Health Awareness

تعالى بسرعة لانه موضوع مهم وخطير و يهم نسبة كبيرة بالذات من الشعب المصرى
تقريبا معظم الشعب عنده #جرثومةالمعده🐉 وميعرفش
جرثومة المعده🐉 وكيفية علاجها والوقايه منها 🧐🧐🧐

🔴 - إيه هى جرثومة المعدة🐉 ؟
⚫ - دى عبارة عن بكتريا تدخل الجسم عن طريق الاكل🍱 والشرب🍺 وتفضل عايشة جوه القناة الهضمية بتاعتك . بيسموها الميكروب الحلزونى او جرثومة المعدة ( H.pylori ) ...

🔴 - هل منتشرة بين الناس ولا محدودة فى ناس معينة ؟
⚫ - منتشرة جدا بينا كلنا .. تخيل مثلا لو عددنا ٩٠ مليون فى ٦٠ مليون معرضين للإصابة بيها ( حوالي تلتين السكان ) ..

🔴 - طيب هل تعمل قرحة مع كل الناس ؟
⚫ - لا غالبا مش بتعمل مشاكل مع كل الناس لكن الناس اللى عندهم مشكلة فى المعدة زى التهاب هتعملهم قرحة ...

🔴 - طيب بتدخل الجسم ازاى ؟
⚫ - بتدخل مع الأكل والشرب ..
◀ الأكل اللى مش نضيف او اللى مش مطبوخ كويس يعنى ني شوية ولذلك بتجي لمعظم الناس اللى بياكلوا من المطاعم🍱 خصوصا لو مطعم مش نضيف او الأكل مش مطبوخ كويس ...
◀ الشرب طبعا اللى مش نضيف وطبعا مصر المية🥂 بتاعتها مليانة بكتريا عشان نظام الصرف عندنا داخل مع الرى ومع الشرب ...

🔴 - طيب دخلت خلاص ها وبعدين بتعمل ايه فى المعدة ؟
⚫ - ممكن تفضل سنين فى جسمك بدون مشاكل وطول الفترة دى واحدة واحدة تبدأ تهاجم بطانة المعدة والأمعاء وتعمل تآكل فيها زى جرح كده فلما المعدة بتاعتك تفرز حمض ال HCL اللى بيهضم الأكل يقوم يروح على المناطق المجروحة دى ويعمل قرحة معدة ...

🔴 - طيب لو انا عندى قرحة نتيجة جرثومة معدة هحس بإيه ؟
⚫ - هتلاقى عندك ألم فى بطنك ومعدتك فاضية وانت جعان ولما تاكل الألم يخف شوية ويرجع يجى تانى بين الوجبات ..
◀ دايما عندك انتفاخات وغازات ..
◀ دايما عندك تكريع ...
◀ هتحس بغثيان وممكن ارتجاع ..
◀ وزنك هيقل فجأة بدون سبب ...
🔴 - ايه العلامات اللى اخاف منها الخطيرة ؟
⚫ - لو فى دم فى الموضوع ..
◀ سواء دم فى البراز احمر او البراز لونه اسود ..
◀ او لو رجعت دم ..
◀ او لو الالم على طول مش بيروح او حاسس بتعب شديد وتوهان ..

🔴 - طيب إزاى اتأكد ان عندى جرثومة المعدة ؟
⚫ - باالتحاليل اعمل تحليل H.pylori سواء فى الدم💉 او البراز 💩..
او الطريقة التانية بالمنظار🔭 ..

🔴 - طلعت موجوده عندى ايه العمل ؟
⚫ - تتوجه لاقرب دكتور باطنه تتابع معاه الجرعه المناسبه للحالة برضوا بتتنقل عن طريق اللعاب يعني المفروض تشرب من كوبايه مخصصه ليك انت بس ومعلقة خاصة بيك علشان متتنقلش لحد من بيتك وتعديهم وبعد ما تخف منها ترجعلك وخليك عارف ان كل دكتور ليه طريقته فى العلاج ولكن فى الاغلب البروتوكول العلاجى واحد

🔴 - امتى اعمل تحليل اتأكد راحت ولا لأ ؟
⚫ - بعد شهر من العلاج ..
🔴 - طيب هل فى ادوية بتأثر على نتيجة التحليل ؟
⚫ - ايوه المضاد الحيوى لو بتاخدوا وروحت عملت تحليل هيطلع سالب عشان كده قبل ماتروح لازم توقف المضاد الحيوى اسبوعين على الاقل قبل ماروح ...
وبردوا لو بتاخد حاجة للمعدة زى كونترلوك او اللى زايه بردوا هياثر على النتيجة

🔴 - إزاى احمى نفسى وولادى من جرثومة المعدة ؟
⚫ - النظافة ثم النظافة ثم النظافة ...
◀ لما تدخل الحمام اغسل ايدك كويس وانت خارج ..
◀ قبل ماتاكل اغسل ايدك كويس ...
◀ الاكل يستوى كويس بلاش أكل نى وبلاش اكل مطاعم ..
◀ بلاش تشربوا من مية الحنفية او اشترى فلتر فى بيتك ينقى الميه ..
◀ بلاش عصبية او ضغط عصبى او تدخين او خمرة ...

🔴 - طب ايه الاكل اللى ياكله مريض جرثومة المعدة ؟
⚫ - الصبح حليب بالعسل او ميه بالعسل على الريق ..
◀ وجبتك يكون فيها خضروات وفواكة🍑🍒🍍 وحبوب كاملة 🥗...
◀ بالليل عشاء خفيف فيه علبة زبادى🥛 ...
◀ بلاش تاكل كتير مرة واحدة وكل وجبات صغيرة اكتر من مرة ..
◀بلاش فواكة حمضية زى الليمون واليوسفى والبرتقال🍋🍊 ..
◀ بلاش مقليات بزيادة او اكل مسبك بزيادة وملان دهون🍟🍔 ...
◀ بلاش بهارات او حراق بزيادة🥘
◀ بلاش شاى او قهوة☕ خصوصا علي معدة فاضية ...