Mujahid

يقال إن الشخص بيشوف أكتر من 6000 إعلان في اليوم ما بين حاجات بيشوفها في الشارع, عالموبايل, عالنت أو حتى جوا بيته....يوميا!!
سياسة قوية جدا بيتبعها اغلب الماركات التجارية بأنهم يكرروا إعلاناتهم في جميع الأشكال سواء كان يافطة أو إعلان راديو أو بوستر.....الخ, لإن ده بيأثر على القوة الشرائية بتاعت المستهلك من غير مايحس! أو بمعنى اصح...كل مرة بيخش فيها مشروب أنت بتحبه, في نسبة كبيرة أنك مش إنت صاحب القرار, بل تكرار الإعلان ده وأنك شفته كتير جدا خلاك في اللا وعي تشتري المنتج وإنت مش حاسس من وسط اختيارات تانية.
للسبب ده في ماركات كتير جدا ممكن تنزل إعلانات كل فترة بتكرار رهيب لكن ده ممكن يخلي المستهلك يتجنب المنتج بسبب أنه اصبح شيء مزعج بيشوفه بتكرار, وهنا بيتدخل التصميم أنه دايما يحاول يخلي اسلوب التكرار ممتع بتغير الإعلانات وال Art Direction عشان الشخص مايملش من نفس الحاجة ويخليه مايشتريش المنتج.
المرة الجاية وإنت داخل تشتري حاجة, أول حاجة بتروح ليها ايدك بدون تفكير قد تكون أكتر حاجة بتشوفها أو بتسمع عنها.

البريف/Brief هو وصف لمتطلبات الشغل اللي بيحتاجه العميل سواء كان لوجو أو رسمة أو تصميم يقدر يوظفه في المنتج بتاعه بغرض البيع أو التسويق, وبيكون الهدف منه هو التركيز على الحاجات اللي عايز يركز عليها العميل وتجنب نقط ضعف معينة لغرض بيع المنتج, ودايما ال Brief بييجي على هيئة e-mail مفصل فيه المتطلبات دي لتسهيل الشغل على المصمم, ودي دايما الطريقة المنتشرة في الشركات قبل عمل أي تصميم.

لو عمرك مادخلك بريف ومش عارف إيه الغرض منه أو إزاي انفذ تصميم لما يتبعت بريف, في مواقع كتير بتوفر Briefs وهمية شبه الشغل الحقيقي تقدر منها تفهم إيه اللي بيتكتب بالضبط وإزاي تنفذ منها الشغل:

https://goodbrief.io/
https://manuodelrio.com/projects/brief/
https://fakeclients.com/
https://createbrief.com/