Revit-Store Apps

ازاى تزود مبيعاتك؟

النصيحة السابعة: خلى عميلك في جيبك
اللى بيسوق نوعين, نوع بيشتغل طيارى, بيعة وخلاص, ونوع تانى عاوز الاستمرارية عشان ينجح

التجارة الإلكترونية انتشرت جدا, بس هل كل مسوق او تاجر ناجح صحي من النوم ومن اول مرة اشتغل ونجح؟

لأ طبعا, اغلبهم جرب مرة واتنين وتلاتة,
فهم الدورة ماشية ازاى,
ذاكر و دور,
جرب وحقق مبيعات,

فيه مقولة حقيقية جدا بتقول
"اللى ماكنش صبى شاطر في شغلته, عمره ما هيكون معلم فيها"

فانت عشان تكون معلم في شغلتك, لازم تتعلمها صح الأول,,
طب دا ايه علاقته بالعميل وجيبي؟

علاقة قوية جدا طبعا,,
لما تسوق لمنتج معين قميص, بطنلون, برفيوم, موبايل, او اى حاجة تانية,
لازم تدور على شوية حاجات: اهمها..

1-الجودة, عشان انت اللى في وش العميل, وممكن تبيع حاجة جودتها رديئة على صفحتك تخلي العميل يعمل عليك حفلة على السوشيال ميديا تأثر على شغلك ومبيعاتك.

2-التسليم:لازم يكون عندك مصداقية في مواعيد التسليم للعميل, عشان العميل لو حس انك بتعت المنتج متأخر, حتى لو كان المنتج فوق فوق الممتاز, لما يحب يشترى حاجة, عقله هيقوله

"الصفحة دى هتطلع عينك على ما توصل الأوردر, احنا ندور على حد تانى بيبيع نفس المنتج, جايز يعجبنا و اهو نجرب"

ويا سلام لو التجربة كانت إيجابية, الف مبروك... عميل راح.

3-المصداقية: قولت للعميل هيوصلك بنطلون جبردين بيج مقاس لارج تلبيس من كذا لكذا, يبقي دا اللى هيوصله,
العميل قالك شوفت صورة التيشيرت وعاوز نفس اللون هو هو, يبقي اللى تبعته يكون نفس الحاجة او ماتبعتش, ماتعاملش العميل انه زبون طيارى في موقف ميكروباص محافظات.

4-الهيبة والشكل والهالة:لازم تعمل لنفسك هيبة, لما العميل يدخل صفحتك يحس انه دخل صفحة لمكان كبير,
"قصدك ازعق يعنى؟"

طبعا لا, لكن لما تكتب بوست, التزم باسلوب معين في الكتابة ماتحيدش عنه
هتعرض منتج؟
يبقي فيه اسطمبة بتعرض بيها كل المنتجات
مثال:
شغال على ملابس رجالى:-
هتقسم البوستات
1-اعلان عن منتج
2-بوست عادى مفيهوش منتجات
3-تهنئة ومناسبات

الإعلان عن المنتجات دا هيكون فيه:
بناطيل, قمصان, اكسسوار, ملابس داخلية, وهكذا..

يبقي كل بوستات المنتجات تكون لها استايل معين في الكتابة
أ-جملة او اتنين عن المنتج
ب-الخامة والمقاسات والألوان المتاحة
جـ-طريقة التواصل
د-السعر لو حابب

المهم ان يكون ترتيبك واحد في كل البوستات اللى من نفس النوعية
الحاجة التانية: الصورة ثم الصورة ثم الصورة
العين بتشترى, فمتحرمش عميلك من انه يشوف المنتج اللى هيشتريه, معلش يعنى احنا مش بنشترى سمك في مية, احنا عاوزين سمك مشوي متفصص بالسلطات ناكله علطول

الحاجة التالتة: الألوان
كل نوع بوست لازم يبقي له لون معين
هتعمل بوست تعرض منتجات :ازرق مثلا
بوست عادى: وردى او اصفر او اى لون يعجبك
بوست تهنئة: كحلى او ابيض
الديزين اللى مع البوست بتاعك لازم يكون هو نفسه معمول بنظام
الصورة هتكون لها مكان
اللوجو والأسم لهم مكان او اتنين بتبدل فيهم
الكلام له مكان وله فونت معين وهكذا
كدة انت صفحتك بقى لها شكل معين, مش بتغيره مافيهاش عك, العميل يدخلها يحس انه دخل مكان بيتعامل باحترافية, مش رمي بوستات يمين وشمال وخلاص.

