Banoura Optics

انهاردة هنتكلم عن موضوع مهم جدا وهو الضوء الأزرق وماهى أضراره وفوائده وكيفيه حمايه العين من تأثيراته وماهى عدسات البلوكت اللى انتشر استخدامها الفترة الأخيرة وايه هى فوائدها وأضرارها.كل كلامنا هيبقى كلام علمى إن شاء الله وهتبقى المصادر فى أسفل الموضوع لأى حد يحب يقرأ أكثر عن الموضوع.
ماهو الضوء الأزرق وما هى تأثيراته اولا يجب أن نعلم أن أشعة الشمس تتكون من جزئين:
جزء غير مرئي (مثل الأشعة فوق البنفسجية)
جزء مرئي يتكون من مجموعة مختلفة من الألوان تحتوى على كميات مختلفة من الطاقة (مثل الضوء الأحمر، البرتقالي، الأصفر، الأخضر، الأزرق ودرجاتهم المختلفة) وهذه الألوان مجتمعة تكون الضوء الأبيض
ولكل ضوء منهم طول موجى معين يتناسب عكسيا مع كمية الطاقة الموجودة به
وللضوء الأزرق طول موجى قصير (من ٣٥٠ الى ٥٠٠ نانو متر) ويحتوى على كمية طاقة عالية
معلومات يجب ان تعرفها عن الضوء الأزرق
الضوء الأزرق موجود فى كل مكان وتصدر الأجهزة اللوحية والهواتف الذكية وشاشات الكمبيوتر كمية مؤثرة من الضوء الأزرق خاصة مع الاستخدام لفترات طويله
الضوء الأزرق يمر بأجزاء العين المختلفة حتى يصل إلى الشبكية وله تأثير سلبى عليها على المدى الطويل حيث أنه يزيد من احتمالية الإصابة بالضمور البقعى للشبكية (macular degeneration) كما أنه يزيد من إرهاق وألم العين والشعور بالأرق.
ليس كل الضوء الأزرق ضار حيث أنه مهم لتنشيط الذاكرة وزيادة الإنتباه وتحسين المزاج ولكن لا يجب التعرض له بكميات كبيرة حتى نتجنب أثاره السيئة.
وعلشان نقدر نوضح أكتر فلازم نقسم الضوء الأزرق حسب الطول الموجي ومدى تأثيره على العين الي ثلاث أجزاء:
الجزء الاول 400-420 nm
الجزء ده مسؤول عن حدوث الوهج وكمان مسؤول عن تشتيت الضوء.
الجزء الثاني 420-460 nm
الجزء ده مسؤول عن حدوث تغييرات سلبية في الشبكية وقادر يسبب فقدان رؤية حاد( AMD )
الجزء الثالث460-480 nm (Circadian Rhythm)
وده بقي الجزء المفيد من الضوء الازرق لانه مهم جدا لتنظيم الساعة البيولوجية للجسم اللي بتأثر علي عدد ساعات النوم والاستيقاظ وحالتنا المزاجية وكمان بيزود من افراز هرمونات بتخلينا منتبهين ومركزين طول الوقت وغالبا الجزء ده بنتعرضله عن طريق الشمس. وللاسف مع زيادة التعرض للجزء ده وخصوصا بليل من الاجهزة الحديثة زي اللابتوب والموبايل وشاشات LCDمما يؤدي إلى وقف افراز هذه الهرمونات والاحساس بعدم الراحه و اضطرابات في النوم
؟Blue Cut lenses ما هى عدسات البلوكت
هى عدسات طبية تستخدم أثناء القراءة على الكمبيوتر او الأجهزة اللوحية أو الهواتف الذكية لحماية العين من التعرض للضوء الأزرق بكميات كبيرة قد تؤثر على العين بشكل سلبى
وللتعرف عليها بشكل أكبر يجب أن نعرف
ما هي انواع عدسات البلوكت؟ وما هي مميزات وعيوب عدسات البلوكت؟
عندنا نوعين من العدسات
Material Filter blue light lenses 400 – 420 nm1-
وده بيكون فلتر بيتعمل مع خامة العدسة وبيمنع الاشعة فوق البنفسجية وجزء من الضوء الازرق اللي هو من 400-420 وده الطول الموجي المسبب للوهج وتشتيت الضوء وبنسميها
و دي أمثلة العدسات اللي بتشتغل بالطريقة دي
Pixel Astro Plus 1.561-
Kodak uv blue 1.562-
Tokai Lutina 1.563-
Spin Coat Blue light filter Lenses2-
العدسات دي الفلتر بتاعها بيكون علي سطح العدسة وبتفلتر الجزء المسبب لتلف خلايا الشبكية وكمان الجزء المسبب للوهج وتشتت الضوء 400-460 وبتساعد علي مرور الجزء المفيد من الضوء الازرق للعين فتساعد على إفراز هرمون الميلاتونين المسئول عن انتظام الساعات البيولوجية للجسم وغالبا العدسات دى الـ بتاعها بيكون أزرق وبيدى نصبه اصفرار للون الابيض لاتتعدى 2% فتخلى اللون WARMأكتر فبتكون مريحه للعين ومش هتلاحظو إختلاف فى الألوان خالص إلا لو ركزت فى الموضوع ده وعندنا أنواع كتير من العدسات بتشتغل بالطريقه دى على سبيل المثال
BBGR Neva Blue1-
Tokai TBC2-
Zeiss Blue Protect3-
Hoya Blue Control4-
وفى النهاية انصح بارتداء النظارات الطبية التى تحتوى على عدسات البلوكت أثناء القراءة على الأجهزة اللوحية والهواتف الذكية وشاشات الكمبيوتر

أخصائى بصريات وعلوم الرؤيه
(بن___وره💡اوبتكس
موبيل :01023238868/01148080731

نظارات طبية بأحدث🕶👓 الموديلات 2023🕶
فرست كوبي إيطالى 🔞⛔️
متوفر خدمه توصل داخل🕶 القاهره 🚀
متوفر خدمة التوصيل لجميع المحافظات🚷
للطلب أو الاستفسار مراسلتنا عبر الصفحة⤵️

شياكه 😉