NMC Real Estate

#معلومة
تفاصيل المرحلة الأولى من القطار السريع بطول 660 كم
1•المشروع بتنفذه 3 شركات : سيمنس الألمانية و المقاولون العرب و اوراسكوم المصريتان
2•المرحلة الأولى بتتكلف 4.4 مليار دولار بتبدأ من مدينة العين السخنة على البحر الأحمر الى مدينة مرسى مطروح على البحر المتوسط بطول 660 كم بإجمالي 21 محطة
3•المشروع بيضم 3 أنواع مختلفة من القطارات النوع الأول القطار السريع و ده بيمشي بسرعة 250 كم في الساعة و النوع التاني القطار الاقليمي و ده بيمشي بسرعة 160 كم في الساعة و النوع التالت هو قطار البضائع و ده بيمشي بسرعة 120 كم في الساعة وكلهم بيعملوا بالكهرباء
4•المرحلة الأولى هتنطلق من مدينة السخنة (البحر الأحمر) الى شرق النيل محطة حلوان مارًا على العاصمة الادارية و القاهرة الجديدة وبعدها يطلع غرب النيل في محطة جنوب الجيزة الى ان يصل الى محطة 6 اكتوبر ودي محطة عملاقة هيتبادل فيها القطار السريع مع مونوريل 6 اكتوبر و مع المرحلة التانية من القطار السريع (اكتوبر - اسوان) وبعدين يقف في محطة مدينة سفنكس و يطلع على المنوفية في محطة مدينة السادات ويكمل على محافظة البحيرة في محطتين الاولى في مدينة وادي النطرون و التانية في مدينة النوبارية وبعدها يوصل الى محافظة الاسكندرية في مدينة برج العرب و من هنا هيتقسم فرعين الفرع الاول هيمشي شرق عشان يدخل جوا اسكندرية في محطة العامرية و الفرع التاني هيمشي غرب الى محافظة مطروح في محطة الحمام و محطة العلمين و محطة سيدي عبدالرحمن و محطة الضبعة و محطة فوكة و محطة راس الحكمة و محطة مرسى مطروح
5•ثورة في ملف الاسكان والخروج من الوادي الضيق في لانه هيشجع الناس انها تخرج من المدن المزدحمة للمدن الجديدة زي السخنة والعاصمة الادارية و اكتوبر و سفنكس والسادات و برج العرب والعلمين
6•ثورة في ملف التجارة لان المشروع بمثابة قناة سويس برية بيربط بين موانىء البحر المتوسط و موانىء البحر الأحمر اللي حاليًا جاري تطويرهم بعشرات المليارات عشان يقدروا يناسبوا الثورة المرتقبة في مجال نقل البضائع
7•ثورة في ملف الصناعة لانه هيشجع المستثمرين انهم يضخوا استثمارات اكتر و اكتر في المدن الصناعية في العين السخنة و اكتوبر و السادات و النوبارية و برج العرب لتوافر البنية التحتية و سهولة و يسر نقل منتجاتهم من المصانع الى الموانىء و الى باقي مدن مصر
8•ثورة في ملف السياحة لان السائح هيقدر انه يتنقل بكل سهولة بين منتجعات الساحل الشمالي الفاخرة في الحمام و سيدي عبدالرحمن و فوكة و فنادق العلمين و راس الحكمة الى اهرامات الجيزة و متاحف القاهرة الكبرى و وسط القاهرة الخديوية و مناطق التسوق والشوبنج و المدن الترفيهية و الرياضية و الثقافية في العاصمة الادارية
9•ثورة في ملف الزراعة لانه هيشجع المستثمرين في ضخ استثمارات في المشاريع الزراعية الجديدة في سفنكس و النوبارية و النطرون زي مستقبل مصر و الدلتا الجديدة و المليون ونصف فدان لتوافر البنية التحتية و سهولة نقل بضائعهم من المزارع الى الموانىء والمطارات
10•القطار السريع مشروع قومي هيغير من وجه مصر.

#معلومه
متابعة لتنفيذ ميناء العاصمة الإدارية البري New Capital LandPort
‏‎•الميناء الجديد بيقام على مساحة 105 فدان بجوار مدينة الثقافة و الفنون و أمام مدينة المعرفة والبحوث و بتنفذه 30 شركة مصرية بإستخدام أنظمة Flying Form System المستخدمة لأول مرة في مشروع مصري
•سعة بدروم الميناء 108 أتوبيس نقل داخلي بشوارع العاصمة و 464 أتوبيس نقل بين القاهرة و العاصمة و 205 أتوبيس نقل اقليمي من العاصمة الى المحافظات اما الدور السطحي للميناء بيساع 4254 سيارة ملاكي و أجرة
•هيتم امداد الميناء بحافلات غاز طبيعي و كهربائية مصنوعة محليًا داخل مصانع MCV و قسطور و جيوشي و وزارة الانتاج و الهيئة العربية للتصنيع
•الميناء كمان بيضم مول تجاري على طراز عالمي و عدد من المباني الادارية و مسجد و 3 محطات وقود سولار و غاز طبيعي و كهرباء و مبنى اسعاف و مبنى شرطة و عدد من المباني و اماكن لحجز التذاكر
•كل مباني و أسطح الميناء مغطاة بالكامل بألواح الطاقة الشمسية لتوفير الطاقة النظيفة للمشروع تطبيقًا لسمات مدن الجيل الرابع المكافحة للتلوث حفاظًا على البيئة.

القاهرة الجديدة مدينة مصرية جديدة من مدن الجيل الثالث في مصر، تقع في محافظة القاهرة، وتتبع إدارياً لهيئة المجتمعات العمرانية الجديدة،وهي من أكبر المدن الجديدة، حيث تقدر مساحتها بحوالي 70 ألف فدان، وتم إنشاؤها بقرار رئاسي رقم (191) لعام 2000. تتكوّن من عدة تجمعات سكنية أكبرهم التجمع الخامس إضافة إلى الرحاب والتجمع الأول والتجمع الثالث وغيرها. تقع المدينة في القوس الشرقي للقاهرة شرق الطريق الدائري في المسافة المحصورة بين طريق القاهرة - السويس الصحراوي وطريق القطامية - العين السخنة.