U-Learn Engineering

🟢تصميم وتحديد حجم تانك الوقود الخاص بالمولد أثناء تصميم وتحديد أبعاد غرفة المولد لطلبها من المعماري🟢

⏺ هتقولي يا بشمهندس انا مالي بتانك المولد !! .. أنا عاوز اوزع كشافين الاناره والسوكتين وأروح بيتنا

جميل .. بس كده مش هتتعلم حاجه وهتخليك في مكانك

🔸 حضرتك محتاج تتعلم التاسك دي ..عشان تقدر تحدد أبعاد غرفة المولد وتطلبها من المعماري

والمعلومه سهله وعندك وتقدر تعملها بسهوله .

⏹ عادة بتكون المولدات الأقل من 1600KVA معاها تانك داخلي تحت المولد نفسه

لكن المولد الأكبر من كده عادة بتحتاج تانك خارجي جنب المولد .. الا لو قدر مصنع يوفر غير كده .. انت بتصمم غرفتك بحيث تتماشي مع كل السبلايرز

🔰 طب ازاي أصمم التانك وأحدد ابعاده ؟

طبقا لمتطلفات ال Life Safety في احمال الاناره والطوائ ..

حضرتك هتلاقي ان بيكون مطلوب المولد يشتغل متواصل لمدة 8 ساعات

فا بكل بساطه .. حضرتك هتشوف المولد بتاعك بيسحب كام لتر وقود في الساعه .. وتضربه في عدد الساعات اللى هم 8 ساعات .. هيطلع لك محتاج كام لتر

وبناء عليه تقدر تجدد حجم التانك بتاعك

⏺ مثال :

شوف كده الداتا شيت الموجوده في الصور .. لمولد من شركة Cummins

📍 المولد ده لو اشتغل استاند باي وعند نسبة تحميل 100% هيسحب 356 لتر لكل ساعه

✏️وبالتالي في ال 8 ساعات هيسحب 2848 لتر

واحنا عارفين ان اللتر يساوي 0.001 متر مكعب

🔻 بالتالى المولد بتاعنا هيحتاج 2.848 متر مكعب .. يعني قول 3 متر مكعب

وبالتالي هتعمل التانك ابعاده

الطول : 3 متر
العرض : 1 متر
الارتفاع : 1 متر

وبناء عليه تاخد في اعتبارك الأبعاد دى وتضيفها للغرفه وحضرتك بتصممها

🟧ان شاء الله في بوست قادم .. نتكلم بالتفصيل عن تصميم غرفة المولد بالتفصيل وتحديد أبعاد المولد

بالتوفيق للجميع