Ayan Store

دماغك وجعتك من عياط إبنك طول النهار
العياط دايما بيزيد قدام الضيوف و وقت الخروج................................................................................................................................
التحكم في نوبات غضب أبنك سهل جدا ,
بيكون بداية تكوين الشخصية و الإحساس بالأستقلال عن الأم و عشان كدة اول كلمة بنسمعها لأ و بعدها الرفض بيتحول لحالات هستيرية من العياط و الصريخ.

قبل أي حوار لازم توصل لأبنك فكرة أن مفيش تفاهم او كلام طول ما هو بيعيط فبتطلبي منة أنة يسكت عشان تفهمي هو عايز أية و كل ميكلمك تقولي مش فاهمة بطل عياط عشان أفهم
ثبات رد فعلك و هدوئك في نوبة العصبية هي الوسيلة الوحيدة عشان تفهمية ان الصريخ مش وسيلة ضغط عليكي .
مش كل وقت بتكون نوبة الغضب جوة البيت في أوقات بتكوني برة أو مع أصحابك فبالتالي هتستخدمي الطريقة المسكنة و هي تشتيت إنتباة أبنك مثلا قولي تعالي ندور علي كذا , بص فوق علي كذا , أي حاجة تيجي علي بالك المهم انك هتخدية من أيدة تدوري علي اي حاجة عشان ينسي الموضوع الأساسي أهم حاجة متديهوش الي هو بيعيط علية بس خلي بالك الطريقة دي مش علاج .
في البيت او في الأماكن ألي هتكوني علي راحتك فيها جربي الطريقة دي :
• انزلي لمستوي نظر أبنك
• كلمية بالراحة و بهدوء و طبطبي و انتي بتتكلمي
• ادي اختيارات عشان تحلي المشكلة و مش شرط ان الحلول تكون كلها مرضية لية , دة بيدية إحساس الحرية الي بيدور عليها .
• استخدمي اسلوب الترغيب و الجزاء المادي لأن الطفل في السن الصغير بيكون المعزز المادي اشد تأثير علية من المعزز المعنوي .
• نفذي وعودك و حلولك لأن دة بيبني الثقة في كلامك

#صحةنفسية

ولادي بيقلولي مبنحبكيش
خايفة يكونوا فعلا مبيحبونيش
ازاي احسسهم بحبي ؟

في خمس حاجات تعمليهم عشان تحسسي ابنك بحبك
• الحضن و البوسة
من اول الولادة ابنك بيحس بيكي بحضنك بالبوسة بتاعتك لازم حضن و بوسة الصبح , كمان لازم بوسة و حضن قبل النوم و حضن اول متشوفية بعد المدرسة او الحضانة و الفرجة علي التليفزيون و هو في حضنك , بوسة الايد المتعورة , الحجات دي علي بساطتها هي مهمة جدا لكل الاطفال و بتحسيسهم بالاهتمام .
• التشجيع
التشجيع علي الانجازات البسيطة زي طلوع السلم , كلمة جديدة قالها , نجاح في الامتحان , اسم الدلع مهم جدا لابنك , وصفة بحاجة هو شاطر فيها.
انتي بتحبي ابنك عشان هو اهم انسان في حياتك مش عشان شاطر فشجعيه و فهمية انة البطل بتاعك حتي لو معملش الحاجة صح دايما كفاية انه حاول

• الوقت
كل يوم لازم تقعدي مع ابنك نص ساعة لوحدكم مفيش حاجة تشغلك عنة ولا موبيل او طبيخ او اخوة
ممكن تقروا قصة مع بعض , تطبخوا مع بعض , تلعبوا مع بعض , او حتي تتكلموا مع بعض عن الي حصل انهاردة
• تربيتك لابنك ممكن تكوم وسيلة للحب
اما تحطية بنفسك في سريرة و انت بتضحكي و مش محسساه انه عبئ , و انت بتلبسيه هدومة و بتزغزغية , و انت بتطبخي و تقليلوا عملتلك الاكلة الي بتحبها كل د هيحسسوا بحبك لكل تفاصيله
• الهدايا
آخر حاجة تحسيسي ابنك عن طرقها بالحب و الاهتمام , لازم يحبك عشان هو عارف انك بتعملي الحجات الي اتكلمنا عنها مش عشان عايز منك حاجة
______________________________________________
متسمعيش كلام الي بيقلك بطلي دلع بقي
لان ده مش دلع انه يحس بالإشباع العاطفي و يكون شخصية متوازنة مش شكاية ولا خايفة و لا عنيدة او مرتبكة ده هدف كل ام .


#صحةنفسية