Shimaa Nasr

"مع الشمس والحر، وكتير من الحركة والتزاحم... بشرتك تستاهل راحة وانتعاش في لحظة!"

في الحج كلنا بندوّر على الراحة والحلول العملية،
وفوطة الوجه اليومية من Ecoway هي القطعة اللي مش هتستغني عنها.
تنضف وشك وإيدك ورقبتك بـ المايّة بس، بدون ريحة، بدون مواد،
ومناسبة جداً للجو الحار خصوصا يوم عرفة ..
بديل آمن وممتاز للوايبس ومناسب للاحرام علشان الوايبس في ريحة ده غير انه مش صحي

خفيفة، ناعمة، بتدي إحساس بالانتعاش الفوري،
وسعرها اقتصادي وبتعيش معاكي لسنين، وطبعًا مدعّمة بأيونات الفضة لحماية مضاعفة.

ضيفيها لشنطة سفرك، وعيشي تجربة نظافة مختلفة!

متنسيش تسألي عن باقي مكونات بوكس الحج❤️

للطلب والاستفسار التواصل عن طريق الرسايل 📩

اسألي على عضوية إيكوواى المجانية 👌🏻

بشوف ناس بتحط كيس خميره كامل علي كيلو دقيق وهيا بتعمل الكحك وده ❌
ليه غلط لان الكحك مش محتاجين فيه كميه كبيره من الماده الرافعه لانه مش مخبوزات مش ايه مخبوزات 🫣
الناس اللي بتزود كميه الخميره +وقت التخمير هتلاقي الكحك بتاعها 👇
ريحته خميره
قلب طعمه قرص أو عيش
رسمه أو نقشه الكحك راحت

♦️تقدري تشتغلي في الكحك باي سمنه متاحه عندك مش لازم تكلفي نفسك وتجيبي بلدي لاننا كلنا بقينا عارفين اسعارها ولو بتحبي طعمها وتكليفتها غاليه عليكي تقدري تجيبي مقدار صغير وتخلطيها مع النباتي عادي وده يشيل ده وممكن تستبدليها ب اصنص حليب هيدي نفس النتيجه بس تحطي معلقه صغيره فقط علي كيلو سمنه ما تكتريش.

♦️في الكحك بلاش تحطوا زبده لأن الزبده فيها سوائل ولو مصممين علي الزبده لازم تعملي حاجتين يا تسيحيها الاول او تقللي مقدار الميه اللي هتعجني بيه الكحك وخدي بالك كل ما تكتري سوائل الكحك هيطلع معاكي ناشف حتي لو كنتي ظابطه مقدار السمنه

♦️نيجي بقي للسمنه في ناس بتحب الكحك مظبوط وماسك نفسه في بتحط ٥٠٠ جرام سمنه علي كيلو الدقيق وفي ناس بتحبه ناعم سيكه حطي ٥٥٠ جرام ولو عايزاه سايح ونايح هتحطي ٦٠٠ جرام سمنه بس خدي بالك كل لما تزودي بيحل معاكى. يعني ايه بيحل يعني بينعم زياده ف خير الامور الوسط ✔️

♦️طيب هل السمنه بس اللي بتحدد نعوميه الكحك هقولك لاء انك تبسي السمن مع الدقيق كويس جدا جدا ده كمان هيديكي كحكايه ناعمه و بتدوب في البق 😋

♦️ انك تظبطي مقدار السوائل سواء هتعجني بميه أو حليب بردوا عليه عامل كبير في نعومه الكحك ولذلك كل كيلو دقيق بياخد من كوبايه الأربع لكوبايه ميه فقط لا غير علي حسب نوع الدقيق يعني تنزلي الاول بكوبايه الأربع مياه او لبن مع اني بفضل الميه اكتر في الكحك طب اي كبايه لاء كبايه الشاي المج العادي الموجود في كل بيت وتعجني لو العجينه محتاجه هتنزلي بالربع اللي حطتيه علي جنب

♦️بتحبي الكحك بتاع زمان المقدوح هو فعلا طعمه مميز ولا يعلي عليه ولكن خدي بالك بيتعب المعده وبيعمل حمو ف خير الامور الوسط بردوا بلاش علي البارد وبلاش قدح سخني سمنتك بس.