كدة انت هتكون قدرت تكسب نقطة مهمة جدا في نقاط البيع بالعمولة الناجح. وكسبت عميلك وبقي دايما في جيبك عشان لما يحب يشترى حاجة انت و غيرك بتسوقولها, هتلاقي مسج تبسطك فيها

"انا اشتريت منكم كذا وكان حلو وعاوز/عاوزة اعمل اوردر بكذا.."

اعمل إعلان ببلاش !!

لو انت عندك متجر الكترونى, دا معناه إنك تقدر تعمل عليه إعلاناتك من غير اى رسوم, يعنى مفيش حاجة اسمها ادفع عشان توصل, لإنك بالفعل واصل,

متجرك الإلكترونى لما يكون على موبايل العميل, تقدر تبعت من خلاله إشعارات زى ما انت عاوز, ومن غير ما تدفع فلوس, و كمان الإعلان بتاعك هيوصله هيوصله مفيهاش كلام, انت دلوقتى بقي عندك منصتك الخاصة بيك, لا هتلاقي اللى يقولك الكلمة دى مش عاجبانى ولا الكلمة دى مش مناسبة لنظامى.

اكتب و اعلن براحتك وعميلك هيشوف هيشوف,

egrevit.com

ازاى تزود مبيعاتك؟

النصيحة السادسة: انت مش لوحدك

اوعى تفكر انك لما هتدخل الماركت هتكون لوحدك, انت لو بتنافس على مجال "بيع الهوا", هتلاقي منافسين,
بس كمان زى ما العميل بيشوفهم بيشوفك, الفكرة بقا انت هتخليه يشوفك ازاى؟
انت عاوز العميل يبص للمنتج بتاعك ازاى؟
يشوفه سعر ولا قيمة؟
يشوفه خامة ولا جودة؟
يشوفه شكل ولا حالة؟
فيه فرق بين كل كلمة من الاتنين دول
هناخد امثلة بيسطة قيس عليها طريقتك في البيع
سعر- قيمة
زى انك تقول "هتاحد المنتج بسعر مغررررررى" وتقول "هتاخد منتج قيم جدا وقيمته فيه"
-انهى جملة من دول حسستك انك قدام المنتج الأفضل؟
اللى قالك هتاخد قيمة؟ ولا اللى قالك هتاخد سعر مغرى؟
خامة - جودة
زى انك تقول "تي شيرت قطن 100%" وتقول "تي شيرت جودة ممتازة عشان قطن 100%"
شكل - حالة
زى انك تقول "تي شيرت بولو احدث ديزاين" وتقول "تي شيرت بولو للصفوة"
يبقي الفرق بينك وبين منافسينك هو انت مش المنتج اللى بتبيعه, طريقة بيعك للمنتج مش بس المنتج نفسه
فيه ناس ماتعرفش تبيع الدهب وناس تانية بأسلوبها بتخلي اللى بيشترى التراب يعامله معاملة الدهب.

ازاى تزود مبيعاتك؟

النصيحة الخامسة: فكر, جرب, اتعلم

عشان تسوق لمنتجاتك او عشان تسوق لمنتج عموما, وتحصل على مردود وتبيع, لازم تكون عارف إنك هتستثمر في الخطوة دى, لكن هتكون خايف ماتقدرش تحقق الهدف اللى انت حاطه لنفسك, وهيبقي عندك مخاوف من إنك ماتقدرش توصل لهدفك دا, خصوصا لو هتصرف عليه, خصوصا التسويق لو مسوق بالعمولة,, هتكون متردد وهتفكر هل ممكن اقدر ابيع المنتج من غير ما اصرف جنيه؟!!
طبعا ممكن, لكن دا هيحتاج منك حاجات مهمة جدا..
1-الصبر: ماتستعجلش النتيجة عشان مفيش حاجة بتيجي في ساعتها مهما كانت
2-المثابرة: ماتزهقش وجرب مرة واتنين وتلاتة بطرق مختلفة
3-الإبداع: مش لازم تكون بتكتب محتوى وااو مفيش زيه, مش كل الناس عندها الموهبة دى, لكن فيه ناس تقدر تدور على محتوى مميز و اسلوب يشد.. يشدك ويشد غيرك
4-التعلم المستمر: لو جربت طريقة والطريقة دي ماجابتش,, شوف من وجهة نظرك (اللى ممكن تكون غلط عادى) ايه اللى خلاها ماتنفعش,, جرب غيرها و غيرها وغيرها
5-النظام: خليك دايما منظم في شغلك, لو بتبيع ملابس, قسم الشغل اللى عاوز تسوقله, حدد الموسم اللى انت فيه, حدد نوع الناس اللى عاوز تسوقلها, وهكذا, وحط كل حاجة قدامك وسجل ملاحظاتك على اللى انت بتوصله (حتى لو ماوصلتش لحاجة, دا في حد ذاته وصول)
6-البحث: دور على طرق التسويق الجديدة في السوق, اسلوب كتابة, طريقة عرض صور, طريقة عرض منتجات وهكذا,,
7-الاقتباس: كل الدنيا ماشية بالاقتباس, الأفلام بتقتبس من بعضها في كل الدنيا, الأغانى, الإعلانات, لإن احنا 7 مليار بني ادم لازم يكون فيه ناس بتعمل افكار جديدة وناس بتقتبس الأفكار دى, فأنت اقتبس فكرة ناجحة وظبها على شغلك واهدافك,

