Aura 91

بعد ما اتعرفنا على أنواع مرطبات الوجه و الأشكال التركيبية بتاعتها وقدرنا نعرف الفروقات بينهم وازاي نختار المناسب لينا وخصوصا فيما يتعلق بمشاكل منطقة أسفل العين 💪😊..

لو لسا ما شوفتهاش ارجع للصفحة بتاعتنا او من خلال الهاشتاج في اخر البوست 👇..
https://www.facebook.com/Aura91Shop/

النهاردة عاوزين نشوف ازاي نستخدم المرطبات بشكل صحيح عشان نحصل علي افضل نتيجة 😊 ..

طبعا كل منتج بيكون له تعليمات خاصة للأستخدام لازم تتحط في الاعتبار ، لكن النهاردة هنتكلم عن تعلميات نقدر نستخدمها بشكل عام عشان نحصل علي افضل نتيجة ..

أولا : استخدام المرطبات بعد غسل الوجه وتنظيفه بماء فاتر أو دافئ 😶‍🌫️ ، ولا يفضل الماء الساخن لأنه يساعد على جفاف البشرة ☹️..

ثانيا : لو هنحط ميك اب 💄 يبقى نحطه بعد المرطب ، ونستنى شوية بعد ما المرطب ينشف وبعدين نحطه ، ويفضل في اخر اليوم نشيل الميكاب الأول قبل غسل الوجه ..

ثالثا : لو المرطب مفهوش واقي للشمس وهنحط واقي للشمس من برا 🕶 يبقى بردو نحطه بعد المرطب ..

رابعا : لو هنحط منتجات علاجية 💊 يبقى الأفضل نحطها الأول قبل المرطبات عشان نساعد البشرة على امتصاصها والاستفادة من العلاج ..

خامسا : يتم توزيع المرطب 💆‍♀️ بدءا بالمناطق الاكثر جفافا في حركة دائرية في اتجاه الأعلى والخارج دون الحاجة الي ضغط او شد الوجه ..

سادسا : التعامل بعناية مع منطقة أسفل العين 👀 لأن زي ما عرفنا قبل كدا انها أرق بكثير وأكثر حساسية من المناطق الأخرى ، واستخدام المنتجات المخصصة لمنطقة أسفل العين ، ويتم التوزيع حول العين من جهة الانف في اتجاه الخارج ولا يشترط انه يشمل الجفن بالكامل ولا الرموش حتي لا يتسبب في دخوله للعين ..

ويبقى كدا بشكل مبسط نقدر نستخدم المرطبات بطريقة بسيطة وفعالة 😌..

وماتنسيش تتابعينا على صفحتنا في مواضيع تانية مفيدة و تزوري الويب سايت بتاعنا وتشاركينا استفسارك 🤗🤗...
https://aura91.com

الشتاء جه ودايمًا بتزيد القشرة فيه🥶 .. وكلنا عارفين إن تغيير الفصول بيساعم في زيادة القشرة ..
خلينا النهاردة نعرف ايه الاسباب التانية اللي ممكن تزودها:-

١-البشَرة الدهنية المتهيجة
٢-جفاف الجلد ودا بيريد في الشتاء
٣-فطر خميري الشكل (فطر الملاسيزية) يتغذى على الزيوت الموجودة في فروة الرأس لدى معظم البالغين.
٤-الحساسية تجاه منتجات العناية بالشعر (التهاب الجلد التماسي).
٥-بعض الأمراض الجلدية الأخرى، مثل الصدفية والأكزيما

يمكنكم التواصل معنا لمعرفة المزيد عن الحلول لمشكلة القشرة🤝

بنكمل موضوعنا النهاردة عن أول 1️⃣ هدف لينا عشان نحافظ على منطقة أسفل العين من مشاكلها ، وهو : منع الجفاف في المنطقة وتعزيز الرطوبة بها ..

وكنا بدأنا بأول حاجة ممكن نستخدمها تساعدنا في ترطيب المنطقة ، وهي : منتجات الترطيب .. وعرفنا أنواعها عشان نقدر نختار الأنسب لينا .. لو لسا ما شوفتهاش ارجع للصفحة بتاعتنا أو من خلال الهاشتاج في اخر البوست عشان تستفيد اكتر ..
https://www.facebook.com/Aura91Shop/

طيب في اشكال كتيرة وتركيبات لمنتجات الترطيب ، وانا مش عارفة استخدم دا ولا دا ؟! طيب مين الأحسن ؟! ☹️😫😢

النهاردة هنساعدك تختاري المناسب ليكي وتعرفي ايه الأحسن بالنسبة لك ، فتابعينا للآخر 😉🤩🤩

أشكال منتجات الترطيب بتكون في الأغلب حاجة من الثلاثة :

1️⃣ مرطبات جيل
ودي بتكون مائية الأساس وخالية من الزيوت ، وعادة ما تحتوي على مواد مرطبة ، وتتميز بسرعة الامتصاص والترطيب ، كما تتميز بخفتها وعدم ترك اي بقايا بعد الاستخدام وعدم منح الاحساس الزيتي او المشحم للبشرة ..
ودي بتكون مناسبة جدا لترطيب البشرات الدهنية والمختلطة والبشرات المعرضة لحب الشباب ..

