ABC Edu Academy

سبب فقدان الثقة ✨️👌

★ عَلم إبنك إن عوجة البوء أثناء الكلام مش روشنة ولا شطارة، ده عربجة وقلة أدب.
★علمه إن التريقة على الناس والتنمر عليهم، وخصوصًا الكبير منهم، مش من المروءة ولا الجدعنة.
★علمه إن عمل المقالب في إخواته أو أقاربه، مش خفة دم، ولا حرفنه، ده قلة قيمة وسذاجة، وبث الذعر في الآخرين ممكن يؤدي لوفاتهم.
★ علمه يغِير على أخته وأخوه، ولو مقطعين بعض جوه البيت، بلاش ده يظهر للغريب بره.
★علمه إن الرجولة بالموقف والفعل، مش بالصوت العالي والسيجارة، واللبس المقطع والبناطيل الضيقة.
★ علم إبنك" أهلك لا تهلك"، واحترامهم من احترام الأب والأم،
★علمه صنعة أو حِرفة أو موهبة من صغره وحسب إمكانياته، وبلاش تنتظر أما يكبر، خليه يفهم الدنيا بدري بدري عشان يتحمل المسؤولية.
★ماتديش له فلوس كتير، وعلمه قيمتها جدًا، وخليك متزن في الصرف عليه.
★علمه يصلي من صغره، وعوده على شكل السجادة والجامع وإنه يألف منظر الركوع والسجود عندك وعند أمه، حتى لو مش فاهم.
★ماتمسكهوش تليفون كتير، وخليه ينزل الشارع، ويختلط بالناس، ويغلب ويتغلب، والدنيا تسويه بدري بدري، أحسن مايطلع زي الفرخة البيضة مايعرفش يتصرف ف حاجة خالص.
★علمه مايتهزش ويرقص ع الفاضي والمليان، وخليك صارم معاه جدًا في موضوع قَصة شعره، وخليه تقيل في نفسه وذو هيبة يخضع لها الجميع.
★ ثق تمامًا أي حد سهل يربي إبنه ويبنيه لحم وطول وعرض ( رعاية ) ، بس مش أي حد يبني راجل، يحترم نفسه ويحترم غيره.،( تربية )