Re-Mind Community

ممكن يكون أصعب سجن يعيش فيه الإنسان…
هو السجن اللي محدش شايفه

السجن اللي بيهمس له كل يوم:
“إنت مش كفاية.”
“لو الناس عرفت حقيقتك مش هتقبلك”
“لازم تبقى أحسن علشان تستحق الحب أو التقدير”

وده بالضبط اللي بنسميه #الخزي.
الخزي بيخلّي الإنسان يشوف نفسه كلها على إنها المشكلة
وبيأثر على ثقته بنفسه، علاقاته، قراراته، وطريقة تعامله مع الحياة

علشان كده عملنا ورشة الخزي…

الورشة مناسبة لو
- بتحس إنك دايمًا مقصر أو مش كفاية
- صوت النقد الداخلي عندك عالي ومُرهق
- عندك صعوبة في تقبل نفسك أو التعبير عن مشاعرك
- عايز تعيش بحرية أكتر بعيدًا عن الأحكام القاسية على نفسك
اكتب لنا مهتم وهنبعتلك كل التفاصيل📩

يا رب،
بنصلي لكل حد مش عارف قيمته،
ولكل اللي فقد إحساسه بنفسه وسط كلام الناس وآرائهم.

لكل اللي بقى يقيس نفسه بمقارنات مستمرة،
أو بإنجازاته، أو بقبول الآخرين ليه.

ساعده يشوف نفسه بعينيك،
مش بعين النقد أو الرفض أو المقارنة.

ولما يحس إنه مش كفاية،
فكره إن قيمته ثابتة، وإنه محبوب ومقبول.

حرّره من أي أكاذيب صدّقها عن نفسه،
وساعده يعيش من منطلق هويته الحقيقية،
مش من خوف أو محاولة لإثبات نفسه.

آمين 🙏🏻
#صلاة

النهاردة الساعة 10 مساءً 🚨
السيزون التاني من Podcast #رجولة بيبدأ!

وفي أول حلقة مع هنسأل سؤالين بيأثروا في كل قرار وكل علاقة:
مين أنا؟
وقيمتي جاية منين؟

تابعونا في حوار عميق ومختلف.
ولو محتاج لينك الحلقة اكتب #لينك في التعليقات 👇

يا رب،
بنصلي لكل اللي عايش مع ذكريات وأوجاع قديمة،
ولسه أثرها موجود في قلبه وعقله.

لكل اللي بيحاول يتخطى،
بس الماضي بيرجعه لنفس الوجع من جديد.

ساعده يا رب يتصالح مع اللي فات،
ويلاقي شفاء للأماكن المكسورة جواه.

وساعده يعيش في الحاضر،
من غير ما يفضل أسير لذكريات أو أخطاء قديمة.

املأ قلبه بالسلام،
وادّيه رجاء إن اللي جاي يقدر يكون أفضل من اللي فات.

آمين 🙏🏻
#صلاة

في رجال كتير متخيلين إن #الرجولة معناها السيطرة.

إن رأيك لازم يمشي.
وإن الكلمة الأخيرة لازم تبقى ليك.
وإن التنازل ضعف، والاعتذار هزيمة.

لكن هل فعلًا دي قوة؟

#القوة مش إنك تفرض رأيك...
القوة إنك تسمع رأي مختلف من غير ما تحس بتهديد.

مش إنك تكسب كل نقاش...
لكن إنك تحافظ على العلاقة حتى لو مكسبتش النقاش.

مش إن الناس تخاف منك...
لكن إنهم يشعروا بالأمان معاك.

الرجولة الحقيقية مش بتظهر لما كل حاجة تبقى تحت سيطرتك.

بتظهر لما الأمور تخرج عن سيطرتك... ومع ذلك تختار الحكمة بدل التسلط،
والمسؤولية بدل الهروب.
#رجولة

يا رب،
بنصلي لكل حد خايف من المستقبل،
ومش عارف الأيام الجاية مخبّية له إيه

لكل اللي شايل هم بكرة،
واللي عقله مش بيبطل يفكر في المجهول

ادّيه يا رب سلام وسط الأسئلة،
وطمّنه حتى لو مش شايف الصورة كاملة

ساعده يثق إن حياته في إيديك،
وإنك سابقه في الطريق اللي لسه ما مشيهوش

حرّره من الخوف اللي بيعطّله،
ومن القلق اللي بيسرق منه فرحة النهاردة

وادّيه شجاعة ياخد خطوة بخطوة،
وهو واثق إنك معاه في كل مرحلة.

آمين 🙏🏻
#صلاة