ازاى تزود مبيعاتك

النصيحة الرابعة: اوصف المنتج بحب,

البيع اون لاين مش صعب, بس محتاج منك مجهود
استثمر في اوصاف منتجاتك, خليها دايما جذابة.
اوصف المنتج اللى بتسوقله كإنك عملت كل حاجة فيه, اوصفه مش عشان تبيع لكن عشان تقدم خدمة للى هياخده.
وصف منتج من غير صورة هو وصف ناقص, لو بتبيع ملابس خلي دايما.
خلي كلامك بيقدم فوايد مش بيقدم مميزات (فيه مثل انجليزي بيقول" المميزات تقال و الفوائد تبيع Features Tell, Benefits Sell) عشان كدة لما تبيع جاكيت جلد ماتقولش جاكيت جلد شيك لكن قول (جاكيت جلد بيخليك مميز)
ماتقولش قميص ع الموضة لكن قول (خليك انت الموضة وسط اصحابك بقميص "البراند او النوع او ايا كان")
ماتقولش سعر ولا في الاحلام او سعر قليل, لكن قول ( مش هتحتاج تصرف كتير عشان تشترى حاجة حلوة)

هى هتفرق اوى يعنى؟

حط نفسك مكان العميل وشوف هتفرق ولا لأ..

العميل بيعمل اسكرول, لقي صفحتين, عليلهم نفس المنتج او منتج مماثل او حتى منتجين مختلفين بس الإعلان كان حلو, الكلام كان جميل, الشكل تحفة, م الاخر كدة,, الإعلان عجبه..

دخل على صفحة اتفرج, شاف, الدنيا حلوة وجميلة,
دخل على التانية اتفرج, شاف, الدنيا حلوة وجميلة, بس...

لقا ليهم لينك ابليكشن ينزله ويتفرج على كل المنتجات !!
-ابليكشن يقدر يعمل من خلاله اوردر لطلبه

-ابليكشن عليه كل الأسئلة اللى محتاج يسألها من غير ما يبعت رسالة, ويستنى الرد, هل اللى بيرد بيعرف يتكلم ويبيع ولا لا, وحاجات تانية كتيييير.

-ابليكشن مقسم المنتجات حسب الفئة وبالتالى يقدر العميل انه يشوف كل المنتجات في الفئة اللى بيدور عليها يعنى مش بس هيشترى منتج واحد لا ممكن يبقي منتج او اكتر.

-ابليكشن يقدر يعمل سيرش فيه عن منتج معين, بدل ما يعمل اسكرول اسكرول اسكرول وبوستات كتيييير لحد ما يلاقي حاجة تعجبه من غير زهق.

-ابليكشن, يعنى صاحب البزنس دا صارف ومكلف.

-ابليكشن, يعنى ثقة زيادة حتى لو صفحتك فيها متابع واحد بس.

تفتكر بعد كل دا, العميل هيختار مين؟

ازاى تزود مبيعاتك؟

النصيحة التالتة: بيع لنفسك.
عشان العميل يشترى لازم انت تكون شارى, يعني ايه؟
مش معنى انك تشترى انك تدفع مقابل المنتج اللى بتسوقله, لكن معناه انك تكون مقتنع بالمنتج اللى بتسوقله,

يعنى لو انت هتسوق لتي شيرت او قميص او هودى او جاكيت, لازم تشوف المميزات على انها فوايد.

