Quick Center

السلام عليكم

اسرار و خباياا عالم تكيف السيارات
الموضوع الاهم في فصل الصيف
لكل مالكي السيارات

النهارده هتكلم في موضوع مهم جداااا وهو عن التكيف في العربيه لاننا خلاص بالفعل في فصل الصيف و هنبتدى نستخدم التكيف فعايز اجاوب علي حبه اسئله مهمه ليكوا لان ده هدف الجروب عندنا وهو المعرفه ...

الاسئله الشائعه

هو الفريون بيتشحن كل صيف ؟
هو فيه فرق بين الفريون المصرى و الصيني و الامريكي والبلجيكي و الانجليزى في التبريد ؟
هو ليه فيه ناس بتشحن فريون رخيص و ناس بتشحن فريون غالي ؟
هو فيه فريون مضروب و لو مضروب مضروب ازاي ؟
هو الميكانيكي اللي بيشحن فريون ده زيه زى المتخصص ؟
هو ايه الفرق بين فريون رخيص و فريون غالي عند الاستخدام ؟

في البدايه لازم نعرف معلومات عامه سريعه عن الفريون

غاز الفريون هو الاسم التجاري لفئةٍ معينة من المواد الكيميائية العضوية التي يطلق عليها مركبات الكلوروفلوروكربون (بالإنجليزية: Chlorofluorocarbon - CFC)، ومركبات الهيدروكلور فلوروكربون (بالإنجليزية: Chydrochlorofluorocarbon - HCF)، وبعض المركبات المشابهة. ويحتوي غاز الفريون في الغالب على عنصر الهيدروجين، وعنصر البروم، وعنصر الكلور، بالإضافة إلى عنصري الفلور والكربون
يعتبر غاز عديم الرايحه بيكون غاز ف درجه حراره الغرفه العاديه و بيتحول لسائل ف حاله ضغطه او تبريده

الفريون انواع
فريون R134A: وهو رباعي فلورو إيثان (بالإنجليزية: Tetrafluoroethane)، ويستخدم بشكل خاص في السيارات.

فريون R22: وهو كلورو ثنائي فلورو ميثان (بالإنجليزية: Chlorodiofluoromethane)، ويستعمل في أجهزة التكييف ذات السعة الكبيرة، وفي أجهزة تكييف الوحدات السكنية

فريون R410A
وهو عبارة عن بديل للنوع السابق (فريون R22)، وذلك لأن فريون R22 قد تم توقيف استخدامه في جميع أنحاء العالم؛ لأنه من المواد التي تستنزف طبقة الأوزون.[

فريون R11: وهو ثلاثي كلورو أحادي فلورو ميثان (بالإنجليزية: Trichloromonofluoromethane) ، ويستعمل في أجهزة التكييف والمبرّدات، وهو من أخطر أنواع الفريون على طبقة الأوزون؛ لاحتوائه على ثلاث ذراتٍ من الكلور، وعند تصاعده إلى طبقات الغلاف الجوي العليا يعمل على تفكيك وتكسير جزيئات طبقة الأوزون، وبالتالي تدميرها.

نجاوب بقي علي الاسئله بشكل سريع و مختصر

هو الفريون بيتشحن كل صيف ؟

لا طبعا طالما لا يوجد تسريب بدوره التكيف و بنستخدم نوع فريون ممتاز في خواصه و نسبه الشوائب الموجوده فيه هتقدى تحتفد بالشحنه لايقل عن ٥ سنوات .

السؤال التاني

هو فيه فرق بين الفريون المصرى و الصيني و الامريكي والبلجيكي و الانجليزى في التبريد ؟

لازم كلنا نعرف كويس معلومه مهمه جدااا
جنسيه الفريون هي جنسيه للبراند فقط بمعني ان كل الفريون علي مستوي العالم بيتصنع في الصين و الهند وديه اتفاقيه اتوقعت في ٢٠٠٥ لحصر صناعه البلدين ع تصنيع الفرويون لاسباب متعلقه بالبيئه و تكلفه الانتاج فابالتالي اصبح الفريون مثلا هارب انجليزى هو براند انجليزى لكنه يصنع ف الهند او فريون امريكي لانه يصنع ف الصين و فريون ياباني لكنه يصنع ف الصين و هكذا فمحدش يضحك عليك و يقولك ده امريكي او ياباني او انجليزى هي فعلا فريونات جودتها عاليه لكنه صناعه صيني او هندى و غالبا الصناعه الهندى بيكون افضل من الصيني ...

