Waleed Fathi

لو انت شغال فى ال IT
الكلام ده مهم جداً جداً ليك 👇



تكملة لشرح ال RAID👌

هنتكلم النهاردة إن شاء الله عن الـ RAID Levels
اللى هما
RAID 0,RAID 1,RAID 1+0,RAID 3,RAID 5,RAID 6 😊
أولاً : RAID 0 ✊
اللى بنستخدم فيه تكنيك الـ Striping
وبنستفيد منه High Performance
"ارجع للبوست اللى فات هتلاقيه مشروح" 😉

ثانياً : RAID 1 👆
اللى بنستخدم فيه تكنيك الـ Mirroring
وبنتستفيد منه High Protection
" بص انت لازم ترجع للبوست اللى فات هتلاقيه مشروح هناك"😇

ثالثاً:RAID 1+0) or (RAID 10) or (RAID 1/0)) 🙃

ده بنستفيد منه:
Protection and Performance together

يعنى فيه مميزات RAID 0 and RAID 1 together

طب بيشتغل ازاى ؟
أولاً ده عشان تستخدمه لازم على الأقل يكون موجود 4 هارد درايفز ولو هتزود لازم يكون العدد الكلى للهارد درايفز عدد زوجى 4 , 6 , 8 , 10 ...... (n+1)
حيث n = odd number
(لأن أى رقم فردى هتضيف عليه 1 هيتحول لرقم زوجى)

تخيل معايا إن عندنا 4 هارد درايفز
أخدت منهم 2 وخليت واحد mirror للتانى , يعنى الداتا اللى هخزنها على الهارد رقم 1 هتتخزن كمان على الهارد رقم 2 وده كده "RAID 1"

واليوزر لما يجى يطلب الداتا .. الـ Request بتاعه هيتنفذ بسرعة الهاردين
يعنى الداتا هتيجى من الهارد رقم 1 والهارد رقم 2 عشان الوقت يكون أقل وده كده "RAID 0"
عشان كده اسمه RAID 1+0

شوفت سهل ازاى ..!

واللى هيحصل مع الهاردين 1 & 2 هيحصل مع 3 & 4 و 5 & 6 وكل اتنين مع بعض 💪

رابعاً : RAID 3 🤟

وده شغال بتكنيك الـ Parity

يعنى لو عندك 4 هارد درايفز فالداتا هتتخزن على 3 والهارد الرابع بيكون محجوز ومُخصص للـ Parity
ولو سألت ايه الـ Parity هقولك "ارجع للبوست اللى فات 😁 "
وفى حالة RAID 3 ممكن لو هارد من ال 3 هارد درايفز اللى الداتا بتتخزن عليهم ضرب أو اتحرق نقدر نسترحع الداتا اللى كانت على الهارد ده .. بس خلى بالك هنا نقدر نسترجع الداتا لـ" هارد واحد فقط " ✊

خامساً : RAID 5 ✋

وده بيشتغل زى RAID 3 بالظبط الفارق الوحيد إن الـ Parity بتكون مُوزعة على كل الهارد درايفز ومش موجودة على هارد واحد وبكده أقدر أستخدم الـ 4 هارد درايفز فى التخزين مع تخصيص مساحة على كل هارد للـ Parity

وبيسترجع الداتا لـ "هارد واحد فقط زى RAID 3"
وكمان فى فايدة هنتكلم عنها فى البوستات اللى جاية إن شاء الله
"انت لازم ترجع للبوست اللى فات "

سادساً وأخيراً RAID 6 ✋☝️

وده بيشتغل زى RAID 5 بالظبط
الـ Parity مُوزعة على كل الـ هارد درايفز
الفارق هنا ممكن لو 2 هارد درايفز ضربوا أو اتحرقوا نقدر نسترجعهم

مُرفق صورة كل Level
شوفت ياعم الـ RAID سهل ازاى؟!
خلص معانا فى مرتين .
تابع القادم 👌💪✊