ROZZY STORE
Share
Contact information, map and directions, contact form, opening hours, services, ratings, photos, videos and announcements from ROZZY STORE, Internet Marketing Service, Cairo.
17/06/2020
بسبب الظروف الجويه الاسره كلها قاعده في
البيت 🙈 (افكار و انشطه حلوة اوي و متنوعه )
والاجازه حاجه من الاتنين ياهنقضيها في زعيق وصريخ 😠
ياهنقضيها في لعب وهزار وجو اسري جميل ♥️
وعلشان الاجازه تبقي فرصه حلوه نعمل ذكريات حلوه معاهم 😍
وطبعا علشان ظروف الجو مضطرين نعود 3 ايام في البيت من غير خروج🙊
فلازم نحاول نتبسط احنا وهما💪
كام حاجه ممكن تعمليها اختاري منهم الي يناسبك ويناسب سن اولادك
لعبه الشيف 🍿🎂🧁
هيبقي هو الشيف وهيدخل المطبخ معاكي وانتي هتبقي المساعده بتاعته وتبقي محضره الخامات وتفهميه هيعمل ايه وتسبيه ينفذ بنفسه وانتي معاه بتساعديه
اهم حاجه الفرن والنار والسكاكين يبقي عارف انها مش مسموح يمسكها انتي الي هتستخدميها
اعملوا كب كيك او دونتس بيتزا مع بعض بجد بيتبسطوا جدا وهما بيزينوها 😍
اه المطبخ بيتبهدل 🙆 بس هتتبسطوا جدا 😍
واتفقي معاهم قبلها أنهم هينضفوا معاكي المطبخ بعد ماتخلصوا وممكن يبيع الحاجات الي عملها وتشتروا منه
سينما 🎞️🎞️
هتعملي فشار وكب كيك وتلعبوا أن ابنك بيبيع الفشار والكب كيك ليكوا ويقطع التذاكر وتطفي النور وتشغلوا فيلم بتحبوا 😍
واستمتعي بالهدوء والفيلم شغال بس طبعا طول مالفيلم شغال اتكلمي معاه ايه رايك في الفيلم ليه اندمجي انكوا في سينما بجد
حفله 💃🎶
اعملي مكان كأنه مسرح
وابتدوا فكروا في فقرات الحفله
حد من الأولاد هيغني
هتمثلوا قصه بيحبها كانها مسرحيه
تخليه مذيع يختار حد من الاسره يعمل معاه حوار
يطلع علي المسرح يحكي حدوته
وطبعا الجمهور انتي وبابا وتشجعوا وممكن تقدموا فقرات انتوا كمان 🙈
ولما تيجي تقدميه مثلا هتقولي والان مع الطفل المبدع احلي طفل في الدنيا هيقدملنا فكره كذا
واندمجي انتي وباباه ومثلوا انكوا في حفله بجد
لعبه الحفله والمسرح ديه بحبها جدا لانها بتعالج مشاكل كتير زي الخجل وبتدي ثقه في النفس وبتعلموا يتكلم قدام جمهور وبتقضوا وقت حلو جدا مع بعض
اعملوا خيمه
بخامات بسيطه جدا ملايه وكرسين هتعملي خيمه
وبعد ماتعملوا الخيمه هتاخدوا لعب وتلعبوا جواها انكوا في غابه أو في صحراء ممكن تاخدوا قصه تقروها جوه الخيمه
حد من الأولاد يعمل أنه حيوان مفترس😂 وانتوا جوه الخيمه بتدافعوا عن نفسكوا
الاطفال بتتبسط بيها جدا انا كنت بحب العابها جدا مع اخواتي وانا صغيره 🙈
استغمايه 🙈
اسهل لعبه بقي استخبوا في البيت وهو يدور عليكوا لعبه سهله وبتخليكوا تضحكوا من قلبكوا
الرسم والتلوين 🎨🖌️
ارسموا مع بعض اي حاجه بيحبها حاولي تعلميه يرسم رسمه جديده ولو مش بتعرفي ترسمي هتلاقي فيديوهات كتير علي ال YouTube تعلمك وتعلموا بطريقه سهله
لعبه الصراحه 🙊
للاطفال فوق 7 سنين هتيجبوا زجاجه مياه فاضيه وكل الاسره تقعود علي شكل دائره وتلفوا الزجاجه وواحد هيسال والتاني هيجاوب
هتتسلوا وهتعرفوا حاجات عن اولادكوا اول مره تعرفوها
اهم حاجه مانتعصبش ولا نضايق وانتوا كمان لما الدور يجي عليكوا جاوبوهم بصراحه
ترتيب البيت 🧹🧹
استغلي الاجازه في أنهم يروقوا معاكي
وممكن مثلا ترتبوا مع بعض دولابه مكتبه ألعابه وفرصه الحاجات الي مش بيستخدمها تفكروا هتعملوا بيها ايه فرصه حلوه تعلميه أنه الحاجات الي مش بنستخدمها ومش محتاجنها ممكن حد تاني يستفيد بيها وناخود ثواب
السلم والثعبان والكوتشينه ♣️♦️♠️
وممكن نلعب بألعاب زمان ديه بقي منها لعبه وتنميه مهارات وبتعلميه الجمع والعد لعبه حلوه جدا للاطفال وبتنمي مهاراتهم جدا وتركيزهم
Role play 🎭
تختاروا موقف مضايقه مثلا أصحابه في المدرسه بيضربوا وهو مش بيعرف يدافع عن نفسه هتعملوا Role play وتعلميه ازاي يدافع عن نفسه ويصد الضرب وتفضلوا تكرروا ال Role play لحد مايتعلم
منها لعبه ومنها تعالجي مشكله بتقابلوا💪
طبعا كل ده بعد مايحلوا الواجبات الي عليهم حاولوا تخلصوا منها انهارده 💪
الاجازات فرصه حلوه جدا علشان نعمل ذكريات
حلوه ونقوي علاقتنا بيهم 😍
استغلوها لأن العمر بيجري وهما بيكبروا وهنندم علي كل الوقت الي ضاع في زعيق وصريخ
أفتكر دايما ان أولادنا امانه ربنا هيسالنا عليهم وعلى تربيتهم ومتنساش وانت بتربيهم تعمل ذكريات حلوه يفتكروها ويدعولك طول حياتهم 😍
Click here to claim your Sponsored Listing.
Category
Contact the business
Website
Address
Cairo
