Sara's Tips

ألشفينج
بنات كتير بتخاف تستخدمه ظنا ان منطقه البكينى بتسود او الشعر بيطلع تقيل
اللى طلعت بيه بقى بعد تجربتي الشخصيه ....
*الشعر بيطلع بعد 3 ايام
* مش تقيل ولا حاجه نفس سمك الشعر عادى بس المهم يتعمل على طول مش يتساب لحد ما يطول
* سهل وموفر وقت ومجهود
** الطريقه بقى .. نغسل منطقه البكينى كويس ونعملها سكرب "" لمونه نغمسها بيكرباناتو .. لو مفيش زيت زيتون وملح سكر او بن ...
بعد الاسكرب نغسل المنطقه وندهن زيت جونسون ونحط الشفره تحت الميه ونبدأ ف نفس اتجاه الشعر وبعدين عكسه وطبعا بننزل الشفره تحت الميه كل شويه
بعد مانخلص بندهن فيوسيدين او زيت جوز الهند أو زيت الزيتون او زيت جونسون وممكن كريم مرطب
** التعقيم بقى
علشان نستخدم الشفره اكتر من مره لازم بعد كل استخدام نعقمها بكحول من الصيدليه
** الشفرات انواع كتير بس احسن نوع جيلات ڤينوس واسعارها بتبدأ من 30 جنيه ف الصيدليات ف العادى وف الجل الاتنين واحد نفس الوقت اللى بيطلع فيه الشعر
**** يارب تكونوا استفادتوا 😘😘

زي ما بنهتم بشعرنا و ببشرتنا ياريت برضه نهتم باسناننا ويكون عندنا روتين عناية خاص بالفم و الاسنان

مينفعش تكوني بنوتة جميلة ولما تضحكي تكون اسنانك صفرا وفيها بقع او تكون ريحة نفسك مش كويسة
طبعا لازم متابعة مع الدكتور لان ممكن يكون في مشكله محتاجه علاج زي التسوس او مشكلة في الجهاز الهضمي دول بيسببوا ريحة النفس اللي مش كويسة
- ياريت غسيل الاسنان يكون عالاقل مرتين مره اول ما تصحي و مره قبل النوم
اختاري معجون يومي مناسب واستخدمي معجون مبيض مره فالاسبوع و في طبعا انواع مبيضه ومناسبة للاستخدام اليومي زي crest او close up
والاسبوعى Depurdent

استخدمي مضمضة برضه مرتين الصبح و قبل النوم
انا ارشح Listerine بجد راءعه هيه شديده شويه يعني لما تحطيها هتحسي بحرقان فالفم
بس هتتعودي و هتحسي بفرق فظيع
- مش لازم اسنانك تكون بيضه زي السيراميك بس برضه لازم تكون شكلها كويس وكلها نفس اللون
في وصفات و في منتجات كتير بتحافظ عاللون الطبيعي بتاعها زي
Crest whitening stripes او
اقلام التبييض الموجوده فالسوق
بس طبعا مش بتدي البياض الناصع اللي بنشوفه على المشاهير لان دي بتكون جلسات عند الدكتور و ماده معينه بتتحط و مكلفه جدا
دي كانت مجرد ملحوظات بسيطه ناخد بالنا منها
وياريت اللي عنده تجربة مفيده يشاركها معانا

