I-TECH Barcode System

🔰 أنـواع أقـراص SSD والـفـرق بـيـنـهـا !

🔸 أولاً SLC :
هذا النوع من SSD يقوم بتخزين واحد بيت في كل خلية؛ يتميز بكونه أكثر موثوقية وأمان ويجعل الأمر أكثر صعوبة لحدوث خطأ ما. ومن إيجابياته : سرعة عالية + موثوقية البيانات عالية.
أما السلبيات الوحيدة لهذا النوع فهي التكلفة العالية.

🔸 ثانياً MLC :
بعكس النوع الأول، هذا النوع من الـ SSD يقوم بتخزين اثنين بيت في كل خلية؛ ولهذا تجد أن تكلفته أقل من النوع الأول، إلاّ أنه يتميز بسرعة عالية في القراءة والكتابة مقارنة بالأقراص التقليدية HDD.

🔸 ثالثاً TLC :
في هذا النوع من الـ SSD نجد أنه يقوم بتخزين ثلاثة بيت في كل خلية؛ مما يعني أنه يقدم لك أحجام عالية للتخزين، كما أنه يتميز بتكلفة منخفضة، لكن في مقابل ذلك ستجد فيه بعض السلبيات أهمهما انخفاض في عدد دورات إعادة الكتابة، وكذلك سرعة القراءة والكتابة تكون فيه منخفضة مقارنة بالأنواع الأخرى.

ازاي تأمّن نفسك لو حسّيت إن في كراك بيتم على جهازك من خلال الـ CMD

فيه ناس كتير ممكن تلاحظ حاجة غريبة بتحصل في جهازها: تلاقي شاشة الـ CMD (اللي هي الشاشة السودة) بتفتح وتقفل لوحدها كأن فيه حاجة بتشتغل في الخلفية. الموضوع ده ممكن يبقى علامة إن جهازك مُخترق أو في حد بيحاول يدخل عليه عن طريق كراك أو سكريبت مشبوه. وعلشان كده، لازم تعرف إزاي تتصرّف وتحمي نفسك.

أول حاجة: متتجاهلش الموضوع

لو لقيت الـ CMD بيفتح ويقفل بشكل مفاجئ كده، ماينفعش تسكت. ده ممكن يبقى كود شغال في الخلفية بيحاول ياخد صلاحيات معينة أو يعمل حاجة على الجهاز من غير إذنك.

تاني حاجة: افتح مدير المهام (Task Manager)

دوس Ctrl + Shift + Esc مع بعض.

بص على التبويب اللي اسمه Processes أو Details.

راقب أي حاجة غريبة أو برامج مش مألوفة ليك شغالة.

لو لقيت حاجة مش مطمّنة، دوس كليك يمين واعمل Open file location علشان تعرف الملف جاي منين.

تقدر كمان تعمل End Task بس لو مش متأكد، بلاش تمسح حاجة ممكن تأثر على النظام.

تالت حاجة: شغّل أداة الفحص (Windows Defender أو برنامج حماية تاني)

افتح Windows Security.

روح لـ Virus & threat protection.

اعمل Full Scan أو فحص كامل.

سيبه ياخد وقته ويمسح الجهاز كله، خصوصًا ملفات النظام.

رابع حاجة: استخدم الأمر "Task Scheduler" (جدولة المهام)

فيه ناس بتخلي الأكواد تشتغل أوتوماتيك عن طريق Task Scheduler، وده ممكن يخلّي الـ CMD يفتح لوحده.

افتح قائمة Start واكتب “Task Scheduler”.

راجع الـ tasks اللي موجودة، وخصوصًا أي حاجة مش انت اللي عاملها.

لو لقيت حاجة مش مضمونة، امسحها.

خامس حاجة: شوف الـ Startup

دوس Ctrl + Shift + Esc تاني وافتح Task Manager.

روح لـ تبويب Startup.

اقفل أي برامج بتشتغل مع بداية التشغيل وانت مش عارفها أو مش محتاجها.

سادس حاجة: استعمل أداة خارجية للفحص

فيه أدوات محترمة زي:

Malwarebytes

AdwCleaner

HitmanPro

بتكشف عن البرمجيات الخبيثة اللي ممكن متظهرش في Windows Defender.

سابع حاجة: حدّث النظام وبرامجك

أوقات الكراكات بتستغل ثغرات قديمة في النظام، فخليك دايمًا محدّث:

دوس Start > Settings > Windows Update > Check for updates.

