Mousa

Tarwyka ترويقه

يا جماعة انتو مبتفطروش فى الاماكن الشيك الجديدة دى ليه 😍😍؟!

الفطار دا ب60 جنيه و مفيش زيادة خدمة ولا ضريبة ( المنيو مع الصور )

طبعا كتير مننا شاف الشكل الحضاري الجميل تحت كوبري الميرغني اهو المكان ده موجود هناك

ترويقة بيقدم فطار لبناني و انترناشيونال
بتدخل تطلب من الشيف اللي انت عايزه تزود حاجة او تشيل حاجة المهم الاوردر على يطلع على مزاجك 👍

المخبوزات عندهم بقى تستاهل زيارة مخصوص، بيعملوا اشهر انواع المخبوزات في العالم مع شوية افكار مزيكا زي الكرواسون مثلا 🥐 بجد متعة إنك تاكل الكرواسوناية و هي لسة خارجة من الفرن سخنة خفيفة و مورقة محشية شرايح جبنة و تركي مدخن 😋 طب تخيل بيعملوا كرواسون باللوتس!
جبتوا الفكرة العظيمة دي منين؟!

ولا ريحة العيش الفينو و هو لسة خارج من الفرن 😍 فعلا حاجة لا تقاوم

نيحي بقى للفطار و نبدأ بالترويقة اللبناني 🇱🇧
مناقيش باللحمة و الزعتر و جبن مشكلة، العجينة مبتاخدش وقت في الفرن و حرفها مقرمش و ريحتها جميلة، طريقة التقديم جميلة، و الكميات طلعت اكتر مما توقعت، يعني ال3 فطاير مناقيش اللي في الصور دول ب 70 جنيه و بيتقدم معاهم كمان لبنة و مكدوس "دا قصة لوحده" و عسل نحل بالشمع الطبيعي، الشمع دا ليه فوايد صحية كتير جدا اقروا عنه هتتفاجئو بفوايده

طلبنا كمان طاسة اومليت & بيف بيكون، بيعملوا الاومليت بالكريمة 🍳 ودي حاجة فخيمة، بيتقدم معاه سلطة سيزر بصوص بلسمك و بطاطس ويدجز و عيش طري اوي 😍 الطقم دا على بعضه كدة ب 60 جنيه

عايز في لحظة يبقى مزاجك رايق؟
يبقى لازم تحلي بالزبادي اليوناني .. مفعوله رهيب في التطرية عالقلب كدة، تحس إن كل معلقة فيها كمية طبطبة مش طبيعية

و تقعد تشرب العصير 🍹 و انت بتتمرجح و حواليك نبات زينة و تتصور و انت في اللحظات الجميلة دي

مهتمين بشكل المكان و نضافته، منظر حضاري جميل👏👏 مش هتصدق ان المكان الجميل دا تحت الكوبري" و عاملين سور إزاز عشان متبقاش قاعد منك للشارع على طول و في نفس الوقت مستمتع بالمنظر

و من أهم المزايا إن موقعهم استراتيجي و في ركنات خاصة بالمطعم، مش هتدور على ركنة 🚘

المطعم فيه حمام خاص
عندهم بيتزا حلوة هنعملها بوست منفصل قريب

رقمهم
01223777718

العنوان
مصر الجديدة تحت كوبري الميرغني، بجوار ابو غالي موتورز
Photosign لترشيح الاماكن في مصر ♥️

تفتكر مشروعك مش ناجح ليه ..؟
او الارباح اللي بتجيلك مش كفاية وحاسس ان فيه احسن من كده ! 💰
عندك كافيه او مطعم او حتي ستور ملابس حتي لو لسه في البداية وعايز تنجح وتوصل شغلك للناس؟ 🧐
تمام اسمع مني بقا 😎
احنا في فوتوزاين هنبدأ معاك من الصفر
1 - هنعملك لوجو للسوشيال ميديا عشان تعمل علامة مميزه لشغلك 💯
2 - كمان هنجيلك لحد عندك وهنصورلك شغلك والمكان صور تجذب العميل ليك 😍
3 - كمان هنعملك ديزاينز سوشيال ميديا علشان تبقا علي تواصل بالعملاء بتوعك علي طول ❤️💪
4 - وهنعمل لحضرتك اعلان و نقيم الاكل و نظافة الاكل والمكان علشان العميل يجيلك وهو مطمن ✋❤️
والمفاجأه ان فيه خصم 50 ٪ بمناسبة السنة الجديدة لاول 20 عميل 😍🥳
مستني ايه !!
ابعتلنا دلوقتي مشروعك عبارة عن ايه واحنا هنساعدك في كل حاجه من الصفر 🤝🏼
❤️