Alaa soliman

It was my favourite mug 🍺💔
لما اتكسر زعلت عليه جداا لانى كنت بحب اشرب فيه دايما و لما قولت لأقرب حد ليا مهتمش اصلا بالموضوع 🥴
و فى حد تانى قالى عادى يعنى انتى زعلانه عشان ده اصلا شكله مش حلو اووى يعنى 👀🙄
محدش اهتم بزعلى و اللى اتريق عليا و اللى قالى اصلا مش المفروض تزعلى 🤐🤐

تخيلوا احنا من غير قصد مننا بنعمل كدا مع اولادنا لما يحكولنا مشاكلهم 😎

تخيل كدا مثلا مديرك الصبح فى الشغل بدون اى سبب طردك و انت بكل طاقه الغضب اللى جواك روحت لاعز صحابك تحكيله اللى حصل فكر كدا انت مستنى رد فعله يكون ازاى 😃

يتريق عليك أو يقلل من مشكلتك أو مثلا حتى يبرر لمديرك اللى عمله 😁
اكيد لاء انت مش مستنى منه كدا 😃
انت اصلا روحت للشخص ده بذات عشان عارف أنه هيفهمك و يقدر زعلك و هيقولك انت على حق ☺️

اصلا اى شخص وقت الغضب و الزعل مش بيكون مستنى غير أن الشخص اللى قدامه يفهمه و يقدر زعله ده و يقوله انت عندك حق 🌚
طيب ليه لما اولادنا يجوا يشتكوا مثلا أنه حد زقهم أو ضربهم مش بنتعامل معاهم كدا 😆
ليه ممكن نتهمه أنه اكيد السبب أو نقلل من مشكلته 🌚

تقبل مشاكل اولادك و زعلهم و حسسهم أنهم على حق عشان تعرف اصل المشكله و تعرف تحلها و الاهم متخسرش ثقتهم فيك و أنهم يجوا يحكولك مشاكلهم 😌🌸

انا لو زرعت شجره تفاح حطيت بذور تفاح تفتكروا هتطلع ايه 👀🍏

مانجا مثلا !!!!!😁🥭
اكيد لاء مش هتطلع غير تفاح حتى لو نفسك فى البرتقال مثلا 🤓🍊

طيب نفس الكلام ولادنا بالظبط 🧑🏻🧒🏻🖐🏻

انا زرعت فيهم بذور استكشاف ، حب الذات ، التعلم ، الثقه فى النفس ، الاعتماد على نفسه ، حب التعلم ، استقلاليه

اكيد كل ما يكبر البذور ده هتكبر و هلاقى الثمار بعدين زى الشجره بالظبط مش كدا 🐣🤔

احنا كلنا بنتمنى ولادنا يكونوا احسن ناس فى الدنيا و بنحارب عشان نعمل ده بس بننسى حاجه صغيره و مهمه جداا 👀

هى إننا لازم نبدء من بدرى نو و هما صغيرين لازم نزرع البذره الاول عشان الاقى الثمار بعد كدا 🌱

ادخل ولادى مدارس لغات و لا عربى 🤔🤯
طيب American و لا British 😁🤓
انزلهم المدرسه و لا نقضيها دروس و خلاص و اهى محصله بعضها 🥱😪

مبدءيا كدا و احنا بنقرر مستقبل ولادنا نبعد خالص عن طنط جيجى و ابنها حسام اللى طلع الفضاء لما دخل المدرسه الفلانيه و كل دروسه فى البيت 😁😂

لانه لاء انتى طنط جيجى و لا ولادك حسام 😂🖐🏻

كل واحد بيقولك تجربته هو بظروفه هو بقدراته هو بحياته هو بقدرات أولادهم هما 😎😇

بعيد كل البعد تماما عن حياتك و ظروفك اللى مهما كنتى فاكره أنها شبهه حياتهم هتكون برضوا مختلفه 🌞

أفكاركم و طريقه تصرفكم فى. الامور مش زى بعض خالص 🌜🌛

قدرات ابنها مش زى قدرات ابنك .. اللى هما هيتحملوه مش زى اللى انتى و اولادك تتحملوه