التونر
على الرغم أن التونر خطوة أساسية و مهمة في روتينا اليومي إلا أني شايفة ان الخطوة ديه مش لازم ادفع فيها فلوس كتير
فوائد التونر
1_يساعد البشرة على التخلص من بقايا الغسول و أي شوائب
2_قابض للمسام
3_يساعد البشرة على أن تستعيد معامل الحموضة
4_ يأهل البشرة أنها تستقبل المنتجات اللي هستخدمها بعد كده
5_منشط للدورة الدموية
ديه كده يا بنات فوائد التونر
مبدأيا انا بشرتي مختلطة و المسام عندي مش مسببة ليه مشكلة لانها بسيطة جدا مش بتظهر غير في الصيف
بالنسبة ليه التونر المعتمد عندي في فترة الشتاء هو الماء البارد (متهيألي مفيش أرخص من كده )
طيب ازاي؟؟
أما بغسل بشرتي بستخدم ماء دافئ مع الغسول بعد أما اتأكدت اني شطفت بشرتي كويس جدا من بقايا الغسول بقفل الماية الساخنة و افتح الماية الباردة و اشطف وشي تاني بالماء البارد و كده أكون عملت صدمة لبشرتي و أصبحت الماية بالنسبة ليه قابضة للمسام
لو حسيت أن بشرتي جافة شوية
بجهز بخاخة بحط تقريبا تلتين البخاخة ماء سابق الغلي أو ماء مقطر و احط التلت الباقي جلسرين (مرطب) و بستخدم البخاخة ديه كتونر و بالطريقة ديه يبقى عندي تونر مرطب للبشرة و على فكرة ممكن تستخدم الميكس ده لو عايزة تعملي ريفريش للميكب بتاعك و على فكرة اللوك بيكون كويس جدا
بالنسبة للصيف التونر المعتمد
ماء الورد + منقوع مر البطارخ(شكله يشبه اللبان الدكر) و أفضل نوع اللي لونه فاتح و محمر بسيط
أولا فوائد المر
1_منقي للبشرة
2_يوحد لون البشرة
3_بيساعد على التخلص من الحبوب و آثارها
4_مقاوم لعلامات تقدم البشرة
5_قابض للمسام
بصوا يا بنات المر ده حاجة من الآخر
طريقة التونر
باخد معلقة من مر البطارخ و احط عليها كوب ماء مغلي و اسيبيهم لمدة ليلة كاملة و تاني يوم اصفيه و احطه في بخاخة و أضيف ليها نص كوب ماء ورد
و هو ده التونر بتاعي طول فترة الصيف ممتاز جدا بصراحة بحس أن بشرتي معقمة و على فكرة بستخدمه لجسمي بعد الشور و مفيش أي حبوب بتطلع في جسمي الحمدلله
جربوه بجد هيعجبكم
أوقات أما بحب اغير التونر بتاعي بستعمل أنواع من اللي موجودة في الماركت و اكتر نوع عجبني و يعتبر بديل لأنواع غالية كتير هو
تونر نيفيا فيزاج للبشرة الحساسة (لونه روز)....التونر ده ممتاز جدا و رخيص و خالي من الكحول و بالنسبة ليه احسن من أنواع تونر كتير أقل منه جودة و أعلى منه ثمنا
يا رب تكون فكرة التونر تعجبكم و توفر عليكم و لو البوست عجبكم لايك ل كتير 😘😘

عروسه 👸👸
عايزه ابقى حلوه ف البيت زى وانا خارجه وحاجه ميكب
يبقى لازم نهتم ببشرتنا كويس اووووووووووى ... طيب هنبدأ بأيه
** مقشر للبشره
وعندنا سكرابات ستاركى حلوه اوى وروائح مختلفه
** ماسك للبشره
وهنعمل حاجه طبيعيه " نص كوب ماء وندوب فيه معلقه نشا ونسيبه ع النار لحد ما يمسك نفسه ويبقى كريمى قوامه لا خفيف ولا تقيل .. نحطه ع الوش لحد ماينشف خالص ونفركه ونشطف الوش
**الاساس ف الميكب عندنا وهو الفونديشين
طبعا ف البيت لا يفضل الفونديشين خالص .. ممكن bb cream او cc cream. انا بقى بفضل الصن بلوك لاننا ف البيت بنتعرض للبوتجاز والمطبخ ودى حاجات حرارتها سخنه عندنا مثلا صن بلوك بوباى حلو اوى وسعره رخيص
** لو ف هالات
هنحط حاجه بسيطه من الكونسيلر
**البلاشر
هنحط لون وردى .. ويفضل الكريمى طيب لو مفيش هنعمل ايه ..
فازلين نسيحه وعليه بودره دم الغزال ونقلبهم سوا ونحطهم ف علبه وف التلاجه ودا مورد خدود طبيعى
** الشفايف بقى
هنحط طبقه فازلين ابيض وبفرشه ماسكرا نضيفه نعملها سكرب وتسببها للاخر ونحط اى روج ونفضل نضغط بشفايفنا على المنديل علشان تبان طبيعيه .. وممكن نحط من المورد اللى عملناه
** الحواجب
هنعملها بماسكرا حواجب
** الشادو
لون احمر او اورانج خفيف او بينك عادى وف النص نقطه اوف وايت
** الرموش
ماسكرا
★★ بس كدا يا بنات يارب تكونوا استفادتوا😘😘