IConsult

Never stop learning,because life
never stops teaching. 📖📖📖

Today is a struggle.
Tomorrow is hope.
The future belongs to us who
keep trying. 🪐🪐🪐

فى أربع هرمونات مسؤولة عن تحديد مستوى سعادة الانسان
وهما ال ..
-Endorphins
-Dopamine
-Serotonin
-Oxytocin

اولا: Endorphins
لما بنروح الجيم أو نعمل رياضة الجسم بيفرز الهرمون ده
علشان يتغلب على إحساس الالم اللى بتسببه التمرينات ..
علشان كده ممكن نحس بمتعة فى التمرينات أكثر من الالم
الضحك بردو طريقة كويسة لإفراز ال Endorphins .

ف احنا محتاجين نقضى على الاقل 30 دقيقة يوميا نعمل
رياضة ..نقرأ أو نتفرج على حاجة مضحكة ومسلية علشان
نقدر نحصل على جرعتنا اليومية من الاندروفينس .

ثانيا :Dopamine
فى رحلة الحياة كل واحد فينا بيحقق مهام كثيرة سواء
كبيرة أو صغيرة ..شعور الإنجاز ده بيتسبب فى إفراز
الدوبامين بنسب متفاوتة .

كمان لما بنلاقي تقدير مقابل اى حاجة عملناها فى الشغل
او فى البيت بيتولد جوانا شعور بالإنجاز والفخر وبالتالى
جسمنا بيفرز كميات مناسبة من الدوبامين اللى بيعلى بدوره
مستوى شعورنا بالسعادة .

ثالثا :Serotonin
وده بيحصل لما نتصرف بشكل فيه نفع للآخرين ..لما نتخطى
نفسنا ونكون قادرين على العطاء ..للطبيعة ..أو للمجتمع

حتى مجرد مشاركة معلومة مفيدة مع الغير ..أو كتابة بوست
مفيد على الانترنت أو إجابة حد بيسأل على جروب أو مواقع
تبادل الخبرات ..كل دى حاجات بتفرز السيروتونين وبالتالى
بتزود إحساسنا بالسعادة .

رابعا : Oxytocin
وده بيتم إفرازه لما بنقرب من ناس تانين مثلا لما بنحضن
حد من أهلنا أو صحابنا ..أثناء المصافحة باليد ..لما نحاوط
حد بدراعنا علشان كده المفروض نحضن طفل صغير مزاجه
مش مظبوط علشان نزود عنده الهرمون ده ويقدر يحس بسعادة .

ف ببساطة ضرورى نعمل رياضة كل يوم علشان الاندروفينس
نحقق إنجازات ولو صغيرة جدا علشان الدوبامين
نكون نافعين لغيرنا علشان نقدر ناخد حصتنا من السيروتونين
نحضن ولادنا وصحابنا واهلنا عشان ناخد كفايتنا من الاوكسيتوسين.

محتاجين نعمل الحاجات البسيطة دى علشان نكون مبسوطين
ولما نكون مبسوطين هنقدر نتعامل مع مشاكلنا وتحدياتنا
بقوة أكبر .

فالسعادة مش شعور معقد ولا تكمن فى حدث عظيم أو
صعب المنال .. السعادة بتكون قدامنا وحوالينا وفى كل
مكان .. بس احنا ناخد القرار .