Air scope

هنتكلم النهارده عن دائره التبريد... تعتبر دائره التبريد واحده من أهم الأشياء إلي لازم أي حد بيعمل في مجال التبريد والتكييف إنه يكون ملم بيها وبكل أجزائها وفائده كل جزء ودا إلي هنتكلم عليه...
١-الضاغط (compressor) يعتبر الضاغط هو القلب النابض لدائره التبريد ودا لأنه بيقوم بضغط مركب التبريد أو الفريون ورفع ضغطه للاستفاده منه في عمليه التبريد ودا في منه أنواع مختلفه ولكن لو قسمناهم لقسمين أساسين هيكونوا positive displacement compressors والنوع التاني ال centrifugal compressor (وإن شاء الله هنتكلم عن أنواع الضواغط بإستفاضه وهيكون ليهم بوست خاص) ..... ولكن لو رجعنا للقانون العام للغازات هنلاقي إن بأرتفاع الضغط هترتفع درجه الحراره ودي حاجه غير مرغوب فيها.. عشان كدا هنستخدم المكون التاني وهو المكثف..

٢-المكثف(condernser) زي ما قولنا بعد ما خرج الفريون من الضاغط خرج علي هيئه high pressure high temperature gas ولكن احنا عاوزين نقلل درجه حرارته عشان يتحول إلي سائل.. وهنا يجي دور المكثف وهو عباره عن م***ل حراري بينقل الحراره من الفريون لوسيط أخر إلي ممكن يكون هواء وممكن يكون water علي حسب نوع جهاز التبريد.. وعمليه انتقال الحراره دي ممكن تتم بطريقتين إما natural زي ما هو موجود في التلاجه المنزليه حيث يتم انتقال الحراره بطريقه طبيعيه من المكثف للهواء دون إستخدم أي مؤثر خارجي... والطريقه التانيه بتكون forced بإستخدام مروحه ودا زي ما هو موحوده في اغلب انظمه التكييف وبتستخدم الطريقة دي عشان نساعد عمليه التبادل الحراري......... وبعد ما الفريون يخرج من المكثف هتلاقي إنه بقا خليط ٢٥٪غاز و ٧٥٪ سائل..
٣- صمام التمدد ( expansion valve) ودا بتكون فايدته إنه يعمل هبوط كبير في الضغط ما بين قبله وبعده ودا بيكون ليه تأثير كبير علي إنخفاض درجه حراره الفريون إلي هنستخدمه بعد كدا في التبريد..
٤-المبخر (evaporator) ودا هو المكون الاخير إلي بياخد الفريون من صمام التمدد وهو low pressure low temperature وبيعمل بينه وبين الوسط المحيط تبادل حراري ويمتص الحراره الموجودة في المكان.. أو ممكن يمتص الحراره الموجودة في وسط أخر زي ال chilled water إلي هيتم نقلها بعد كدا للاستفاده منها في عمليه التبريد.. . المبخر هو عبارة عن م***ل حراري زي المكثف بالظبط ولكن المكثف بيطرد الحراره انما المبخر بيمتص الحراره... ونتيجه لامتصاص الحراره من الوسط المحيط هنلاقي إن درجه حراره الفريون بدأت ترتفع ويتحول إلي غاز مره أخري عشان يروح الضاغط ويبدأ الدوره من جديد وتستمر العمليه هكذا طول ما جهاز التبريد شغال..