ف لما أجى اختار افكر فى ظروفى الماديه تقدر على ايه
ابنى يقدر على ايه
ايه البدائل اللى انا هقدر اوفرها فعلا و التزم بيها بجد 🌟

كمان ناخد بالنا أنه الولاد فى السن الصغير ده مش كويس ليهم البيئه المحدوده خالص 👀

الولاد بيتعلموا أكثر بالاكتسشاف و التجربه
فمحتاجبن بيئه يكون فيها تعاملات اجتماعيه مختلفه عن اللى متعود عليها و كمان تعامل مع اشياء غير محيط البيت 👨‍👩‍👧🧒🏻

كمان مفيش حاجه اسمها سهله و صعبه على اولادنا 🧒🏻🌟

الولاد فى السن ده بيقدروا يستوعبوا حاجات كتير و عندهم قدره على الفهم كبيره لو احنا مصدرناش طاقه سلبيه أو احساس أنه لاء ده صعب عليك مش هتفهمه 😎

الحاجات الصعبه ليها اكتر من طريقه اقدر اوصلها لاطفال 💪🏻


#انتظروا
#كتابى

محمد الفاتح لما فتح القسطنطينية كان عمره 17 سنه 🤐😃

تخيل 17 سنه قدر يعمل ايه و اصلا كان تفكيره ازاى و حياته عامله ازاى أنه يفتح القسطنطينية و هو عنده 17 سنه 🔦🏅

كان الدكتور جاسم المطوع بيقول ربنا بيحسابنا عند سن البلوغ صح 🤓🤔
طيب هو ربنا هيحاسب شخص مش ناضج 🌟😃

خد لحظه كدا و اتأمل فى الكلام ده و فكر فيه كويس
انت متخيل يعنى ايه المفروض طفلك لما يوصل لسن البلوغ يكون شخص مسؤول و شخص ناضج قادر أنه يدير العالم 😎🗣️

احنا فعلا محتاجين نعيد ترتيب أولوياتنا من تانى و نشوف احنا اصلا بنربى اطفالنا على ايه و هيكونوا ايه لما يكبروا

محتاجين فعلا نبطل نأجل كل حاجه بحجه أنه لسه صغير لاء على فكره اطفالنا بيتعلموا كل حاجه فى سن صغير بشكل أفضل و احسن 🌞🌚

و بعدين هو لسه بدرى عليهم من وجهه نظرنا احنا من خوفنا الزياده عليهم مش اكتر 🥺

يلا ابدءى مع أطفالك و متأخريش اكثر من كدا العالم محتاج يتغير و محتاج لأشخاص قادرين على ده

محتاجين نبنى مجتمع جديد قوى و قادر و مسؤول و مش اعتمادى مهم جدا ناخد بالنا من هدف تربيتنا لأولادنا ❤️🏅

🧑🏼‍🦰: أعلمهم يبدءوا يقروا و اعملهم أنشطه زى ما بتوع التربيه دول بيقولوا 🤔
👱🏼: ياستى انشطه ايه و كلام فاضى ايه كلوا بيتربى انتى اهم حاجه بس تهتمى بحله المحشى فى الشتاء كدا عشان يتدفوا 🥶🤯
🧑🏼‍🦰: و الانشطه طيب و الكتب اللى دفعت فيهم دم قلبى دول اعمل فيهم ايه 🤥🥴
👱🏼: ياستى هو كان حد ضربك على ايدك عشان تسمعى كلامهم ده كله كلام كتب مينفعش فى الواقع بتاعنا ده 🥸🤤
🧑🏼‍🦰: لاء انا جبت الكتب و الادوات خلاص مش هرميهم يعنى اهو هجرب اى حاجه مع الواد حموده يمكن يكون كدا مهندس زى ما نفسى انا و أبوه 🤓😁
👱🏼: طيب انا قولتلك اللى عندى و انتى حره بقى خلصى فلوسك على الهبل ده 🤐🤫

طيب تفتكروا الام الاولى ده بتجرى و عايزه تهتم برعايه اولادها كمان و لا برضوا عايزه تربيهم 🌟

