Hend Aly

لو دايما مش مبسوط و بتتنرفز بسرعه
لو دايما عندك مشكله في التعبير عن حبك لنفسك او للناس
لو شايف ان عندك “اضطراب في التعلق”
و لو نظرتك للمرأه ما فيش فيها احترام كبير او فيها غضب
و لو ساعات بتحس بتقل علي قلبك و مش عارف جي منين؟
و لو ساعات بتبقي زعلان من ربنا
يبقي احتمال كبير عندك مشكله مع امك
كل سنه و كل ام طيبه …..طيبه ❤️✨

طول ما انت بتقدم كل اللي عندك يبقي ما ترضاش بالقليل ….ابدا 💌❣️☕️

فى دراسة كدة عملتها امبارح وانا بعمل سندويتشين جبنه براميلي و كوبايه شاي بلبن معاها مسمارين قرنفل بتأكد أنه البنى مينفعش يدخل فى علاقه وهو هش نفسيا لازم يكون صدغ نفسيا وعارف هو مين وبيعمل ايه ومحتاج ايه .. بعدها بس يقدر يدخل اى ريلاشين بوشه ولا يهمه وهيبقى اكبر جروحه لو الريلاشين دي مظبطتش يتلم برشه كحول و لزق طبى مدور يعنى على المغرب كدة يكون ربنا شفاه وعافاه أن شاء الله ، لكن غير كدة هيبقى اللى انت فيه ..انت السبب فيه .

اصحى الصبح واقولي عادي لو أنا مش افشخ واحدة في الكون ومش بأدي كما يجب أن يكون، عادي لو قصرت بس طالما بحاول اجبر التقصير يبقى برافو. بصحى اقولي انتي شاطرة وجميلة زي ما انتي مش محتاجة تبقى مثالية وميتمسكش عليكي غلطة. برجع اخر اليوم منهكة ومهزومة من كتر المحاولات لكن باخد قرار اني اريح واحاول تاني.

أنا حياتي كلها بتلف حوالين المحاولة. يا رب مبطلش احاول لاحسن هزعل جامد لو بطلت.