لازم تشوف إن المنتج يستحق الشرا (مش البيع) المنتج دا يستحق انك تستثمر فيه فلوسك (والاستثمار هنا مش انك تبيع برضو) لإنك هتفكر بنفس طريقة تفكير العميل عشان هو اللى هيشترى (العميل عاوز يلبس حاجة الشكل حلو, يعنى هو بيستثمر في منتج عشان يخلي الشكل ويبقي ظهوره مميز و احلى, او عشان يكون ع الموضة,او عشان يبقي لابس حاجة شكلها قيم وغالى ,او عشان هيعيش معاه لإ، جودته حلوة و في اخر اهتماماته هيبقي عشان بيدفى او مش بيحرر وهكذا ) مش عشان بس يتلبس.

يعنى انت بتبيع حالة مش بتبيع منتج, فلازم تبقي مقتنع باللى بتبيعه

كل يوم هيكون فيه معلومة ونصيحة تساعدك تبيع اكتر.

ليه صحيح؟

عشان هيعزز من هويتك وهيخليها اقوى
عشان هتكون مختلف عن المنافسين
عشان اصلا مش هيكون فيه منافسة, منتجاتك بس اللى العميل هييختار منها
عشان هتختصر خطوات كتير في الsales funnel للمرحلة النهائية
عشان هتقدر تعرض على عميلك منتجاتك بالشكل اللى تحبه
عشان اى وقت هتقدر تبعت اشعار لعميلك بحاجة جديدة
عشان بدل ما بتبيع منتج واحد بتعمل عليه اعلان او اتنين هتبيع كله مرة واحدة

egrevit.com

زود اوردرات, المعدل بتاعك مش عاجبنى
انقل نفسك من مرحلة صفحة, لمرحلة متجر ألكترونى,
دلوقتى تقدر تعمل متجر الكترونى تطبيق موبايل, يكون مع عميلك يعزز هويتك ويخليك تعرض كل منتجاتك في مكان واحد ومايكش ليك منافس.
ادخل على موقعنا وسجل مجانا وضيف منتجاتك واتفرج على شكل التطبيق قبل ما يكون موجود في ايد كل عميل ليك.
خليك كبير عشان انت كبير
egrevit.com

ازاى تزود مبيعاتك؟

النصيحة التانية: انت مش اى حد

لو انت بتبيع اون لاين, فأنت زى كتيييييير غيرك,
عندك منتج, عاوز تسوقله, والسوشيال ميديا هي السوق اللى مليان ناس ليل ونهار, فيها العملاء وفيها التجار, والعميل طول ما هو ماشي في السوق بيتفرج وبيعدى عليك وعلي غيرك.

بس ايه اللى يخلي العميل يجيلك انت؟
ليه يدخل عندك انت؟
ليه بعد ما يعدى على كذا واحد بيقدم نفس منتجاتك او خدماتك, يرجعلك انت؟

لازم تكون مختلف, مميز, والأهم محترف...

فكر زي العميل
العميل شاف منتج عاجبه عندك وعند غيرك
احتمالية انه يشترى منك مش من غيرك 1%

العميل شاف محتوى عندك جذاب واسلوب كتابة حلو شده
احتمالية انه يشترى منك زادت بقت 5%
مانت مش لوحدك اللى بتعرف تكتب

العميل انت مستهدفه صح
احتمالية انه يشترى منك زادت بقت 7%
ايه دا زادت بس 2% عن اللى فوق؟ ايوة ماهو مش انت لوحدك اللى بتستهدف نفس العميل

الصورة كانت جذابة وحلوة والألوان بتاعة الصورة في البوست وعرض المنتج كانت حلوة
احتمالية انه يشترى منك زادت بقت 15%
ليه زادت الضعف؟ عشان العين بتشترى

الصفحة عندك منظمة ومرتبة واللى يدخل يحسها حاجة واحدة
احتمالية انه يشترى منك زادت بقت 18%

كل دا احنا مش بنتكلم عن إنك تمول الإعلان, بنتكلم عن إنك تعرض شكل البزنس بتاعك
ولسة ماوصلناش لنسبة 70% من إن الجمهور المستهدف يوصل لإنه يشترى

تابعنا عشان تعرف نصايح اكتر عن ازاى تزود مبيعاتك