Zack Pharma

ليه بعض الأدوية بتتاخد على الريق وبعضها بعد الأكل؟

مش قرار عشوائي
الأمر بيرجع لحاجتين:

١) الامتصاص: أدوية زي الليفوثيروكسين (الغدة الدرقية) لازم تتاخد على معدة فاضية، لأن الطعام (خصوصاً الكالسيوم والحديد) بيرتبط بيها ويقلل امتصاصها لحد ما يوصل لأكتر من 50%.

٢) تهيّج المعدة: أدوية زي الإيبوبروفين والـ NSAIDs بتقلل من الطبقة الواقية المخاطية للمعدة، فلو اتاخدت على الريق ممكن تسبب حرقان أو قرحة. الأكل بيعمل طبقة حماية مؤقتة بتقلل التهيج المباشر.

ولذلك غالباً لو الدوا بيتأثر سلبًا بالطعام يبقا على الريق. لو بيأثر سلبًا على المعدة يبقا بعد الأكل.

أستاذ طارق (٤٥ سنة)، محاسب بنكي عايش تحت ضغط مستمر. دخل عيادة الباطنة يشتكي لد. هشام: يا دكتور، القولون دمر حياتي، مع كل ضغطة شغل بطني بتتنفخ وبحس بمغص بيعصرني.. أنا محتاج حل جذري، جربت كل المهدئات العادية ومفيش فايدة.
د. هشام بعد تشخيص الحالة كنب لعم طارق الـ Colona.
ـــــــــــــــــــــــــــــــــــــــــــــــ
إيه هو الـ Colona؟ وليه بنلجأ له في حالات القولون العصبي المرتبط بالتوتر (Psychosomatic IBS)؟
ـــــــــــــــــــــــــــــــــــــــــــــــ
تركيبة الكولونا بتلعب على محور الأمعاء والمخ (Gut-Brain Axis) من خلال دمج مادتين:
١. Mebeverine (135mg):
مضاد تقلصات (Antispasmodic) مباشر لعضلات القولون. ميزته إنه بيفك المغص من غير ما يسبب إمساك شديد أو جفاف الفم اللي بنشوفه مع عائلات أدوية تانية.
٢. Sulpiride (25mg):
هنا يكمن سر الدواء، ومكمن خطورته أيضاً! المادة دي بجرعتها الصغيرة بتشتغل كـ (D2 receptor antagonist)، فبتقلل انتقال إشارات التوتر من المخ للقولون وتخفف حساسية الأمعاء المفرطة.
ـــــــــــــــــــــــــــــــــــــــــــــــ
الجرعة لازم تكون قبل الأكل بـ ٢٠ إلى ٣٠ دقيقة، عشان الـ Mebeverine يلحق يوصل للقولون ويشتغل قبل ما الأكل يستفز الأمعاء.
ـــــــــــــــــــــــــــــــــــــــــــــــ
الكولونا خيار مؤقت لفترات التوتر الشديد، وممنوع يكون دواء يومي مستمر لشهور. مادة الـ Sulpiride بترفع هرمون الحليب (Prolactin)، والاعتماد عليها لفترة طويلة ممكن يسبب (Gynecomastia - تثدي) عند الرجال، واضطرابات في الدورة الشهرية عند السيدات.
ـــــــــــــــــــــــــــــــــــــــــــــــ
يمنع استخدامه تماماً لمرضى الشلل الرعاش (Parkinson's Disease) لأنه بيتعارض مع أدوية الدوبامين، ومرضى أورام الغدة النخامية، ومرضى الصرع.
ـــــــــــــــــــــــــــــــــــــــــــــــ
الكولونا بيستخدم كـكوبري لعبور أزمة، وبمجرد التحسن، يجب سحبه بالتدريج والاعتماد الفعلي على تغيير نمط الحياة (Lifestyle modifications) ومعرفة الأكلات المهيجة (Trigger Foods).
ــــــــــــــــــــــــــــــــــــــــــــ
شاركونا يا دكاترة: كم مرة بتشوفوا مرضى ماشيين على الكولونا لشهور وسنين من غير ما يعرفوا أضرار مادة السلبرايد على المدى الطويل؟ وإزاي بتديروا معاهم خطة الاستغناء عن الدواء؟

اللاكتيلوز دواء بيعتمد في شغله على البكتيريا. عشان يشتغل ويتحول لأحماض تعالج الإمساك أو تحمي من الغيبوبة الكبدية، لازم بكتيريا القولون النافعة تكسره.

لو المريض بياخد مضاد حيوي (Antibiotic) قوي، ده ممكن يقتل البكتيريا المسؤولة عن تكسير اللاكتيلوز، وبالتالي الدواء هيفقد تأثيره العلاجي تماماً ويتحول لمجرد سكر بيمر بدون أي مفعول.