Aziz cooling systems

بمناسبة انتشار جهاز التكييف الصحراوي وكثرة الطلب عليه بسبب ارتفاع درجة الحرارة يمكن الكلام دا يعرفه فنين التكييف السؤال هنا علي التكييف الصحراوي عملي ولا لا
الإجابة بكل صراحة الجهاز دا عبارة عن مروحة فقط ليس لها اي علاقه بالتكييف وبيعمل علي ارتفاع الرطوبة داخل المنزل حتي اسمه تكييف صحراوي يعني للأماكن المكشوفة زي الخيم والكافيهات والأماكن المكشوفه أما في المنزل ملوش اي لازمة كثره الطلب عليه رفع سعره مع إنه ميستهلش يدفع فيه الف جنيه 👌
التكييف دا مضر جدا بيعمل علي ارتفاع رطوبة الغرفة وبيجيب مياه علي الرئة و التهاب وحساسية للأطفال
فبلاش نجيب حاجة تضر مش تنفع .
بيجيب هوا ايوه بيجيب هوا حلو كمان لكن ضرر اكبر من النفع اعذروني ودي حقيقه 🤝

استهلاك التكييف للكهرباء يعتمد علي سلوكك في استخدامه

يعني أنت المسؤل عن استهلاكه

لازم نكون متفقين ان مفيش تكييف من غير فلوس

لكن المتاح اننا نقلل في الاستهلاك او نرفعه بزياده
وانك تدفع فلوس كنت ممكن ما تدفعها

ازاي؟
التكييف شغلته يحافظ علي درجة حرارة الغرفه بارده (حسب ما تظبطها)

فانت لو قلت له يا تكيف اظبط حراره الغرفه علي 20 ... هيشتغل بجد عشان يوصل للدرجه دي ويحافظ عليها .... يعني هيسحب كهرباء كتير عشان يقدر يوصل لدرجة 20

وكل ما يحصل تسرب للحراره من الخارج الي الغرفه هيشتغل ويسحب كهرباء تاني

نستخلص 5 نصايح تساعد في ترشيد استهلاك التكييف:
1-بلاش تظبطه علي 20 يكفي 25 دي مناسبه جدا ولو التكيييف جديد جرب 28
2-بلاش تستخدم حاجه في الغرفه بتنتج حراره
3-الباب ما يتفتح عمال علي بطال
4-لو الشبابيك فيها تسريب هواء عالج التسريب ضروري
5-اقفل الستائر لو الشمس ضاربه في الشباك
6-جرب وضع ازالة الرطوبه بيكون اكثر ترشيدا لكنه مش مناسب لكل الأماكن
7-لو التكييف قديم جيب فني يعمل صيانه دوريه قبل تشغيله في الصيف (لازم فني متخصص)

مين عنده نصائح من واقع تجربته؟

دقيقتين كهرباء
#ترشيد