Kemet Agency

حكاية النهاردة عن إعلان كلنا شفناه وشفنا قد إيه أثار ضجة كبيرة أوي في كل مواقع التواصل الإجتماعي.

كل سنة كل الشركات بتتسابق إنها تعمل إعلانات لكل المناسبات تلفت بيها أنظار الجمهور👀.
وبمناسبة عيد الأم السنادي شركة فودافون نزلت بإعلان لفت نظر الجمهور.. ولكن بطريقة سلبية!😅
فودافون نزلت بإعلان عرّض الشركة لهجوم كبير وإنتقادات كتير بسبب فكرته واللي كانت السبب إن فودافون تشيل الإعلان من جميع منصات التواصل الإجتماعي بعد يومين بس من عرضه!

طيب إيه هو الإعلان؟🤔

الإعلان بيدور حوالين فكرة الأمهات اللي بتفضّل واحد من أولادها على الباقيين، تحت شعار "مش مهم في مفضل ولا لأ... المهم إن ماما هي المفضلة عندنا كلنا"
ودة كان له تأثير سلبي ومؤذي على فئة كبيرة من المشاهدين اللي بالفعل بيمرّوا بتجربة الإحساس بالتفضيل من أمهاتهم لواحد من إخواتهم.

الشركة استقبلت تعليقات كتير بأنه أسوء إعلان لسنة 2023 واللي خلاها تمسحه بعد يومين من عرضه، ولكن بدون أي إعتذار للجمهور المتضرر!😕

على مرور السنين، كانت أيكيا ماركة أثاث ليها قاعدة عملاء واسعة بشكل مثير للإعجاب!

ظهرت شركة أيكيا بعد سنة 1943، والحقيقة إنها مكانتش شركة بارزة إطلاقًا وكانت بتبيع بسعر أقل من سعر السوق.

لكين في بعض الحيل اللي استخدمتها أيكيا خلتها اتحولت لواحدة من أقوى الشركات العالمية ووصلت أرباحها سنويًا لـ45 مليار دولار. و دي شوية أمثلة على الحيل دي💯

1️⃣المسارات المرسومة: رسمت أيكيا أسهم ومسارات على الأرضية عشان تخلي العملاء عرضة أكتر إنهم يبصوا على منتجات أكتر.. وبالتالي يشتروا أكتر. فمثلًا، بعد ما قررت تشتري سرير، هتحس إنك عايز تضيف له كومود صغير أو حامل ملابس وشماعات سعرهم رخيص ومش هيأثروا على البادجت👍🏻

2️⃣التصميم العصبي: أيكيا بتغلب عليه في التصميم الداخلي كمية كبيرة من اللون الأبيض ودي تعتبر تقنية تسويق عصبي وبتعتمد عليها شركات تانية زي Apple. والسبب إن اللون الأبيض بيرمز لفكرة إن المكان هادي وفاضي وخالي من الفوضى.

3️⃣تأثير أيكيا Ikea Effect: أكبر نقطة بتتميز بيها أيكيا عن غيرها هي القيمة اللي بيحس بيها العملاء بسبب قطع الأثاث اللي بيجمّعوها ويركبوها بنفسهم حيث إن كل عميل بيمر بتجربة "نضالية" مميزة، بهدف إن الشركة تغرس قيمتها الذاتية في أذهان العملاء💪🏻

4️⃣تأثير كرات اللحم Meatball Effect: أيكيا لعبت على نقطة مهمة جدًا في تجربة التسوق عند العملاء، وهي الشعور بالجوع خلال عملية التسوق واللي ممكن يكون في بعض الأحيان سبب كبير إن المتسوق يسيب المكان ويمشي. وعشان كدة أيكيا عملت كافيتريا جوا المكان🥗

5️⃣تأثير التعميم المتسرع Hasty Generalization: هنا أيكيا بتحاول ترسخ فكرة تعزيز السعر المنخفض. فمثلًا لو سعر السرير 600 دولار المشتري مش هيعتبره سعر عالي لأنه في المقابل يقدر يشتري وجبة من الكافيتيريا بسعر أقل بكتير من أي مطعم تاني.. وبالتالي هيرسخ في عقله إن سعر السرير منخفض.

6️⃣تأثير الإجهاد والتعافي: بيواجه المشترين مشاكل تقريبًا مع كل محلات التجزئة بسبب الضغط النفسي والتجارب السيئة.
على عكس أيكيا، والسر هو إن المقاييس الداخلية = المقاييس الخارجية.. بمعنى إن اللي برا المكان بيكون متحمس يدخل، واللي جوا المكان مبيكنش عايز يخرج😊

7️⃣تأثير القرار الشاق: من الحاجات اللي بتميز أيكيا هي سهولة الإختيار. أيكيا بتشيل من على المشتري عبء المفاضلة بين اختيارين متشابهين لأن منتجات أيكيا كلها بتتميز بالتنوع👌🏻

أيكيا بيتبعوا سياسة الإبتكار وعدم التعقيد والديمقراطية في تطوير أشكال منتجاتهم
ودة اللي بيخلي قصة أيكيا مميزة جدًا❤️.

رمضان كريم وكل سنة وعيلة كيميت إيجنسي بخير❤🌙