هى نفسها ابنها يكون مهندس و ده مش هيحصل بالرعايه و بس 🥴

طيب الاول نفهم الفرق بين الرعايه و التربيه 🤓

الرعايه هى انى اهتم باكل الولاد و شربهم و انهم يكونوا نضاف كدا و مستحمين عشان محدش يقول علينا معفنين و لا حاجه 😁🖐🏼

طيب هل ده كفايه عشان ابنى لما يكبر يقدر يواجه العالم و يشق طريقه بقى زى ابن خالته المهندس 😁👷🏼

طبعا لاء الرعايه لوحدها مش كفايه محتاج معاها تربيه عشان اكون تهتمين بكل جوانب اولادى فيقدروا يكونوا حاجه لما يكبروا 🏊🏼🚣🏼🚵🏼

ازااى بقى ما كلنا بنربى لاء كلنا اه بنرعى و بنهتم بيهم بس مش كلنا بنربى 🤐🤫

انى أربى ابنى يعنى من و هو صغير من اول سن السنتين ابدء اهتم بمهاراته و انميها 🏆🏅
كمان ابدء ازرع فيه حب الكتب و القراءه 📘📖
كمان العب معاه العاب عقليه تنمى عنده الذكاء و مهاره التفكير و حل المشكلات 🤓🤖

عايزاه مهندس يبقى اهتمى من و هو صغير بعلاقته بالارقام و المبانى و ادوات البناء 🔦🧱🧮

يبقى نخلى بالنا و نلاحظ كدا ايه الجانب الكبير فى حياتنا جانب التربيه و لا جانب الرعايه ‼️⁉️

دقيقه واحده ممكن تغير حياتك و حياه اللى حواليك 🌝💟

دقيقه واحده بس لو خصصتها للناس فعلا ممكن تغير حياتهم لابد مش تغير بسيط لاء تغير شامل فى حياتهم انت متخيل 😃🤓⭐

بس دقيقه واحده .. 🕛📤

سمعت قبل كدا فى podcast مربع
كان فى حد رايح يقدم فى الجامعه ف كتب فى الرغبات
اولا الاحياء
ثانيا الرياضيات
و كمل الباقى و بعد كدا رايح يقدمها ف قابل حد من الشغالين هناك و قاله انت درجاتك عاليه و كويسه ليه تضيع نفسك حط الرياضيات فى الرغبه الاولى 🤓👌🏻 و فعلا سمع الكلام

الشخص ده دلوقتى بقى دكتور كبير فى طرق تعليم الرياضيات و بيقدمها بشكل مختلف تماما 😃⭐

تخيلوا بس مجرد كلمه واحده و دقيقه واحده غيرت من حياه شخص تغير فظيع كبيير جداا 👀💌

ف متخافش انك تقول رءايك أو وجهه نظرك لحد لانه فعلا ممكن تفرق معاه و تغير فى حياته بشكل كبير 🌝🙋🏻‍♀️

كمان طبق ده مع أولادك تخيل بس مجرد موقف أو دقيقه واحده ممكن تغير من حاجات كتير جداا قداام 🗣️

دلوقتى ابنك عمل موقف عصبك جداا خد دقيقه و فكر هتتعامل مع الموقف ازاى 🤷🏻‍♀️
لو اتعصبت عليه الموضوع هيكبر و ممكن ميكنش مستاهل اصلا انك تتعصب و يترتب عليه مشاكل تانيه 🥸

طيب أو اتعاملت مع الموضوع بهدوء ممكن الموقف يعدى و يخلص من غير اى تأثير و من غير مشاكل تانيه 😌😆

ف دقيقه واحده بس ممكن ياما تخلى حياتك فى مشاكل و تعديها و تعيش فى هدوء 🥴☺️

شوفت اولادك بيعملوا حاجه غلط موقف عابر ممكن تعديه و الموضوع يكبر و بدل ما هى مشكله صغيره تبقى مشكله كبيره بعد كدا 🤤🤥

و ممكن تاخد خطوه و تحل المشكله و هى صغيره قبل ما تكبر 🤓✅

بس دقيقه واحده قادره تغير حياتك و حياه اللى حواليك

تعبتى و طاقتك خلصت حاسه أنه الطريق ممل و طويل جداا بس مكمله اعرفى انك على ماشيه على الطريق الصح مع أولادك 💌💟

