Nehal ElGhandour

أستحق الأفضل واثق بأن هناك شئ جيد جدا ينتظرنى فى الموعد القريب ..فانا لم أخلق فى هذا الكون عبثا.

فى نوع جميل من الستر اسمه
"ستر المواجع"
النوع دة من الستر لا يتقنه إلا نوعين من البشر ..عزيز النفس ومؤمن القلب

على ذكر الموقف بتاع الصعيدى اللى وبخ بنت كانت حاطة رجل على رجل قصاده استحضرنى موقف مشابه لزميل ليا فى العمل كان دايما يحط رجل على رجل واكنه قاعد عالقهوة ورجله كانت تكون فى وشى فطلبت منه بذوق انه يبدل الرجل ويحطها الناحية التانية لان المنظر فعلا كان خانقنى ومضايقنى فقالى تمام لكنه تجاهل طلبى ومااستاجبش ولا اكنى قولتله حاجة فبكل اريحية غيرت اتجاه مكتبى علشان مااعكرش مزاجى ..اللى اقصد اقوله ان اكيد فى حجات كتير هتضايقنا من أشخاص قليلة الذوق وأكيد هنقابل ناس كتير ضدنا فكل حاجة سواء تربية او أخلاق أو عادات فلازم نفهم كويس إننا مش هنمشى الكون بمزاجنا ومينفعش نوقف قصاد المشاكل زى الشجر واوقات علشان راحتنا لازم يكون عندنا نوع من المرونة لإننا ننحنى شوية قصاد الحجات اللى مش على هوانا علشان نعدى الأزمة ومش كل حاجة مش عجبانا هندخل علشانها صراع ياعالم هيكون ايه رد فعله .. زى ماقالتى مديرتى فى يوم الدنيا مش صالون محهز هتقعدى فيه مرتاحة.. الدنيا بالظبط زى الكرسى الخشب اللى مساميره فاكة ولازم تتعلمى ازاى تثبتى نفسك عليه من غير ماتوقعى .

كنت أحب أطلع فوق عالسطوح والدنيا ضلمة ماكانش فيه غير ضوء القمر منور فى السما كانوا يسألونى مش خايفة؟ كنت أقولهم لا ربنا مونسنى .. وبجد يا عز من جعل ربنا أنيسه ورفيقه ومغيثه.

ربنا الوحيد اللى يوم ماتقربله علشان مخنوق او متضايق او فيك علة مش هيقولك جايلى دلوقتى ليه جايلى علشان مصلحتك؟ بالعكس دا هو اللى بيبتليك ويخليك تحس بالخنقة علشان تقربله .. حسابات ربنا تختلف تماما عن حساباتنا احنا كبشر محدود العقل والتفكير فيوم ماتحب تقرب ..قرب وأحسن ظنك فى رب العباد لأقصى الحدود .. مش هيطردك ولا يقولك جاى ليه بالعكس دا بيقولك إنه قريب وجنبك ومعاك ❤️ومفيش أعظم من إن الإنسان يتحامى فى لطف ورحمة الله ❤️