Shams
Share
☀️
شاعر.. بكل حاجة
31/05/2025
English subtitles are now available on YouTube for "3elwa"
أبويا اسكندراني..
اتولدت سنة ٨٩ في الابراهيمية، وكان بيتنا جنب البحر في سيدي بشر. سنة ٩١ بابا جاله شغل في الإمارات وسافر على طول يستلم شغله ويجهز عشان نلحقه، ودي كانت أول غربة لحد ما وصلنا دبي سنة ٩٢.
ماما تعبت سنة ٩٨ وبابا كان بيشتغل طول النهار ولحد متأخر بالليل عشان يوفي احتياجاتنا من مقومات الحياة والعلاج، وكان من العادي إنه يروح شغله الصبح بعد ما يوصلنا المدرسة ويرجع آخر اليوم وينام مننا بهدوم شغله وهو قاعد في الصالة وسطينا. ودي كانت تاني غربة.
تالت غربة كانت في ٢٠٠٨ لما سوق المقاولات وقع في دبي وبابا كان بيسوق ٢٤٠ كيلو في اليوم عشان يشتغل في ابوظبي ويرجع كل يوم على وقت النوم برضه. لضمنا في رابع غربة لما جاله شغل في قطر، وبعدها السعودية.
سافرت أدرس هندسة صوت في استراليا في ٢٠١٢، ورجعت دبي وهو لسة مسافر، لحد ما انا نفسي رجعت مصر في ٢٠١٥..
ربنا جمعنا تاني في ٢٠٢١ لما بدأ ينزل مصر بانتظام وبقيت متعود على وجود الباشمهندس الحبيب عصام عماره بالقرب مني لأول مرة من سنين.
عُص باشا، البوب. وحشتني يا هندسة.
Click here to claim your Sponsored Listing.
Category
Contact the public figure
Website
Address
5 Hussein Basha Al Meamari, Marouf, Qasr El Nil
Cairo