Power Hour

حياتك عامله زی ابليكشن الموبيل الی كل ماتشتغل اكتر فيه كل ما هتجيلك بوينت اكتر البوينت دی بتجيلك نتيجه انك اجتهدت لكن ف نفس الوقت الابليكشن ده متبرمج وخطته وخطواته محطوطه اصلا من قبل ما تلعب والليفلز الی فيه المبرمج هو الی حاطهها يعنی هو الی ممشيك علی مزاجه وقدر يقنعك ان انت المتحكم مش هو

حياتك ربنا كاتبهالك ومفيش وجود للصدفه كلها اقدار ربنا هو الی كتبهالك بس ان لازم تتعب وتفهم " اللعبه / الدنيا " صح

الحياه عباره عن ميشنز كل يوم بتتجدد كل ما قدرت تعدی التحديات كل ما خبرتك هتعلی وكل ما نقطك هتزيد

لو سالت ای طفلت صغير ... وقولتله يا حبيبی تفتكر احنا اتخلقنا ليه

هتلاقی اهله محفظينه الجمله الی هما مش فاهمينها وهيقولك يا عمو " احنا نازلين علشان امتحان لو نجحنا فيه ربنا هيدخلنا الجنه ولو فشلنا فبه هندخل النار :)"

انت ف طريق وقدامك النجاح وادواته والفشل ومعاك برده ادواته
وانت الی قدامك تختار

افتكر دايما اول مره اتعلمت الكتابه كانت صعبه ازای دلوقتی بقت حاجه عاديه
اهی الحياه كده مستحيل هتجيلك بيضه متقشره ... امال هتتعلم منين ؟!
مع ان احنا ممكن نخلی حياتنا اسهل بكتير انت ل بصيت ف كل حاجه حواليك هتلاقی انها اتخلقت علشان تفيدك اتأمل ف الكون
اتامل ف كل حاجه ربنا خلقها حتی لو مش لاقی فيها فايده ليك هتلاقی ربنا خلقها لحكمه تستفيد منها انت ف حياتك

وعلی فكره انت بتكدب علی نفسك
ايوه بتكدب علی نفسك .. كل شويه بتحاول تقنع نفسك بان تكتئب لان حياتك مش بتتقدم وانك ملكش لازمه وان الدنيا واقفه ضدك
وكلام من ده كتير :)

مع انك لو بصيت لحياتك كده مثلا من سنه وشوفت كميه التغيرات الی حصلت ف حياتك للاحسن وكميه النعم الی ربنا اديهالك
مش هتقدر. تعد ده انت حتی بتكسل تقول الحمد لله وبتستنی لحد لما تعطس علشان تقولها :D

علی فكره حياتك ثانيه بينزلها " update " جديد وتغيير جديد وفرص كتير
بس انت الی محتاج تغير النظاره الی لابسها :)

افهم بس الدنيا صح ... حاول تفكر انا نازل علی الارض ليه علشان اصلی واصوم بس !!
فكر ف اننا ليه شكلنا مختلف عن بعض .. ليه فكرنا مختلف عن بعض

استخدم عقلك حياتك هتختلف 180 درجه :)