TechVaya

على مر السنين اصبحت تقنيات السيو من افضل التقنيات المستخدمة للحصول على فهم جيد للجمهور و شرائح السوق المختلفة
..
إذن ما هو الجديد بعالم السيو فى عام 2016؟!
اعرف المزيد من خلال الرابط ^_^ ... http://bit.ly/1PGAACe

كيف تحصل على ارشفة جيدة من خلال تقنيات السيو الحديثة إذن ما هو الجديد بعالم السيو فى عام 2016؟ .. على مر السنين اصبحت تقنيات السيو من افضل التقنيات المستخدمة للحصول على فهم جيد للجمهور و شرائح السوق الم...

ازاى تدير مشروع و تنجح .. !!

فن الادارة بشكل عام هو من اجمل ما يمكن دراسته و التعلم فيه و ده لان الادارة الحقيقية بتشمل جميع نواحى حياتك - من ادارة وقتك و ادارة كلامك و ادارة افكارك الى ادارة مشروعك و عملائك و موظفيك .. الخطوات محطوطة عشان تقدر تحط نفسك ما بين خطين السباق و تطلق مشروعك الصغير او الكبير باختلاف حجمه.

- لازم تدير بنفسك

حاجة بديهية انك تدير مشروعك بنفسك لكن فعلا التجربة الشخصية اثبتت لينا ان مش كل الناس بتتحمل ضغط انشاء المشروع و تجيب ناس تقوم بشغلها !!
ما ينفعش يكون دورك اشرافى على النتايج فقط فى بداية مشروعك و كل قصص النجاح اللى سمعتها او قريتها كان اول عامل مشترك فيها هو الادارة الذاتية.

- فلوسك حاجة .. و فلوس المشروع حاجة تانى

فنية ادارة الاموال الشخصية مع تواجد مشروع Start Up بتديره و بيسحب فلوس - من اهم المهارات اللى لازم تكون عندك و السر فيها انك تعتبر نفسك موظف بيشتغل عندك و تحدد راتب شهرى معيشى تدير بيه حياتك، و طبعا ده فى حالة عدم وجود مصادر تانية للدخل.

- الجودة - الجودة - الجودة

لو وقعت فى الاختيار ما بين 10 عملاء و هايستلموا جودة متوسطة او ضعيفة من خدماتك او عميلين بس بجودة ممتازة .. اختار العميلين و لو هاتحقق هامش ربح اعلى من ال10 و ده لأن ببساطة فى بداية مشروعك، السمعة اهم من الربح.

- ادرس اسعارك و كن مرن فى الارقام

فن التسعير من اهم اساسيات المشروع الناجح و المرونة فى الاسعار حسب ظروف السوق و الاسعار المنافسة .. و خلى بالك ممكن الميزة التنافسية ليك تكون السعر الغالى و هايكون لينا بوست مفصل عن فن التسعير و اسراره. ^_^

- اهتم بالموظف .. يهتم بالعميل

اهم اصول مشروعك هو الفريق اللى قايم بيه المشروع - و استثمر فيهم من وقتك و فلوسك.

- النظام الادارى قبل اى شىء

ان كان الكترونى او على ورقة و قلم، لازم يكون لمشروعك مهما كان حجمه نظام ادارى فيه قاعدة بيانات العملاء و الموظفين و الموردين و ده لأن اعتمادك على الذاكرة فقط ولو فى المرحلة الأولى من مشروعك هايسبب فى خسارتك لمعلومات قيمة هاتحتاجها فى تقييمك لاداء المشروع او ظهور اى مشكلة او عائق من اى نوع.

فن الادارة و التخطيط هايكون لينا فيه نقاش كتير لكن دى الخطوات الاولى العامة على طريق النجاح.