Rus performance

فاكرين ياجماعه اول هيدر Na نزلناه هنا ع البيدج؟ ساعتها لاقيت الناس كلها عامله طلب جماعي اننا نصنع هيدرات للمواتير التنفس الطبيعي بعد ماكنت بقول لكل اللي بيكلمني اننا شغالين هيدرات تربو بس وده بسبب ان معظم الناس اللي راكبه مواتير na مش هيقدروا ولا يعرفوا معني الهيدرز فبالتالي هيقولك وانا ليه ادفع كذا ف البتاع ده ف عشان كده كنت بريح دماغي وشغالين هيدرات تربو بس وده بكل بساطه عشان اللي بيتربن مكن عارف قيمه الهيدر بس بعد ما عملنا اول هيدر na ونزلناه ع البيدج ظهر منكم ناس كتير جدا فاهمين والهيدرات دي بقي عليها اقبال تارييخي 😂 لدرجه اننا خصصنا جزء من وقتنا ومكاننا عشان نلبي طلبكم ونفتح باند جديد في قايمه البنود اللي في شغلنا ، واللي في الصور ده يبقي headers لموتور bmw m52 لعربيه e36 convertible
الهيدر مصنوع من ماتريال قويه جدا غير الصيني اللي بيتباع ع المواقع اياها وكمان معمول بديزاين متساوي الاطوال وده عشان نسمعكم صوت موتور الm3 اللي هو ال s50 من موتور m52 وطبعا الفرق بين الموتورين كبييير اوي بس ب باند واحد بس اللي هو الهيدر هنغير بيه صوت المكنه ونخليها صعرانه بجد وهتسمعه صوته في الفيديو وكمان عملنالها سيستم اجزوست 2x2 من الهيدرات لحد الاخر زي ماواضح ف الصور وبرضو متساوي الاطوال عشان النبضات بتاعت العادم تكون متساويه وده ف الاخر بيأدي الي ان الصوت يبقي aggressive ومميز وبس كده وحابيين نقولكم ان صاحب العربيه جاي عن طريق الديلر المعتمد بتاعتا والمكان الاكثر ثقه في باند التعديل PBATune ف شكرا علي ثقتكم فينا ودايما نقدملكم احسن خدمه بأذن الله والسلام عليكم ورحمه الله وبركاته

لو عايزين الفيديو في اسرع وقت قولولي 😂

(العربيه اللي في الصور دي لانسر بومه اتحولت تربو بالكامل )
العربيه دي لانسر بومه عاديه جدا صاحبها جابلها سيستم ٢٤٠٠ مايڤك وقرر انه يتربنه عشان يجيب من الاخر 😃🔪

وطبعا عشان تاخد خطوه زي دي ف الموضوع صعب جداً لأنك بتحتاج حاجات كتير جداً لانك بتحول موتور تتفس طبيعي لموتور تربو والاهم هتودي عربيتك فين ومين هيكون مسؤل عن كل الكلام ده (التربو كيت)
ف طبعا صاحب العربيه كلم PBATune وعشان احمد المسؤل عن pba بيثق فينا فهو من بعدها كلمنا والحمدلله ع نعمه الثقه اللي ربنا واهبهالنا
قدرنا بفضل الله نعمل تربو كيت كامل شامل كل حاجه تخص الفاب في مكان واحد والحمدلله ان اللي بيجيلنا ربنا بيحبه عارفين ليه ؟ لانه لو راح بره عمل الموضوع ده للاسف هيتسوح ف كل حاجه تقريبا ده غير جوده الشغل اللي صعب يلاقي زيها وده لأننا بنحب شغلنا وبنتقي ربنا وبنحب العربيات بجد من قلبنا مش حب مزيف (احنا ناس حقيقيه) ملناش في الشو ،، والحمدلله هفضل اقولها كل شويه علي كل صفه فينا بتخلينا نقدم الخدمه دي ليكم

المهم ياشباب عشان منطولش عليكم
العربيه البومه اتعمل ليها
مانيفولد للتربو، هيدرز يعني
وداون بايب
شكمانين واحد فيه اتنين ريزونيتور وعلبه السوبرا بتاعتنا عشان صاحبها مش عايز صوت عالي
وواحد سترايت بايب من غير اي علب عشان يغير فيهم براحته
وسكريمر للويست جيت طالع من الكبوت ومفتوح ف الكبوت علي قدها بالظبط من غير بهوقه
بايبينج للانتر كولر حته واحده من غير سيلكونات ف النص عشان نمنع موضوع تسريب البوست ومواجهة المشاكل ع الداينو
تثبيت الانتركولر وكولر الزيت
لف راب تيتانيوم ع الداون بايب والميد بايب
انتيك ٤ بوصه قااادد كده بفلتر afe تحسها بقت مكنه دراج ريس 🤣
شيلد للانتيك عشان نعزل حراره المكنه ع الانتيك
ولمسات كتير بقي وتفاصيل مهمه مهمه اوي
وكل ده في اسبوعين بس 🤩

ملحوظة : التربو ال psr والويست جيت والراب والتربو بلانكيت والفلتر الafe من عند pba

والسلام عليكم ورحمه الله وبركاته

لو بتفكر تتربن موتور bmw m50&52&54
اوعي تفكر توفر في اي قطعه وبالذات الهيدر لأن ده جزء مهم ولو جبته صح هيفرق معاك في حاجات كتير اهمهم ال flow وال turbo spool وده بيرجع لتصميم الهيدرز والزوايا المدروسه والمظبوطه بالملي

وتاني حاجه نوع الماتريال المستخدمه في التصنيع لأن بكل بساطه الهيدرات الصيني اللي موجوده في مصر مصنوعه من ماتريال خفيفه جدا بيخليها تتشرخ مع الاستخدام علي المدي القصير وللاسف مبتستحملش انتي لاج ولا اي نوع من الفرقعه القويه وده بسبب الضغط الناتج عن التربو اللي بيخلي الجزء ده بيوصل لدرجه الاحمرار وطبعا بيحصل الشروخات والالتوائات بسبب وزن التربو + الفايبريشن + حراره لدرجه الاحمرار = شروخات والتوائات

ومع كل مره الهيدر هيتشرخ فيها هتفك وتتعطل وتخسر وقت وفلوس والنتيجه اصلا flow ضعيف وكل ده ليه بقي عشان حضرتك وفرت مبلغ بسيط هترجع تصرفه اكتر وتعيش في دوامه الشروخات + انك مفيش حد ترجعله تقوله شغلك فيه مشكله خد رجعلي صلحلي استبدلي مفيش اي اوبشن من ده

عندنا انت بتكون ضامن حقك تالت ومتلت

ماتريال قويه جدا
تصميم عادم ناعم وتربو سبول سريع
لحامات من عالم تاني بأستخدام معدات غاليه 😅
دراسه اللحام والعلم قبل المعدات طبعاً
لوكيشن تربو يخليك تحط فلتر هوا ع التربو وميخبطش في الكشاف وده خاص بالe36&46
ومن اصغر تربو ل اكبر تربو ومن غير ماتفتح في الكبوت

وعشان منطولش عليكم الهيدرز متاح عند PBATune او في
المكان عندنا

وضمان مدي الحياه علي الشروخات والسلام عليكم ورحمة الله وبركاته

من بكره ياشباب هرفعلكم كل شغل الهيدرز والمانيفولد اللي اتعملوا علي مدار الشهور اللي فاتت ومن بعدهم العربيات اللي اتعملت والصورتين دول من هيدرز بكره 😍