تربيه الاولاد مش سهله ابداا صعبه و شاقه و محتاجه مجهود كبير جداا بس نتائجها حلوه على قد صعوبتها ☺️

كان فى دكتور بيقول أن البيت اول مكان للتربيه
و البيت ده قائم على اب و ام 👨‍👩‍👧‍👧
فمن غير أسره مفيش تربيه 🤷🏻‍♀️

فأول حاجه بيتعلمها الطفل و اول مهارات بيكتسبها بتكونى انتى مصدرها و انتى السبب فيها 👌🏻✨⭐

و الاطفال بيتعلموا بسرعه جداا ف كل حاجه هتزرعيها فيهممن صغرهم هتلاقى ليها نتيجه و نتيجه ملحوظه كمان 😃✅

زيهم زى النبته الصغيره كل ما تهتمى بيها هتكبر و هتلاقى نتيجه اهتمامك .. بالظبط اطفالنا كدا 🌱

ف انتى دلوقتى اه بتتعبى و بتبذلى مجهود كبير بس كل ده ليه فائده و هتشوفى نتيجته قريب مش على الفاضى ❤️🌱

استعينى بربنا و اطلبى منه المعونه و الصبر و صلاح اولادك 😇

اعرفى كمان انك بتعملى حاجه عظيمه و مهمه جداا ربنا أمرنا بيها ف كمان مجهودك ده عند ربنا عظيم و هتأجرى عليه 😍

التربيه مش سهله بس ليها ثوابها و ثواب كبير كمان افتكرى أنه اولادك لما يكبروا هيكونوا ممتنين ليكى جداا على كل حاجه و كل مجهود عملتيه عشانهم 💌💌🌼



#امومه

لما بنيجى نشوف المهام اللى علينا و نفكر هنعملها ازاى الموضوع بيكون تقيل و صعب جداا 🥴🤤

فى حين أنها لما بتخلص بنكتشف قد ايه هى كانت سهله و عادى يعنى خلصت 😃

كذلك الوضع عند اولادنا لما بيجوا ينفذوا مهامهم و يعملوا اللى عليهم بيحسوا قد ايه هو تقيل و أنه اللعب و الانتخه اسهل و احلى 😁👌🏻

بس اولادنا لسه مش عندهم القدره أنهم يكتشفوا أنه ده بس مجرد شعور و احساس مش حقيقى ✅🙋🏻‍♀️

و هنا بقى دورنا احنا نساعدهم يتخطوا المشكله ده 🤓

عارف اسهل و اسرع حاجه الحاجات السهله الصغيره ده
عشان كدا فكرت أنه ليه منقسمش المهام لاطفالنا 😄

ايوه ازااى بقى 😅

يعنى مثلا لو مطلوب من أولادك يروقوا اوضتهم 😁
نقسم بقى ترويق الاوضه ده يعنى مثلا الصبح هنروق السرير بس بعد ساعتين هنشيل الالعاب بليل كدا هنروق درج الشرابات 😂😆
كدا يعنى و نقيس ده على كل المهام و نقسمهم بالطريقه المناسبه لينا و لأولادنا كمان 🌞❤️

كمان مهم جداا نشجعهم بعد ما يعملوا مهمه معينه مهما كانت صغيره و تافهه مهم جداا التشجيع عشان يستمروا

لانهم كمان بيستمدوا ثقتهم من تشجيعنا و احنا كدا بنعمل حاجه اسمها زرع العادات أو بناء العادات

و بالمناسبه ده حاجه محتاجه صبر و مجهود كبير و وعى كمان 🌝🌝

فى كتابى الجديد إن شاء الله هنتكلم عن العادات بالتفاصيل و ازاى ابنى عاده معينه عند اولادى ❤️
انتظروا 👀😌

Mention 👀❤️

علاقات مُريحة..

وسط دوشة الدنيا وصعوبتها الإنسان مش محتاج غير علاقات مُريحة..

