Add to your information

بعد غياب طويل .. رجعنا تاني .. معلش الاسابيع اللي فاتت كنا في امتحانات وفي تصوير وكنا مشغولين خالص بس ادينا رجعنا اهو وعاملين مفاجاة بس كمل البوست للاخر

قررنا نتكلم النهاردة عن حاجة مختلفة خالص وهي برنامج العباقرة .. اللي ميعرفش برنامج العباقرة(سواء مدارس ، جامعات ، عائلات ، اصحاب ، تمريض ) هو برنامج ثقافي بيعرض على القاهرة والناس بيقدمه الروائي عصام يوسف

- طب بنقدم ازاي؟
التقديم سهل خالص .. البرنامج بينزل اعلان على البيدج بتاعته واللي بيشارك بيملى البيانات اللي مطلوبة منه وبيبعتها على الچيميل الموجود في الاعلان + الاعلان بيبقى موضح كل حاجة .

طب هل بيبقى في اولوية لمدرسة عن مدرسة مثلا ؟
لاء خالص بيبقى فيه مصدقية جدا في البرنامج .. بيتعمل تصفيات لكل المدارس اللي قدمت وبيختاروا أعلى ٣٢ بس

- طب بالنسبة للجوائز؟
اللي بيحصل على المركز الأول ( كمدرسة ) بيحصل ٤ طلاب فقط من ال٨ المشاركين على منحة لجامعة النيل واللي بيحصل على المركز التاني بيحصل على ٣ منح فقط مقدمة من جامعة النيل .. ده بجانب شهادات التقدير المقدمة من البرنامج وكأس المركز الأول والثاني وكأس للطالب الحاصل على أفضل لاعب وكأس للطالب المثالي والاتنين بياخدوا منح برضو .. خلاف ذلك مفيش اي جوائز تانية خالص وكل الفلوس اللي بيجمعها الطلاب خلال الحلقات كلها خاصة بالبنك الأهلي وكلها بتروح سواء لتطوير المدارس الحكومية او المشاريع الصغيرة او القرى او ....
طب بيدوكوا كتب تذاكروا منها او بيقولوكوا الاسئلة قبل ما تدخلوا ؟
والله ولا اي حاجة .. انت بس بتحاول تتعمق شوية في المجال اللي مستر عصام بيسأل فيه .. مع التدريب الكتير هتلاقي ان معظم الاسئلة مش بتبقى عندك بس بالIQ بتوصل للاجابة

بس كده انا تقريبا قولت كل حاجة عن البرنامج .. وجينا لوقت المفاجأة .. احنا قررنا نكبر تيم Add To Your Information فاللي حابب يبقى جزء من التيم ويشارك معانا هتلاقي في اول كومنت الروم بتاعنا على الواتس ادخل فيه وهتفهم كل حاجة 🤍
# Mariam Basiony