السؤال التالت

هو ليه فيه ناس بتشحن فريون رخيص و ناس بتشحن فريون غالي رغم انه بيقولك انا بشحن هارب انجليزى بسعر قليل اوى ؟

اثناء زيارتي للمهندس حماده شديد واحد من شيوخ التكيف ف مصر قابلت شخصيه محترمه من شركه كبيره اسمها طيبه للفريون في مصر الراجل مشكور فتح نقاش معايا عن عالم الفريون وهو عالم كبير مليان بالاسرار و الغش وصل الامر انه فرجني ع صور عبوات فريون مكتوب عليها R134A محطوطه ع جهاز تحليل للفريون و ظاهر علي شاشه الجهاز ان تحليل الفريون بيقول ان الفريون الموجود في العبوه R22A وهو فريون ليه خواص مختلفه و بيكون عبأ هايل ع دوره التبريد. ممكن يؤدى لانفجار الدوره لان درجه غليانه ف سربنتينه النكيف عاليه جداا و ده خلاني اخد بالي من البوست الشهير الايام اللي فاتت عن الانفجار اللي حصل ف تكيف سياره لانوس بعد تشغيل التكيف بفتره و الموضوع انتشر ع الجروبات بشكل كبير .
الاستاذ المحترم عرض عليا عبوات ٥٠٠ ملي جرام ف السوق وزنها ع الميزان ٥٠٠ جرام و ده غلط و سرقه كبيره لان الوزن المفروض يكون صافر وزن الغاز بدون العبوه فناس بتروح تشرى العبوه و تشحنها و النتيجه انه حط ٤٠٠ جرام بدل ٥٠٠ لان وزن العبوه محسوب في الوزن و النتيجه كفاءه تبريد ضعيفه .
الاستاذ عرض عليا نماذج لعبوات فريون نسبه الشوائب عاليه جداااا و بتسبب اضرار بدوره التبريد لا حصر لها ...
و كمان شوفت عبوات مكتوب عليها بيانات غير موجوده بالعبوه زى مثلا ان الفريون موجوده معاه مانع تسريب وهو كلام فاضي لانه مانع التسريب بيوصل تمنه ل ٥٠٠ ج و العبوه بتتباع ب٥٥ جنيه

طبعا كل ديه امثله للغش التجارى بالفريون عشان كده نصيحه ما تفرحش بحد بيقولك ان هشحنلك فريون ياباني او امريكي او انجليزى ب ٢٠٠ جنيه وده عررررررض لمده اسبوع لانه نصبايه كبيره هو كسبان منها كتيرررر

السؤال الرابع

هو اي حد يشحن تكيف سواء ميكانيكي او متخصص ؟

ف البدايه لو حضرتك عايز تشحن تكيف بنفسك ده سهل و فيه فيديوهات بتوضح الطريقه لو توافرات معاك الامكانيات .
فالميكانيكي اللي بيشحن هو حافظ مش فاهم خطواط بيقوم بيها و معتمد علي شحن كميه فريون معينه عشان تحس بالبروده لكن المتخصص عارف وظيفه كل مسمار بالدوره و عارف ازاي ياخد اعلي كفاءه من كل جزئيه بالدوره و عارف اعطال كل جزء فيها و ازاي يصلحها وازاي يوفق اجزاء من موديلات نختلفه ع بعض و عارف انواع الفريون و هيدلك ع الافضل ليك و يبعدك عن المضروب
فنصيحه متوفرش ١٠٠ جنيه عشان تروح لمكانيكي غير متخصص و روح لمتخصص هيفرق معاك كتير جداااااا و هتاخد كفاءه عاليه جدااا و هتتكيف بجد هههههه .

السؤال الخامس
هو الفريون المحترم للشركات الكبيره صناعه هندى و صيني و عرفناا طيب الفريون الصيني صيني او الرخيص هبفرق ايه عن الفريون اللي ليه اسم كبير زى هارب امريكي و دنسوو ياباني ؟

دايما الناس بتتلغبط بين تبريد الفريون و كفائته بمعني
انا شحنت فريون دنسو ياباني هتفاجأ بدرجه تبريد ممتازه و صديق ليا شحن فريون صيني تعبان وقلي التبريد ممتاز امال انت كلفت نفسك ليه ؟
الاجابه هي ان الفريون المحترم بيحتفظ بخواصه لفترات طويله ممكن ٥ سنوات حتي ف حاله عدم استخدامه ف الشتاا لكن الفريون الرخيص خواصه بتتغير مع الاستخدام لانه بيغلي وبيرد و يتمدد و ينكمش و ينضغط و يتحول من سائل لغاز كل مره بتشغل فيها التكيف و ده اللي بيخليك تضطر تشحن فريون كل صيف في حين ان غيرك شحنه مره كل خمس سنين وده الفرق الجوهرى بين فريون رخيص و فريون غالي
ارجو اكون جاوبت علي معظم اسالتكم اللي كانت بتدور جوا عقولكم .

تحياتي ليكم
#الادمن

يوم الأحد ١٥ مارس
غسيل الصالون شامل كيماوي وبخامات سوناكس الألمانية
٢٠٠جنية
العرض ليوم واحد بس
01288899553