2️⃣ مرطبات كريم
ودي بتكون مائية وزيتية الأساس ، وعادة ما تحتوي على مواد مغذية الي جانب المواد المرطبة ، وتتميز بسمك وثقل القوام واللي بيخليها تفضل فترة أطول علي البشرة وبيخلي الاستخدام الأنسب لها ليلا ..
ودي بتكون مناسبة جدا لترطيب البشرات الجافة والخشنة والبشرات المتقدمة في السن ..

3️⃣ مرطابت لوشن أو سائلة
ودي بتكون مائية وزيتية الأساس بردو وبتشبه الكريم في التركيب إلا انها تتميز بخفة قوامها واللي بيخليها مناسبة للاستخدام اليومي والمستمر ..
ودي بتكون مناسبة أكتر للبشرات العادية أو الجافة وأحيانا المختلطة أو الدهنية بحسب التركيب ..

4️⃣ مرطبات سيرم
ودي ممكن تكون مائية أو زيتية الأساس ، وبتكون الفائدة الأساسية لها مش الترطيب لكن فائدة المواد التي تحتوي عليها بجانب المواد المرطبة ..

نتمنى نكون قدرنا نساعدك تختاري الشكل المناسب ليكي وتعرفي الأحسن بالنسبة لك 😊..
وتقدري تتابعينا في مواضيع جاية كتير عشان تحافظي على بشرتك وصحتك 😌..
وتقدري تزوري الويب سايت بتاعنا كمان وتتابعي كل المنتجات على طول 😍..
https://aura91.com

بدأنا المرة اللي فاتت بأول هدف لنا عاوزين نحققه عشان نحافظ على منطقة أسفل العين من مشاكلها ، وهو : 1️⃣ منع الجفاف في المنطقة وتعزيز الرطوبة بها ..

ركزنا على نقط مهمة لازم نحطها في الاعتبار عشان نوصل للنتيجة اللي احنا عاوزينها ، لو لسا ما شوفتهاش ارجع للصفحة بتاعتنا أو من خلال الهاشتاج في آخر البوست عشان تستفيد اكتر ..

النهاردة بقى عاوزين نتكلم عن الحاجات اللي ممكن نستخدمها تساعد في ترطيب منطقة أسفل العين ..

أولا : منتجات الترطيب
والحقيقة ان مش كل المرطبات زي بعض ، المرطبات من حيث النوع ثلاثة :

1. مرطبات تعمل على استعادة الدهون المفقودة للجلد ، ومعالجة التشققات والالتهابات المصحوبة لجفاف الجلد ، ودي بتكون زيتية الأساس ، وبتكون مناسبة أكتر لأصحاب البشرة الجافة والعادية واحيانا المختلطة ، وبنسميها Emollients
ومن أمثلتها :
Silicone (Dimethicone, Cyclomethicone), Lanolin, Shea Butter, Squalane, Grape Seed Oils,
Ceramides, Rosehip

2. مرطبات تعمل على استحضار الرطوبة من الهواء والاحتفاظ به في الخلايا ، والنوع دا بيكون مائي الأساس وبيكون سريع جدا في الامتصاص ومناسب لجميع أنواع البشرة ، ومناسب أيضا لحالات الجفاف الناتج عن التعرض للصابون ومنتجات البشرة التي تسبب الجفاف ، وبنسميه Humectants
ومن أمثلته :
Hyaluronic Acid, Glycerin, Honey, Aloe Vera, Amino acids, Lactic acids

3. مرطبات تعمل على تخفيض نسبة فقدان الرطوبة من الجلد ، ودي بتكون زيتية أو شمعية الأساس وبيكون قوامها سميك ، وبتكون مناسبة جدا لحالات الجفاف الشديدة مثل التي تصحب حالات الإيكزيما وغيرها ، وبنسميها Occlusives
ومن أمثلتها :
Mineral Oil, Lanolin, Beeswax, Olive Oil, Shea Butter, Silicone

ومن هنا نقدر نحدد ايه الأنسب لبشرتنا وللحالة بتاعتنا واحنا بنختار المنتجات ، نتمنى تكون استفدت من المعلومة ..
وتقدر تتابعنا في مواضيع جاية كتير عن منطقة أسفل العين ومواضيع تانية تهم بشرتك وصحتك ..🤗

وتقدر كمان تزور الويب سايت بتاعنا وتسأل على المنتجات والعروض في أي وقت ..😊

https://aura91.com