GoldMiner-Consultancy

Super happy and proud to be in the 10th annual conference working in the human resources department
Thank you 🙏

كنت براجع CVs لحوالي ١٠٠ شخص الايام اللي فاتت واغلبهم Fresh grad ودي اكتر غلطات شوفتها متكرره قولت اكتبها يمكن حد يستفيد ❤️

1_ الايميل اللي بتحطه ف ال CV لازم يكون كويس بمعني بلاش ايميلات من نوعيه kokymody@gmail مثلا ! انت كده بتدي انطباع سئ من قبل الاتش ار ميفتح CV احسن حاجه يكون اسمك ثنائي و ممكن معاه رقم ...وطبعا لازم يكون الايميل الشخصي مش ايميل الشغل

2_ لو هتحط صوره ( رغم عدم تفضيلي للموضوع الا لو الشركه طلبه ده ) لازم تكون بروفيشنال برضه خلفيه ساده و يستحسن اللبس يكون بالوان محايده بتبين راسك والكتف بس و بلاش صور مفتعله( خاصه البنات) لانها بتقلل وتكاد تمحي فرصه ان حد يكلمك

3_ ممنوع استخدام اي لون غير ال black في الكتابة و افضل font تكتب بيه هو Times New Roman و size هيكون 12 وال Headlines تكون bold وممكن تكون بلون تاني بس هادئ

4_ ميكونش اكتر من صفحتين Max اي اتش ار بيبص علي السي في مش اكتر من دقيقه او اتنين الكلام الكتير مش مطلوب الاختصار بشكل مظبوط نقطه قوه ليك

5_ تكتب بياناتك كامله و ترجعها دا مهم جدا زي منطقه السكن ورقم الموبيل الشخصي مش الشغل لان كتير بيكون الرقم غلط او رقم شغل بس هو خلاص سابه ،منطقه السكن مهمه ، تاريخ ميلادك لان في وظايف بتشترط حد ادني أو أقصي للسن، اكتب الحاله الاجتماعيه والموقف من الجيش

6_ حاليا لازم السي في يكون بالانجليزي ومينفعش يكون في اي غلطه ف الكتابه او Grammar لو مش قوي ف الانجليزي احسن تخلي حد يراجعلك عليه قبل متبعته لاي شركه دي نقطه مهمه جدا

7_ مش مستحب تعمل outlines او زي اطار للسي في ...اوال Forms اللي كلها اشكال هندسيه و قلوب و اسهم دي مش لطيفه خالص كل مكان Simple كان professional اكتر

8 _ لازم تكتب مهاراتك و تتكتب صح بدون تقليل او مبالغه عشان متحطش نفسك في موقف محرج او تضيع وقت الاتش ار برضه زي لازم تكتب مستواك ف ال English مظبوط وال computer Skills برضه لان اوظايف كتير بتكون طالبه مستوي معين منهم مينفعش يعملك انترفيو او Test وانت كانت انك Fluent in English وتطلع good مثلا !! ودا بقابله كتير

9_ اخر حاجه لازم السي في بتاعك يكون متقسم ل sections و كل section هو القسم اللي هيندرج تحته معلومات معينة عنك الEducation مثلا وده ال Section اللي تحتيه هتكتب بيانات عن الكلية والتخصص وسنة التخرج.. و اي دبلومات او ماجستير ( الأحدث ثم الأقدم). ده الترتيب اللي متعارف عليه لمعظم الشركات:

-Name:

-Address:

-Mobile:

-Email:

1- OBJECTIVE

2- EDUCATION

3-WORK EXPERIENCE

1Job title, company name

responsibilities:

4-TRAINING COURSES

5- PROFESSIONAL SKILLS

1Languages:

2Software:

طبعا في غلطات تانيه بس دي ابسط الحاجات السهله اللي ناخد بالنا منها في CVs لانها حقيقي بتفرق كتير خاصه الفريش أو أصحاب الخبره البسيطه

لو حد عايز يزود حاجه يفيد الناس او يسأل علي حاجه برضه غير اللي كتبها يكتب وهرد عليه اكيد 👏🏻

اعمل شير ومنشن لصحابك عشان الكل يستفيد ❤️
💡