ناس بسيطة التواصل معاهم سهل ومُريح، مافيش تكلف ولا عبء ولا حامل هم في تواصلك معاهم.

ناس قادرة تطلع أحلى مافيك بتصرفاتهم وكلامهم.

علاقات خالية من القمص، والتقطيم، واللوم، والخصام اللي بيخلي الواحد حاسس بالهم في لحظات التواصل.

ناس هينة ،لينة، متقبلاك زي ما أنت، وقادرة تقبل تغيرات حياتك وتتفهمها.

علاقات حاسس إنك متشاف ومتقدر فيها مش وجودك زي عدمه.
ولا إنك محطوط في قالب معين، هما شايفين احتياجتهم هما في العلاقة ولغينك..

العلاقات المُريحة هي مساحة أمان واطمئنان ودفا..
تشعر فيها بالخفةِ لا بالثقَل، بخفة الحملِ لا بثقل الهم، بالإقبال لا بالنفور..

مين الشخص اللي شايف علاقتك بيه بتمثلك معنى العلاقة المريحة.. #منشن له؟

فكرت قبل كدا تمتن للورد و ريحته الورد
طيب فكرت قبل كدا تمتن لكوبايه الشاى اللى بعد الفطار ده او فنجان القهوه اللى بيفوقك الصبح ده ✨😍

طيب فكرتى قبل كدا تمتنى لكركبه اولادك 👀👯‍♀️
تمتنى لتعبهم أو مشاكلهم عشان ده الوقت اللى بنقدر فيه فعلا قيمه الأوقات العاديه خالص ده 😇🌼

كان فى مره حد كان بيحكى 🗣️

🧔🏼 كعاده اى حد بروح شغلى الصبح متكدر مش طايق حد و لا طريق و الزحمه و كل الحاجات اللى احنا عارفيناها ده
كنت بعمل شغل بسهوله جداا و كنت بخلصه بسرعه بس كان كل اللى بفكر فيه الصحيان بدرى و الزحمه و الناس و مديرى كان رخم حبتين 😁

لحد ما فى يوم حصلتلى مشكله كبيره فى شغلى و كان ممكن اخسره 🤥

المشكله ده خلتنى اخد بالى انى كنت بحب شغلى مش بكرهه و شطارتى فى الشغل مكنتش واخد بالى منها و لا مركز قد ايه انى ممكن اكبر و اتطور فى الشغل ده 🤷🏻‍♀️😃

و من وقتها و انا بقيت بحب المشاكل 🤭😂😂
ايوه زى ما سمعت كدا بحمد ربنا لما بقابل اى مشكله ☺️

لما بقيت ممتن لمشاكل حياتى الطبيعيه ده تفكيرى اتغير تماما بعد ما كنت مركز فى الوحش بس اللى فى حياتى عرفت اشوف الحلو المستخبى قبل الظاهر و اللى باين قدام كل الناس 🤓⭐

قدرت و عرفت أن المشاكل مش بتيجى غير عشان تنورلنا حياتنا مفيش حاجه بتفضل على حالها كل حاجه بتتغير و مفيش حياه من غير مشاكل ، بس المشكله لما بتيجى بتغيرلى حياتى و بتغيرلى تفكيرى و نظرتى لأمور 😄
عشان كدا بقيت بحمد ربنا فى وقت الصعب عشان عارف أنه جاى عشان يغيرلى حاجه وحشه فى حياتى حاجه كانت مداريه عنى منظر حلو فى دنيتى مكنتش واخد بالى منه قبل كدا ✨

و من وقتها و انا قررت اعلم اولادى يفكروا كدا يفكروا بأمتنان للحاجات الوحشه قبل الحاجات الحلوه

علمتهم يحمدوا ربنا لما الخروجه تتلغى مثلا اكيد فى خير 🌞

علمتهم يحمدوا ربنا لما يكون عليهم H.w كتير احنا كدا بنتعلم أكثر عشان نكون اشطر و أنجح 🤓❤️

فى كتابى الجديد هنتكلم اكتر عن الامتنان و ازاى أولد العاده ده عند اولادى و اخليهم اطفال ممتنين

انتظروا 👀😌


#الامتنان