة
يعني إيه؟
يعني اكتب عاداتك كلها قدامك بوضوح على ورقة ، وابتدي قيم كل عادة وإعمل علامة عند كل عادة حسب تقيمك لها
(+ يعني عادة إيجابية) (- عادة سلبية ) ( = عادة محايده)
وعشان تعرف تقيم صح ممكن تسأل نفسك:
هل العادة دي هتساعدني إني أكون الشخص اللي بتمنى أكونه في المستقبل؟

2️⃣خليها جذابة
ايوا يعني أعمل ايه؟
بيقولك ان العلماء إكتشفوا ان الدوپامين مش بيفرز بس عند الشعور بالمتعة، لأ دا بيفرز كمان عند توقع الشعور بالمتعة، والدوپامين هو المسؤل عن تحفيزنا لفعل الفعل.
ومن هنا الكاتب ربط الاكتشاف دا بطبيعة الانسان ونصحنا اننا نخلي العادة الجديدة اللي احنا مش متحمسين نعملها بإستمرار اننا نربطها بحاجة احنا عارفين ومتأكدين انها بتدينا سعادة.
يعني نربط العادة الجديدة اللي احنا محتاجين نعملها بعادة احنا بنحب نعملها.
زي مثلاً، أنابحب و عايزة اتفرج على عدد حلقات كتير من المسلسل بس محتاجة ادرب واعمل رياضة على عجلة الرياضة بتاعتي🚩
يبقى هتفرج على حلقات المسلسل وانا بمارس الرياضة اللي انا بعود نفسي اني أمارسها.

3️⃣خليها سهلة وسيطر على اللحظات الحاسمة
🔗اللحظة الحاسمة دي هي اللحظة اللي بتختار فيها هتمشي في انهى طريق، زي مثلاً هترد على الموبايل ولا هتكمل كتابة المقال المطلوب📵

واللحظات دي متكررة كتير جداً على مدار اليوم ولكن بتأثر على مسار الساعات اللي بعدها ومع الوقت بتأثر على شكل الايام وشكل الحياه عموماً.

🔗سهل العادة وثبت ميعادها وبسطها في عادة واحده مخك يحفظها وهي دي اللي بيبتدي بيها العادة.
يعني ايه؟
يعني قول بصوت عالي انا كل يوم خميس الساعة تلاته هربط رباط جزمتي وهنزل أمشي ربع ساعة.
العادة المفتاحية اللي هاتبتدي بيها العادة الجديدة هي : هربط رباط جزمتي➿
والفكرة اننا مانحاولش نحسن عادتنا الجديدة هو الهدف اننا ننتظم عليها بس✔️

4️⃣خليها مشبعة
أيوا ودي أعملها ازاي دي❗️
النفس البشرية بتفضل الراحة والمتعة والنتائج الفورية ودي اللي بتوفرها العادات السلبية بقوة لكن العادات الايجابية فنتائجها مؤجلة.
وعشان كدا الكاتب نصحنا اننا نحترم الطبيعة البشرية، ونصحنا اننا نربط العادة الجديدة الجيدة بمكافأة فورية تتسق مع العادة دي، يعني ايه؟
يعني مثلاً عندي تدريب رياضي صعب والعادة السيئة اللي بكافئ نفسي بيها اني آكل آيس كريم، ممكن استبدل الايس كريم بمساج مثلاً كمكافأة فورية تتسق مع نفس العادة والهدف الجديد.

ومع الوقت هتبتدي تترسخ العادات ونبدأ بالشعور بالمكافآت الداخلية مثل المزاج الافضل والطاقة الاكبر ويبقى الاهتمام بالمكافأة الفورية موضوع ثانوي.
وبكدا نبني العادات الجديدة الايجابية أو نتخلص من العادات السلبية بعمل العكس زي:
1️⃣خليها خفيه 2️⃣خليها غير جذابة3️⃣خليها صعبة4️⃣خليها غير مشبعة.

ودي كانت الاربع خطوات اللي انا بمارسهم من فترة وحقيقي النتائج مرضية تماماً الحمد لله.

جربوا وقولي وصلتوا لفين🏁
وماتنسوش تستمتعوا بالرحلة وتكتشفوا النسخة الافضل دايماً منكم ✨