Malek we Bass

قصة النهاردة هنزلها اول ما الاقي اي تفاعل يا جماعة البيدج بتقع حاسه بصحراء فين الناس اللي ع الصفحة
اي حد هيضيف صحابه ليه خصم 50 ج علي اول اوردر ليه بعدها يلا تفاعل بقي

اول قصة من قصص الواقع ونقول الوووو

صاحبة القصة بتحكيلي اتجوزنا عن حب سنين وحاربنا كتير عشان نوصل لبعض مش هقول محصلش تجاوزات بينا حتي لو بسيطة لا حصل بس والله تبنا وندمنا علي ما فعلنا وكل ما افتكر بفضل اعيط واندم واستغفر رغم انه جوزي دلوقت وعمره ما كلمني ف اي حاجه بس انا اللي كل ما افتكر احس بالذنب واستغفر اوي وربنا يغفرلنا يارب
المهم بعد الجواز اكتشفت ان شخصيته ضعيفة جدا معايا انا القائد في كل شئ انا اللي بتعامل ف اي امور ذكورية وهو دايما مطنش ومكسل وعلي لسانه كلمتين مبعرفش ماليش ف الكلام دا انتي بتعرفي تتصرفي خلفت منه بنوته زي القمر ذكية وجميلة وحساسة بس طول الوقت في ضغط بسبب خلافنا بحس البنت هتتعقد من كتر ما بنتخانق او بمعني ادق من كتر ما انا بتخانق معاه هو حتي ف غيرته وعصبيته هااااااادي لابعد مدي حتي زعله هادي كل حاجة فيه صامته مش هقول مفيش كلام بالعكس رغاي جدا بس ف الامور اللي بيفهم فيها بس واللي اصلا متهمنيش اعرفها شغله اصحابه ومشاكلهم ومستمع جيد جدا بس فعل مفيش حقيقي مفيش بينا اي توافق فكري خالص البنت بقي عندها خمس سنين ومش عاوزة اخلف تاني لأن كل يوم بيعدي بحس الجوازة دي عمرها قصير رغم حبنا لبعض الا انه حقيقي حساه مش كفاية قصاد قلة التفاهم واللامبالاة هو حتي ف ابسط اموري مبيفهمنيش مبيعرفش امتي بتكلم جد وامتي بهزر امتي هتعصب وامتي ممكن ياخدني ف حضنه مبيشوفش اي مجهود بعمله غير انه دا العادي يعني ولما اكلمه عن مسؤلياته يقلي مانا بشتغل وبصرف مالك بس يا حبيبتي ميعرفش حاجة عن بنته بتحب ايه بتكره ايه هو بيلاعبها وبيحبها بس برضه بطريقته هو
مش قادرة افهم هل دا الذنب اللي عملناه ولاعن حياتنا والا الحب كان عاميني فعلا ومقدرتش اشوف عيوبه والا هو الجواز كدا بيبن الحقايق مش قادرة اتخيل الحياة من غيره ومش قادرة اكمل كدا ف ضغط كل يوم ومشاكل وشايلة شيلة تقيله لوحدي ومطلوب مني اجيب عيال تاني اتعسهم مع بنتي ف حياتنا دي قولولي ايه رأيكم وساعدوني