psy Donia Elsayed

يكون الجسد هو مسرح التعبير عن المعاناة النفسية بقسوتها وحدتها ووصمتها أحياناً ، فالجسد يعبر نيابة عنا في فرحنا وحزننا، نجاحنا وفشلنا، لحظات الوصول والإخفاق تجد مع الألم النفسي الجسد يئن، المعدة تصرخ، القلب ينفطر، حتى الرأس لا تكف عن الصداع، مفاصل تذوب من فرط الألم وجلد يحترق شاكياً، وعين تدمع ولا تجف عن البكاء ،فعندما يحدث ذلك اعلم أن جسدك يعطيك انذار انك يجب أن تنتبه إلى نفسك وتقلل معاناتها.

#اكتشف

💫رمضان مبارك عليكم وعلى احبابكم وينعاد عليكم بالخير والبركة 🌷🌸

💫 بنواجه فى حياتنا كتير من المشاكل والأشخاص والمواقف اللى بتحسسنا أننا قليلين أو زى ما بيقولوا "وجودى زى عدمه" .
🌸قيمتك ووجودك بتاخدهم من نفسك مش من ردود أفعال الناس ، خليك عارف كويس انك هتنجح لنفسك وهتعيش لنفسك و هتتبسط وتفرح عشان انت تستحق الفرحة .
"اهتم بنفسك وحبها وعزز نفسك بنفسك خلى الناس إضافة ليك مش تكملة لنفسك"
#طورنفسك

💫اكتر سؤال بيتعب الإنسان هو لماذا ؟
واللى احنا بنقوله فى حوارنا الدائم (ليه)
لما زوج يخون زوجته الزوجة بتفضل تتسائل ليه عمل كدا ؟
لما حد بنحبه بيأذينا بنقول ليه؟
لما حد يبعد فجأة عننا بنقول ليه؟
ولو فضلنا من هنا لحد مالانهايه هتلاقى مواقف كتير بنقول فيها ليه وبنعجز عن الإجابة .
ولكن دا بيسبب لينا ضغط نفسي ومشاكل نفسية وكمان إعادة لحساباتنا عن نفسنا وكمان بيقلل ثقتنا فى نفسنا احيانا وممكن يوصل بينا أن يكون خوف مرضى من الهجر وانعدام ثقة بالناس .
كل دا بيحصل من سؤال ليه ؟طب هل دا طبيعى ولا محتاج تغير فى حياتنا؟
💫هقولك طبيعى نتساءل لأننا بشر ولكن الأهم أن لما أتساءل
اولا: مااخليش دا يهز ثقتى بنفسى
ثانيا :احط قدامى واعرف كويس فكرة إن فى شخصيات مؤذية فى الحياة زى ماسبق واتكلمنا عن أنماط الشخصية
ثالثا:احول الكابوس لحلم وبدايه جديدة ومش هقولك سهل بس كله بالتعود ، طيب احوله ازاى؟
١) اتعلم من الأخطاء اللى وقعت فيها واكتبها واخد بالى منها
٢)خد وقت مع نفسك وابدء افتكر السيناريو كامل هتلاقى أن كان فيه مؤشرات بس مش بنأخد بالنا منها
٣)عوض نفسك عن الأذى اللى حصلك واخطو خطوة لقدام كأن اللى حصلك إشارة حمرة بتقولك خد بالك وعيد حساباتك فى علاقاتك.

💫اهنئ الإخوة المسيحيين بمناسبة عيد القيامة المجيد وينعاد عليكم بالفرح والسعادة.