Rawda salman

(سؤال مهم جداً بيسأله كل أب وأم )🤔
- هو أنا ابني / بنتي ليه مبيتكلمش ؟
= والرد بمنتهي البساطه كده :😒

هو لو حضرتك مصري وأنا قدّامك صيني وحضرتك مبتفهمش صيني وبسألك عن حاجه هترد عليا ؟

- لأ
يعنى ايه ؟ يعنى الطفل اصلا مش فاهم كلامك ولا الأوامر اللى بتقولهاله

يعنى ايه بردو ؟ يعنى الطفل لازم يفهم اللغه الأول علشان يتكلم واللي احنا بنقول عليها بشكل متخصص

(" لغه إستقباليه) "

واللي ليها عوامل تؤهل الطفل للكلام وكمان ليها مراحل .. العوامل دي هي :

١_الانتباه :لازم الطفل يكون منتبه ليك لازم تشتغل على زياده الإنتباه لأنه مش هيفهم اللغه ولا الكلام والمعلومات اللى بتقولهاله من غير مايكون منتبه من الأساس لكلامك .

٢- التمييز والفهم بمراحله المختلفه يعنى الطفل لازم يفهم اصلا الكلام اللى بتقوله ولازم يعرف يعرف يميز ويفرق جدا بين الأشياء اللى حواليه فى البيئه ويعرف مسمياته حتى لو مبيتكلمش يعرفهم الاول ويميز بينهم بينهم وسط حاجتين وتلاته واربعه وعشره وميه ..لازم تشتغل التعرف والتمييز

٣ - تنفيذ الأوامر بمراحلها يعنى الطفل يعرف ينفذ الأوامر لوحده وبشكل تلقائي وطبعا اوامر كتير ومختلفة منها أوامر بسيطه واوامر مركبه (وطبعا الطفل اصلا مش فاهم الأوامر دى معناها ايه فلازم انت اللى تفهمه)

٤- التقليد بأنواعه سواء تقليد حركى وطبعا ليه انواع كتير منها تقليد حركات كبرى وصغرى وتقليد استعمال الأدوات وتقليد مهارات الرعايه الذاتيه وتقليد الخطوات .

(((( واخر حاجه والأصعب فى التقليد طبعا التقليد الصوتى يعنى أن الطفل ينطق وراك ويكرر الاصوات )))) جميله جدا المرحله دى وفعلا بتكون انجاز وبتوصلها مع الطفل اللى مبيتكلمش بعد مراحل وشغل وتعب كتير

وطبعا فى المرحله دى الحمد لله خلاص الطفل بيصبح من طفل غير ناطق الى طفل ناطق و بيبتدى الطفل يكرر وراك نطق الاصوات و بعدين يكرر الكلمات ثم الجمل وبعدين تعلمه يوظف الكلمات والجمل اللى بيكررها ويقلدها وراك فى مكانها وحسب الموقف

ملحوظه الطفل لما بيبتدى يكلم بيكرر شكل الكلمه
عادى جدا لما يقولك على( العربيه بيه )(والموبايل بيل )(والطياره يايا). متقعدش تضغط عليه فى أن ينطق الكلمه صح عشان متكرهوش فى الكلام .والتصليح ده بنعمله لما الطفل يكون بيقول جمل يهمنا أن الطفل يفهم و يتكلم ويحكى الاول وتصليح الاصوات هنصلحه فى وقته متستعجلش وبالتدريج

باختصار عشان الطفل يتكلم لازم يفهم اللغه كويس جدا اللى هى الكلام اللى بيسمعه مننا وبعدين يقلد ورانا نطق الاصوات والكلمات وبعدين يوظفهم فى مكانهم

باختصار اكتر يفهم يقلد يوظف

وعشان ده يتم احنا بنقسم برامج التأهيل اللغوى لمراحل

إن شاء الله طفلك هيتكلم بس لازم يشتغل صح :)

📢📢📢📢📢
حاجه مهمه جدا قبل التدريب على اللغه لازم التدريب على مهارات ماقبل اللغه واى هى مهارات ماقبل اللغه🤔🤔
اولا 1_التواصل البصرى
ثانيا 2_الانتباه والانتباه المشترك
ثالثا3_التقليد بداية من التقليد الجسدى الى التقليد اللفظى (سواء اصوات او كلمات )
رابعا4_التأشير ودى معناها ان الطفل يشاور على الحاجه زى وين تفاحه🍎 وهى بعيد عنه يشاور 👈 باصبعه كده ولو معرفش الطفل بتدربيه عليها
5_تنفيذ الاوامر بعنى هات كذا يعطيكى اى ينفذلك الامر
ودول مهمين جدااااا جدااااا ومعاهم بتظهر اصوات او اولى كلمات الطفل
وبعد كده نبدا ندرب الطفل على طريقه التخاطب ومعرفة مزيد من الكلمات المفرده ثم الجمله من كلمتين ثم الثلاث جمل وهكذا

عندك طفل عمره أكبر من سنتين ؟ 2️⃣🧸

و عايز تطمن على ابنك او بنتك وهل سنه مطابق مع عمره اللغوي ولا لا؟✅
طيب عارف ابنك المفروض يتكلم امتي ؟ 🗣️
طيب امتي يخزن المعلومات ويفهم ؟ 🧠
طيب انت مفكر التخاطب يبدأ من سن 3سنين؟؟ 🤔
و قبل سن 3 سنين المفروض نعمل إيه؟ 🤨
ابنك عنده فرط حركه... تشتت في الانتباه... عصبي... محتاج تعديل سلوك... نورونا وهتعرف الحل وتطمن على ابنك
مع أخصائية التخاطب /روضه سلمان
عيادة أولادي هتقدملك داا 🤍

العنوان : المحور المركزي أمام بنك فيصل عيادة اولادي 👨‍👩‍👧‍👦

للحجز والاستفسار : 01016071009 📞