HR Capsules

ال Recruitment Plan وكوباية الشاي .. :D

*حوار بين Recruiter و المدير*

- فين خطة التوظيف اللي قولتلي عليها ..
= حضرتك قولت محتاجها امتى؟ :)
- حاااااالا يا بني اّدم انت >.<
= حاضر .. يافندم عقبال ما تخلص كوباية الشاي دي هتكون ال plan على مكتب حضرتك :)
- .....
= ما تقلقش ..

راح ال Recruiter فاتح ال MPP وعرف منها المعلومات دي .. (اتكلمنا عنها البوست اللي فات)

- الوظائف المطلوبة وعددها
- الادارة اللي طالبة الوظيفة
- تاريخ تعيينهم
- الحد الاقصى والادنى لمرتب لكل وظيفة

وبدأ يجهز الحاجات دي ...

- ال Job Description لكل وظيفة .. يعني وصف تفصيلي للوظيفة ..

- ال Job Specification يعني المواصفات الواجب توافرها في شاغل كل وظيفة ..

- بيشوف ال Sources اللي هيعتمد عليها في شغل الوظائف دي ..
* سواء كانت Internal sources يعني عن طريق الاعلان داخل الشركة ونقل موظف موجود بالفعل داخل الشركة الي الوظيفة دي ..
* أو External sources يعني الاعلان ع النت او الجرائد او مكاتب توظيف وهكذا ..

- حدد طريقة ال Interview اللي هيشتغل عليها واللي هي افضل طريقة واكتر طريقة Professional وهي ال CBI او ال Competency Based Interview واللي بنعتمد فيها ع مجموعة Competencies لكل وظيفة ..

- حدد ال Cost المتوقعة بتاعت الخطة ..

- وال Time frame بتاعتها هيبدأ امتى وهيخلص امتى وهكذا ..

وراح فاتح Excel Sheet وكتب فيه الحاجات دي ..

- اسم الوظيفة
- العدد المطلوب
- الادارة
- مصدر التوظيف (داخلي Internal او خارجي External)
- تاريخ الاعلان عن الوظيفة
- نتيجة التعيين ودي هتكتب فيها كام واحد اتقبل وكام واحد اترفض وباقي كام واحد مطلوب لسه
- تاريخ التعيين او يعني الموظف هيستلم شغله امتى

طبع ال Sheet ودخل ع المدير كان لسه مخلصش الشاي :D

- اتفضل يا فندم ال Plan :)..

وده كان الجزء الاول من ال Recruitment plan .. في الجزء الثاني هنتكلم عن الكواليس والحاجات اللي ال Recruiter كان مجهزها عشان يأمن نفسه ويلحق يقدمها قبل ما المدير يخلص الشاي :D

قولولنا لو مكان ال Recruiter ومش مجهزين ال Job Description هتعملوا ايه في موقف زي ده وهتجهزوها ازاي؟؟ ;)

Morning .. :)

أهم خمس مراحل لازم تعرفهم عن ال HR ;)

اتكلمنا البوست اللي فات عن ال Core goals او الهدف من قيام ادارة ال HR وهما زي ما قولنا Hire, Train and Retain .. وطبعا عشان نوصل للأهداف دي لازم يكون في مراحل بنمر بيها ودي الكبسولة بتاعت النهاردة :D

ال HR Cycle .. ايه!! :O ما تتخضش ده مصطلح عادي ومعناه دورة مهام ال HR :3

طب ايه هي بقى ال HR Cycle ..

1) ال Man Power Planning : باختصار يعني بنشوف ال Organization محتاجة كام موظف وفي أنهي ادارة وامتى وندخل ع المرحلة اللي بعديها :D

2) ال Recruitment and selection : بعد ما عملنا الخطة وعرفنا محتاجين كام موظف نبدأ ننفذ الخطة دي وطبعا ده باختصار برضه :D

3) ال Engagement and Retention : وهنا بعد ما عرفنا محتاجين مين وفين وجبناه بنبدأ نخليه يتفاعل مع المكان ويعرف أهميته في تحقيق ال Vision و ال Mission بتاعت ال Organization ونضيفله قيم المكان عشان نكسب ال Loyalty وبالتالي نحافظ عليه اطول وقت ممكن ;)

4) ال Performance Management : وده موضوع كبير طويل عريض هنتكلم عليه بعدين :D .. بس باختصار هو ادارة الاداء عشان نعرف ايه اللي ناقص من أداء الموظفين لتحقيق اهداف الشركة ومين ممكن يتعمله Promotion وهكذا ;)

5) أخر مرحلة هي ال Training and Development : وهنا بعد ما عملنا تقييم للأداء وعرفنا ايه المطلوب هنبدأ نطور الموظفين اللي محتاجين Training ونرقي اللي أدائهم يصلح لأنهم يكونوا في Position أعلى :)

وبكدة نكون عرفنا بنحقق أهداف ادارة ال HR ازاي وايه المراحل اللي بنمر بيها باختصار طبعا وكل حاجة هنتكلم عليها بالتفصيل في البوستات الجاية .. انتظرونا ;)