Spots

ILearn
التطبيق الاول في مصر لطلبه الثانوية العامه
لينك التحميل
https://play.google.com/store/apps/details?id=com.spots.ilearn&hl=en_US

شاطر تتنقل بين كل ويب سايت والتاني؟ 😅
طيب ايه رايك 🧐 لو تتعلم تعمله! 😃
يبقا خلينا نعرف الاول ان اى ويب سايت عشان يتعمل محتاج ..
1. شخص يشتغل فى الـ Front End ..
وده من الاخر كده الراجل اللى بيعمل واجهة الموقع او البرنامج اللى الـ User بيشوفه ادامه وبيكون ميولة واهتمامته اكتر بالشكل الجمالى والالوان وتنسيقها ومكان اللوجو وكدا

وعشان اقدر اشتغل باحترافيه فى الجزء ده محتاج اكون عارف HTML, CSS, Java Script, JQuery, Ajax, ….
وممكن تحتاج البرنامج المعروف Photoshop او اى برنامج تانى بيقوم بنفس الدور وهو تصميم واجهات للعميل بشكل مبدأى قبل بداية الشغل عشان تعرفه ان ده هيكون نفس الشكل النهائى للويب سايت اللى هيتعمل

المفروض ان اللى بيشتغلوا فى الـFront end ثلاثة افراد
واحد اسمه UX وواحد تانى اسمه جرافيك ديزاينير والتالت اسمه UI Developer ;)
--
2.شخص يشتغل فى الـ Back End
الراجل ده بقى بيتعب معانا شوية، وده لانه هو اللى بيبقى مسؤل ان اى اكشن على الويب سايت او البرنامج انه يشتغل صح .. يعنى مثلا انت دخلت على الفيسبوك جيت تدخل الميل والباسورد طلعلك Error مثلا يعنى .. تخيل كده ان فى مشكلة فى الداتا بيز عند الفيسبوك 😮
يبقى كده المشكلة بسبب الراجل اللى شغال Back End ده لانه بيبقى مسؤل عن برمجة الابلكيشن او البرنامج وعمل الداتا بيز وربط البرنامج بالداتا بيز (قواعد البيانات).
وعشان تقدر تشتغل فى الجزء ده محتاج تعرف لغة برمجة مثل الـ PHP او C # او Java .. ودول الاشهر والاكثر انتشارا

بالاضافة إلى جزء الداتا بيز او قواعد البيانات مثل الـ My SQL او SQL Server او Oracle او غيرهم