لو بتعمل إعلانات على تيك توك أو فيسبوك، لازم تقرأ الكلام ده كويس لأن فيه نصب ممكن يكون بيتم عليك وانت مش واخد بالك !

في تحديث جديد ظهر اسمه High Risk Label، واللي فكرته إن الطلبات اللي بتتم على موقعك بيتراجع عليها عشان يتأكدوا إنها حقيقية.

وده اللي كشف حاجة خطيرة جدًا:

طلبات بتتسجل من غير ما حد يفتح موقعك !

يعني ببساطة، ممكن تلاقي عندك طلبات على موقعك جايالك من تيك توك أو فيسبوك، بس مفيش حد فعليًا دخل الموقع أو عمل الطلب بنفسه! مش بس كده، الطلبات دي أحيانًا بيكون فيها بيانات أي كلام، وأحيان تانية البيانات بتكون مضبوطة جدًا كأنها طلبات حقيقية، وده معناه إن المنصات دي ممكن تكون بتسجل الطلبات بنفسها عشان تبينلك إن الإعلان ناجح، لكنه في الحقيقة سرقة مقننة!

ليه تيك توك وفيسبوك ممكن يعملوا كده؟

عشان يخلوك تصدق إن إعلانك ناجح فتزيد الميزانية وتكمل إعلانك من غير ما تحس إن فيه تلاعب.

عشان يسرعوا من استهلاك ميزانيتك بأرقام طلبات مش حقيقية، فياخدوا فلوسك من غير فايدة حقيقية ليك.

عشان يخلوك تحس إن منصتهم هي الأفضل وإن الإعلانات عليها بتجيب نتائج، فتستمر في الإعلان عندهم بدل ما تروح على منصة تانية.

إزاي تتأكد إن ده بيحصل معاك؟

راجع بيانات الطلبات على Google Analytics:
لو لقيت طلبات بتتسجل بدون زيارات حقيقية، فده مؤشر إن فيه تلاعب.

افحص الـ IPs وبيانات الطلبات: لو لقيت إن الطلب جاي من سيرفرات تيك توك أو فيسبوك نفسها، فده معناه إنهم هم اللي عملوه مش المستخدمين الحقيقيين.

استخدم أدوات كشف الاحتيال الإعلاني (Ad Fraud Detection Tools) زي ClickCease أو AppsFlyer عشان تكشف إذا كان فيه نشاط غير طبيعي.

إزاي تحمي نفسك من التلاعب ده؟

✅ استخدم تتبع الطرف الأول (First-Party Tracking) عشان المنصات متقدرش تتلاعب ببيانات التحويلات.
✅ فعل الـ CAPTCHA أو OTP في الطلبات عشان تتأكد إن فيه مستخدم حقيقي بيعمل الطلب.
✅ راجع كل الطلبات المشبوهة يدويًا، ولو لقيت حاجة غلط، لازم تقلل إنفاقك على الإعلانات دي فورًا.

الخلاصة

الموضوع ده خطير جدًا ولازم أي معلن يكون واخد باله منه، لأنك ممكن تكون بتدفع فلوس على إعلانات ومش بتحقق منها أي حاجة حقيقية! تيك توك وفيسبوك ممكن يكونوا بيلعبوا عليك وبيسجلوا طلبات بنفسهم عشان يسرقوا فلوسك، فخليك ذكي، راجع بياناتك، ومتخليش حد يضحك عليك!

