Toia Mall

طول الادناء 125cm
طول الجيبه 105cm

إدناء حفصة من صبايا مكة مميز جدًا بتصميم شيك وعصري، بيجمع بين لونين متناسقين: الطبقة الخارجية لونها بني دافي والجيبة الداخلية لونها أخضر زيتي أنيق. الأكمام واسعة وملفوفة بشكل جذاب عند الأطراف، وده بيدي لمسة فخامة، وكمان الأزرار الكبيرة اللي ماشية مع لون الطقم بتدي شكل كلاسيكي وفي نفس الوقت محتشم.

الأكمام كمان فيها أزرار عند المعصم علشان تبقى مريحة وفيها إحكام بسيط يناسب مقاسات كتير. الطقم كله معمول من خامة الكريب التركي الفاخرة اللي بيدي إحساس بالراحة وفي نفس الوقت شيك ومناسب جدًا للبس اليومي أو حتى المناسبات الخاصة

#عبايات

خلينا نفتكر مع بعض أهم شروط الزي الشرعي اللي بتخليه مثالي:

1. واسع ومش بيوصف الجسم: اللبس لازم يكون مريح وواسع بحيث ميظهرش تفاصيل الجسم.

2. مش شفاف: لازم تختاري خامات مش شفافة عشان تحافظي على الحشمة.

3. الطول المناسب: سواء كنتي لابسة دريس أو عباية، الطول مهم. اللبس يكون طويل ويغطي الجسم بالكامل.

4. حجاب يغطي الشعر بالكامل: الحجاب مش بس غطاء للشعر، ده كمان جزء من الستايل. تقدري تختاري لفات بسيطة وأنيقة.

لبسك الشرعي ممكن يكون متنوع وأنيق في نفس الوقت! خلي دايمًا في بالك إن الاحتشام بيزيد من جمالك الداخلي والخارجي. ❤️👗
جربي تجمعي بين الاحتشام والأناقة، واختاري الستايل اللي يعبر عنك! شاركينا أفكارك ونصايحك عن الزي الشرعي. 💬

قوليلي اي ستايل من دول ستايلك؟ وايه يعجبك فيه؟🥰

#تويامول

طقم عملي ومميز قوي واللون دا منه فظيع 😍✅
#حجاب #خمار #ادناء
#تويا #محجبات

270 جنيه دريس المشاوير السريعة عند تويامول بدل 450 جنيه 🙈
باقي ألوانه في كومنتات الفيس بوك
بيتم اختيار اكتر بنوتة متفاعلة في البوستات بشكل شهري عشان تكسب موديل من اختيارنا 🥰

حتة سكر من براند الغزالي 😍 طقم زي شرعي مكون من قطعتين :

كاب فضفاض بكم استك سمبل ، وجيبة فضفاضة
والماتريال: رويال يجنن، ألوانه في الكومنتات😉

وعليه عرض بسعره لطيف قوي 🤭🩵
لو حابة تشوفي موديلات اكتر دا لينك قناة الواتس بتاعة تويامول: https://whatsapp.com/channel/0029VaoNazR7IUYd4E7VPP3C

#تويا

#حجاب

تويامول إطلالتك تجمع بين الأناقة والحشمة مع زي شرعي مميز مكون من كاب ودريس بيزك شيك بألوان رقيقة 🌟 مثالي لكل مناسباتك، سواء للجامعة أو الخروجات. اختاري لونك المفضل دلوقوي! 🌸
الالوان اول كومنت

السلام عليكن حفيدات عائشة
كتيير قوي منكم بيبعتولي يسألوا انا مين!
ودي حاجة بتفرحني قوي انكم عايزين تبقوا صحابي وعائلتي مش مجرد بيدج بتشتروا منها لبس شرعي شيك.

انا إيمان فتحي بنوتة ٢٦ سنة من العريش، خريجة كلية تربية ومعايا دورات من ITI وبهوي القراءة والأدب وكمان والكتابة، دورت على حاجة لو اشتغلها تنفعني في دنياي وأخرتي عشان كدا اخترت الزي الشرعي اللي يجمع بين الأناقة والستر وبحلم أن كل بنت تتذوق جمال اللبس الفضفاض الساتر اللي ارتداءه طاعة لله وأحياء للقلب والحياة، وإن شاء الله اقدر اعمل دا من خلال توفير اللبس الشيك الفضفاض وفي نفس الوقت أنيق، وعشان كدا عملت تويامول🤗.

اسم تويامول شقين الاول تويا وهي أميرة كانوا بيعتبروها رمز للجمال عند القدماء المصريين، أما مول فدا عشان في يوم من الايام ربنا يكرمني وتويامول يبقي فيها كل حاجة ممكن تحتاجيها مش زيّ بس😍.

دائما بسمع عن ثقالة العملاء لكن لما عملت البيدج هنا وبدأت اتعامل معاكم حسيت اني في عالم موازي تماما، بنات ذوق قوي ومتربيين مرتين وفعلا يليق عليهن لقب حفيدات عائشة ولقيت أن جمال الايمان منعكس من قلبهم علي تعاملهم مش لبسهم بس، كام مرة نسيت اكتب تمن الاوردر عليه والشركة تسلمه للعميلة بدون ماتدفع تمنه والاقي العميلة بتكلمني بعد ماتستلم تشكرني علي جمال الاوردر وتذكرني اني نسيت اكتب السعر وتحولي تمنه ومواقف زي دي كتير هيبقي تحكيها من وقت للتاني علي البيدج، اللي عايزة أقوله اني بحبكم وحبيت الشغل بيكم وإن شاء الله عند حسن ظنكم وربنا ينفع بينا عباده يارب🩵🤲🫂

ملحوظة: الصورة اللي تحت مش انا😅.
#تويامول
#حجاي

اللهم غزة والسودان اللهم غزة والسودان اللهم المسلمين في جميع بقاع الأرض يا مغيث يا مغيث يا مغيث

لما العميل يقولك انا شايفها بره ارخص

سوفي خبيبتي علسان انا تعبتو كتير
احنا هينا موس عندنا فيصال
احنا هينا بيعتو كولو بيذمه واخد
خبيبتي متتعبيس قلبي بيليز انا ست كيبيرة
نو فيصال خبيبتي ارجوكي
انا مديك واخد سعر مس هتسوفو بره

يابنوتات النهارده اخر يوم في استقبال اوردرات قبل العيد، كل سنة وانتم طيبات ومحتشمات