FIXhome

اهم من الشغل..... ظبط الشغل.
دي شويه نصايح .
حتنفعك في تشطيب الحمام والمطبخ 🌷
● الشياكه في البساطة لو عاوز حمام فندقي يبقي لازم تجيب:
◦ قاعده معلقة
◦ وحده حوض
◦ باب الحمام يكون خشب
● ممكن تدخل كذا لون في الحوائط المهم التناسق والتوزيع المناسب
اعمل تصميم 3D علشان تشوف الحمام قبل التنفيذ... 👌🏼
● مواسير التغذيه والصرف هات
اكوا ثيرم أو بي ار أو الشريف
وهات الشركه تكبس علشان نطمئن
بس لو ضامن السباك وعندو ماكينه كبس
هو يبقى أفضل 🙋🏻‍♀️
● لو هتركب سيراميك أبيض بلاش تركبه بمونة سوداء عشان في أنواع بتتشرب اللون وبتغير لونها
● متركبش الأرضيات سيراميك مط علشان حيتعب المدام ومبيبنش فيه نضافة
● لو حتركب سيراميك بلاطات كبيرة
أو مقاسات صغيرة جدا
لازم تمحر الحوائط الاول
● لو معاك فلوس كتير متعملش بورسلين في حوائط للحمام
ركب رخام حتي لو جانب واحد
● لو مش حتركب چاكوزي اعمل شاور رووم، البانيو العادي مالوش لازمه غير في غسيل السجاد 🤷🏽‍♀️
● كابينة شاور الحمام الزجاج السيكيوريت أشيك من الأكريليك
● مراية الحمام لازم تكون حاجه شيك جدا علشان دي اللي حتنور... ✨
● السخانات الفورية هي أفضل وآآمن أنواع السخانات ومش بتستهلك كهرباء كتير زي ماهو شائع عنها، بشرط يكون ماركة محترمة ويتم تأسيس الكهرباء ليها وفقاً لمواصفات الشركة المنتجة...
● لو عندك ڤيلا ركب سخان شمسي أو غلايه غاز أفضل بكثير...
● أركان الحمامات وحول الأجهزة الصحية والتقفيل حول البانيو استخدم فيهم مادة مليء فواصل جاهزة أفضل 1000 مرة من الأسمنت الأبيض أو السليكون
● بالنسبه الخزانات الدفن منتجات جروهي مش احسن حاجه في الدنيا في حاجات كتير تانيه كويسه....
منهم جيبريت او روكا
● لو هتعمل تعديلات وتهد حوائط بلاش بالمرزبة عشان الحوائط هتنمل، النحات يستخدم هيلتي التكسير أو المطرقة
● لو هتكمل على حيطة مبنية قبل كدة، هد الحيطة كلها وابنيها مرة أو اربط الحيطتين بكانات حديد
● اعمل إضاءة أسفل وحدات المطبخ العلوية
● لو حتعملي دواليب كتير في المطبخ متركبهوش سيراميك
اعمل الجزء اللي باين مبين الوحدات العلوية و السفلية جرانيت زي باقي المطبخ
● القاعدة المعلقة هتستحمل ومش هتقع ماتخافش (بتشيل لحد وزن 400 كجم)
● السيفون المدفون بيتعمله صيانة عادي على فكرة
ومش

● ركب أرضيات واستنى من أسبوعين لـ 3 أسابيع قبل ماتبدأ معجون حوائط
● البورسلين مابيركبش بمونة.. البورسلين مابيركبش بمونة
اوعى تركب بورسلين بدون فواصل 2 مم على الأقل
● علشان تركب بورسلين في الأرضية
لازم الصنايعي يدرع الأرضية الأول
وبعد كده يركب بمادة لاصقة
● اللي نعرفه أحسن من اللي مانعرفوش ده لما تيجي ترتبط حضرتك إنما في التشطيب ممكن يبقى اللي ماتعرفوش أحسن من اللي تعرفه
● وسع باب المطبخ على قد ما تقدر
● ممكن تلزق سيراميك جديد على سيراميك قديم عادي ومش هيفك
● أي رخام بيتنضف بمية فقط بدون أي صابون أو مواد كيماوية
● صور مسارات السباكة والكهرباء عشان لو حبيت تخرم في الحوائط بعد كدة
● لو مضطر تدفع عربون لحد ماتعرفوش خد صورة بطاقته ومضيه على إيصال دي ماتزعلش إلا لو هو ناوي ينصب عليك
● اختار الأجهزة الكهربائية قبل ما تفصل المطبخ عشان المقاسات تظبط
● في شفاطات صغيرة قطرها 10 سم بس وقدرة شفطها عالية وما بتعملش أي صوت، لو فلوسك تسمح هاتها
● الشفاط ممكن تركبه في السقف لو عامل سقف ساقط
● كبر شباك المطبخ صغر شباك الحمام
● اعمل بريزة فوق حوض الحمام
● ارضيه الشاور روم لازم تتعمل رخام أو ازمالدو وبيركب بميول كويسه علشان ميركنش مياه
● مش كل حاجة تشوفها على النت لما تنفذها هتعجبك زي الشرا أونلاين بالظبط
● اللي يقولك عزل الحمام مالوش لازمة قوله شكراً للنصيحة
بعد ماتقوله شكراً اعزل الحمام برضه
● لما تعزل الحمام اعزل 30 سم على الأقل من أسفل الحوائط
● ماتخليش الصنايعية يخمروا المونة جنب الحوائط أبدا
متنساش اهم حاجه في البيت
الحمام والمطبخ....
بالنسبه لأسعار المصنعيات تختلف من صنايعي للتاني المهم تجيب حد خبرة وثقة حتي لو سعره غالي شويه علشان متخسرش كتير ولو مش واثق فيه متشغلهوش !
علشان مفيش شغل من غير ثقه 😄

حاجات تخلي بالك منها وانت بتأسس كهرباء

1- ارسم الشقة
2- وزع الفرش مظبوط
3- هات لوحة كبيرة 18 أو 24 خط
4- إضاءة كل غرفة على قاطع لوحده
5- برايز كل غرفة على قاطع لوحده
6- تكيفات كل غرفة على قاطع لوحده
7- الأجهزة كل جهاز على قاطع لوحده
8- سحب سلك برايز المطبخ 4مم فيما فوق
9- سلك الإضاءة 1.5مم مايجراش حاجة
10- زود مفاتيح
11- زود برايز ميجراش حاجة
12- خلي الفيشة اللي جنب السرير فوق الكومود
13- خلي الفيشة اللي جنب السرير فيها برايز كتير
14- في لقمة USB حلوة جربها ميجراش حاجة
15- فيه لقمة موشن سينسور حلوة جربها بدل الديفيتير
16- اعمل اماكن لكشافات الطوارئ
17- ما تعملش بواطات
18- ماتسترخصش ف السلك
19- اعمل لوحة مالتي ميديا
20- اوزن المفاتيح والبرايز كلها على شِرب واحد
21- اعمل حساب السقف الساقط
22- وسطن النجف
23- اعرف التليفون والدش هيجيلهم واصلات خارجية منين
24- زودلهم خراطيم
25-اعمل حساب سلك لكل غرفة والرسيبشن والمطبخ
26-اشترى سلك دش نحاس معتمد
27-أسس لكاميرات المراقبة
28-متنسساش تأسيس الانتركم وتسحب سلكه