Dr. Eman Ramadan

(( التحكم في السكر والوزن ))
هو خط الدفاع الأول لحماية قلبك 🫀

مش كل مشاكل القلب بتيجي فجأة…
كتير منها بيبدأ بهدوء
مع حاجات بنستهين بيها.
زي:
✔️ سكر غير منتظم
✔️ زيادة في الوزن

مع الوقت…
دول بيزودوا الحمل على القلب،
وبيأثروا على الشرايين من غير ما نحس.

📌 سكر عالي لفترات طويلة
ممكن يضر الأوعية الدموية.

📌 وزيادة الوزن
بتخلّي القلب يشتغل بمجهود أكبر.

🚨 طيب ايه الحل؟
👈🏻 نتابع السكر بانتظام
👈🏻 نحافظ على وزن مناسب
👈🏻 نقلل الأكل غير الصحي
👈🏻 نتحرك حتى لو مشي بسيط كل يوم

مش لازم تغيّر كل حاجة مرة واحدة…
بس أي خطوة صغيرة
بتفرق.

القلب بيحب التوازن 💚

#صحةـقلبكـتهمنا

الدوخة ولا الإغماء؟.....
وإيه علاقتهم بالقلب؟؟؟🫀

كتير بنحس بدوخة
أو نشوف حد أُغمى عليه…
ونفتكر إنهم نفس الحاجة.

بس الحقيقة 👇
🔹 الدوخة:
إحساس بعدم الاتزان أو الدوار
غشاوة مؤقتة في الرؤية
إحساس بالخفة
الوعي موجود

📌 غالبًا سببها: إرهاق – قلة أكل – أنيميا – توتر

🫀 علاقتها بالقلب:
ممكن تكون بسبب انخفاض مؤقت في ضغط الدم
أو اضطراب بسيط في النبض.

🔹 الإغماء:
فقدان وعي مفاجئ (مؤقت)
ممكن سقوط على الأرض
عدم استجابة لحظية
ثم عودة سريعة للوعي

📌 هنا لازم ناخد بالنا…
🫀 علاقته بالقلب:

ممكن يكون بسبب:
اضطراب في نظم القلب
هبوط شديد في الضغط
نقص وصول الدم للمخ

⚠️ إمتى نقلق؟
إغماء متكرر
أو بدون سبب واضح
أو مع خفقان / نهجان

ساعتها
لازم نطمن.

مش كل دوخة خطيرة…
بس كل إغماء محتاج نفهم سببه.

صحة قلبك… أمان ليك 🤍
#صحةـالقلب