نوستالجيا ...
فيه جيل فى مصر كان عامل اساسى فى نشر ثقافة و تكنولوجيا المعلومات بشكل كبير, الجيل ده بذل مجهود شاق بكل اخلاص لنشر التكنولوجيا و تمهيد البيئة المعلوماتية, المقصود هنا هو الجيل اللى دخل عصر المعلومات فى نهاية التسعينات و اوائل الالفية
الناس اللى حضرو ويندوز 95 و 98 واستخدموا الماوس البلية و اتعلموا ال DOS عشان يقدروا يحلو مشاكل الويندوز فى اجياله الاولى, الناس اللى كانو بيشترو مجلات الكمبيوتر بانتظام و يتابعو المنافسة بين شركات زى ويسترن ديجيتال و سيجات أو صن و ميكروسوفت و يشترو كتب تعليم البرمجة و يتبادلوها مع بعض و يبعتو ايميلات لشركات البرمجيات ولشركات الهاردوير يطلبو تعديل منتجاتهم عشان تدعم اللغة العربية, ويعملو ندوات لزملائهم فى الجامعة عشان يعلموهم أو يعرفوهم ايه الجديد فى عالم الكمبيوتر,
الناس اللى كانت سرعة الانترنت ايامهم 7 كيلو/ ثانية و يلزمها كارت فاكس (مودم) و اشتراك شهرى كبير جداً, و مع ذلك كانو بيقدروا يحملو كتب و اغانى و افلام, و بعضهم قدرو يبنو مواقع و مدونات و منتديات
الجيل ده كان مهم جداً لان الناس كانو بيساعدو بعض فى كل ما يخص تكنولوجيا المعلومات بكل تفانى,
الناس اللى عاشوا المرحلة دى يفتكروا ان كل مجموعة اصدقاء كان لازم يكون منهم حد عنده هارد ديسك اضافى بيسموه "هارد نقال أو هارد طيار" و ده اللى كل المجموعة بتستخدمه لتبادل الملفات مع بعض او مع مجموعات تانية, و كل مجموعة كمان بيكون منهم حد خبير بمشاكل الصيانة بيتطوع دايماً و فى اى وقت بصيانة اى جهاز بتاع اى حد من الاصدقاء او غير الاصدقاء و دايماً بيكون فى جيبه ورقة مكتوب فيها كلمات مرور مختلفة لنسخ ويندوز مع System Disk..
فيه مصطلحات كتير ممكن ماحدش بيهتم بيها دلوقتى رغم انها كانت شائعة و مهمة جداً ايامهم زى
Master and Slave, Jumper, Low level format, Fax Modem, FDisk, Floppy Disk, NC, NDD,….

الجيل ده مش بس ساهم فى نقل و نشر و تبسيط و تطوير التكنولوجيا لكن كمان استمتع بالبحث و التنقيب فى عالم كان لسه مجهول لمعظم الناس, و رغم ان معظم افراد الجيل ده اكتفو بكونهم هواة و ماشتغلوش كمحترفين تكنولوجيا معلومات لكن كمان هتلاقى مجموعة كبيرة منهم اتجهوا للاحتراف وأكملوا شغفهم بمزيد من الدراسة والبحث والخبرة, هتلاقيهم دلوقتى بيديرو شركات برمجيات كبرى سواء فى مصر او الخارج, أو أطلقوا مواقع الكترونية كبيرة و ناجحة, أو أسسوا مصانع بتنافس أكبر البراندات العالمية وتتفوق عليها...
احنا فى ITECH I-TECH Barcode System كنا معاكم ووسطكم من البداية ومستمرين فى دعمكم بأحدث تكنولوجيا وأقوى منتجات.

قلبان حاصل من صباحية ربنا ف كل حتة ف العالم

مطارات
سلاسل سوبرماركت
مولات
قنوات تلفزيون
سكك حديد
عتاولة بيزنس

كلهم عطلانين بسبب أبديت مش تمام!!

حوت السيكيوريتي CrowdStrike بعت أبديت برمجي فيه مشكلة تقنية لمنصته Falcon واللي بيستخدمها تقريبا تقريبا أتقل شركات في العالم، والابديت ده كان سبب انه كمبيوترات معظم العالم تفتح انهاردة على شاشة الموت الزرقا Blue Screen Of Death او مجازا BSOD..

المتضررين كتير جدا

سكاي نيوز بريطانيا

بورصة لندن

عملاق الاتصالات الاسترالي Telstar

أكبر خطوط طيران أوروبية Ryanair

كل رحلات الطيران ف أمريكا اتوقفت بقرار من وكالة الملاحة الجوية الفيدرالية FAA

وغيرهم وغيرهم كتير

كراود سترايك قالت انها حددت المشكلة وحاليا بتتراجع عن الابديت وهتسحبه من كل كمبيوترات العالم وتنزل حل برمجي فوري عشان كل حاجة ترجع تمام!

⛔🚫حذر الملياردير الأمريكي إيلون ماسك، مالك X، في منشور شاركه على منصته، من أن "تطبيق واتساب يسرق بيانات المستخدمين كل ليلة". قال ماسك، إن "هناك أشخاصاً لا يزالون يعتقدون أن التطبيق آمن". كما شارك الملياردير الأميركي مقطع فيديو يظهر فيه ضيف في حوار صحفي يقول إن واتساب يفتح ميكروفونات هواتف المستخدمين ويجمع البيانات لاستخدامها في أغراض تجارية ودعائية...