BeautyBella
Share
جلسات بيوتى بيلا المميزة،تنضيف بشرة،هيدرافيشيال،ديرمابن،ميزوثيرابي،بلازما،تفتيح ونضارة،علاج تساقط الشعر
العشر حاجات إللى الست تدلع نفسها بيهم وتقلل توتر اليوم
١ - Me time
نص ساعة لوحدك
اخترعيها وعودى البيت كله عليها
- اعملى شاى بالفانيليا اشربيه فى البلكونة واسمعى حاجه بتحبيها
- املى البانيو مياه سخنة باللافندر ولعى شمعة وتأملي السقف
يوم هتقدرى ويوم هتنسى
ويوم هتبقى ساعة أو خمس دقايق حتى !
المهم أنك أخر اليوم عملتى حاجة لنفسك وبس.
٢ - القراءة
مش لازم يبقى وقت مناسب ممكن وقت تمرين الولاد
وممكن عشر دقايق قبل النوم وممكن الMe time
على الأقل صفحة فى اليوم
القراءة بتخليكى مش مزنوقة فى الشرابات والمحشى بتفتح عقلك على مناطق جديدة فى الحياة .. بتفصلك حرفيا.
٣ - لازم كل اسبوع خروجة مع صحباتك، مع جوزك لوحدكم، مع نفسك فى الشمس وكتاب .. فطار .. سينما .. شوبنج
أى خروجة تبسطك .. خططى لها طول الأسبوع علشان تفضلى مستنية حاجة هتسعدك.
٤ - مسلسل .. تابعى مسلسل حلو
أرجوكى كفاية نكد خلى الاحداث فعلا تبقى لطيفة وتبقى نايمة وفى دماغك البطلة كانت لابسة أيه والبطل كان حلو ازاى والسفرية والاماكن مش لازم اكشن ونكد وتقطيع شرايين افصلى وشوفى حاجة خفيفة كوميدية أو رومانسية.
٥ - الصلاة .. التأمل .. القرآن
مفيش حاجة ممكن تخليكى أهدى قد التدبر والتسبيح والاستغفار والصلاة والدعاء المغربية أو الفجر
ايديكى للسماء.
٦ - مهما حصل فى الكون لازم أخر حاجة فى يومك تحطى كريم على وشك وايدك .. أوعى أوعى أوعى متبقاش عادة.
٧ - اكتشفى نفسك .. واحنا بنكبر بنكتشف كان ممكن نحب حاجات جديدة لكن ماجربنهاش وفى دايرة الحياة المطحونة خلاص بنعمل إللى عارفينه وبس.
أنا مثلا حبيت السوشى واليوجا ودبى والتأمل والشاى بالفانيليا والطرح البيضا ولفة الحجاب المفتوحة والجرى والجوافة فى أخر خمس سنين من عمرى.
٨- اتنفسى صح
شوفى فيديو عن التنفس وأهميته واتنفسى صح لأن ده مهم
حاجة بسيطة لكن فارقة فى نفسيتك وجسمك جدا.
٩- اعملى حاجة بايدك بتحبيها لأن الاعمال اليدوية بتسحب الافكار السلبية وبتعلى هرمونات السعادة.
١٠ - أهم واحدة 👇
غيرى طريقة تفكيرك فى اداء المهمات اليومية
- بتوصلى ولادك المدرسة اسمعى حاجه بتحبيها مش لازم تشتمى العربيات
- قاعدة فى التمارين اقرى أو لفى التراك أو ارغى.
- بتطبخى اسمعى تواشيح مش لازم على السريع وانتى بتنفخى
- هتذاكرى مع ولادك أو تحميهم أو تنيميهم ممكن تبقى لطيفة مش لازم شخط وزعيق لأن ده الوقت إللى هيفتكروكى بيه دايما لما يكبروا وهما هيكبروا أسرع من تخيلك .. وهكذا.
نص يومك لو قضتيه زعلانة وزهقانة أكيد النص التانى هيبقى نكد برده مهما حاولتى تفرفشى.
واخر نقطه مهمه
حافظي علي اكلك ووزنك لان شكلك هياثر عليكي
بس بلاش انظمه قاسيه و حرمان يعقدك
ولو مش عارفه تبداي منين ابعتيلي رساله
وكمان ملحوظة مهمة ..
مش لازم تعملى العشر حاجات كلهم ومش لازم تقولى صعب مش هعمل ولا واحدة المهم أنك تحاولى واحدة واحدة 😉
Copied ❤️
23/04/2021
إستمتعي معانا في بيوتي بيلا بجلسات تنضيف البشرة الطبي العميق بجهاز الهيدرافيشيال واستقبلي العيد وانتي بشرتك منورة وبتتنفس 🤩
للحجز والاستعلام ☎️📞:
01005439392
العنوان : التجمع الاول البنفسج ١٠ أمام شيبا ماركت
#جلسة #هيدرافيشيال #ديرمابن #ميزوثيرابي
Click here to claim your Sponsored Listing.
Category
Contact the business
Telephone
Website
Address
BeautyBella 4 Skin Care, Health & Beauty 0100 543 9392 Https://goo. Gl/maps/THjZhJGcfKJDD6RS 9
Cairo