نيجي بقي للحشو
الحشو فرقع الحشو نشف
علشان تتلافي اكتر سببين بيبوظوا الكحك لو العجينه بتاعتك كانت مظبوطه و عامله كل حاجه صح يبقي لازم تظبطي الحشو بتاعك
ف لو انتي لسه معندكيش خبره و عايزه تعملي كحك اهتمي بالحشو طب اعمل ايه
♦️اولا الحشو سواء ملبن أو عجوه بلاش تحطي لهم سمنه بالنسبه للعجوه وانتي بتشكليها يادوب إدهني ايدك شويه زيت فقط لا غير وشكلي كورات صغيره فايده الزيت هنا مش هيخليها تلزق في ايدك و تشكلي بسرعه

♦️طب الملبن عفري ايدك بشويه دقيق وانتي بتشكليه ولازم يبقي في نسبه وتناسب بين العجينه والحشو علشان تتلافي أنه يفرقع منك في الفرن خلي نسبه العجينه اكتر من نسبه الحشو سواء ملبن أو عجوه

♦️طب الحشو بينشف ليه لانك مش مظبطه درجه حراره الفرن وطولتي في السوا ف الكحك اتمص وكل السوائل اللي فيه اتبخرت ونشف الحشو معاكي

♦️ واهم من الشغل تظبيط الشغل نفسه يعني ايه ظبطي مطبخك ورتبيه ورتبي حاجتك وجهزي خاماتك ويكون عندك اكل قبلها بيوم علشان ما تتعبيش نفسك وتشتغلي بمزاج وبكامل طاقتك صدقيني بيفرق جدا والافضل تكتبي مقاديرك في ورقه وتعليقها قدامك وانتي شغاله والحاجه اللي تحطيها علمي عليها الشغل ده مفهوش هزار وخساره متكلف
♦️و لازم تجهزي الحشو بتاعك قبل ما تبدأي في عجينه الكحك خلاص عجنتي اشتغلي علي طول ما تريحيش العجينه شكلي اركني ربع ساعه لو صيف لو الجو برد نص ساعه وابداي سوي و هنبدا من اول صاج شكلناه

♦️الكحك لازم تسبيه يبرد كويس قبل ما تحفظيه وبلاش علب كارتون لأنها بتسحب الماده الدهنيه و هتلاقيه اخشن معاكي

♦️ العيد مش بيحلو غير لما تعملي الحاجه بايدك وتفرحي أهل بيتك لو حد عندك قريب منك بيعمل روحي وعملوا مع بعض واتلموا و اشتغلوا وهزروا أو لمي حبايبك و فرحيهم وأملي بيتك بهجه ربنا ييسرها عليكم ويجعل بيوتكم عمرانه بالخير والحب والدفا ويرزقكم من اوسع الابواب 💞

وصدقوني الحاجه في البيت بيقي فيها بركه وبخيرها وبترمي معاكي يعني الكيلو بيبقي الضعف 🤩

كل سنه وانتم طيبين ❤️
ولا تنسوني من الدعاء واللايك والشير علشان نفيد الغير 💞

اللهُــــــمَّ اسقِ قلوبنا بِذكركَ حتّى تُروى،،🥀 وأشبع أرواحنا بطاعتك حتّى تَقوى🥀،،، وكُن بِنا رؤوفاً رحيماً فلا ملجأَ لنا سِواك ولا مَأوى🥀،،، ⁦اللهُــــــمَّ فرّج أُموراً ضَاقت بها صُدورنا،🥀، وعجزت بها حيلتنا وقلّ بها صَبرنا ،،🥀، ⁦اللهُــــــمَّ أَسعِد قلوبنا بما أنتَ أعْلَمُ بِهِ مِنا‎ اللهم آمين يارب العالمين
جمعه مباركه 🍀