AMG - Legal Services

⚖️ الغبن والتدليس في العقود… فرق بسيط ونتيجته كبيرة
العقد لازم يكون قائم على رضا حقيقي وتوازن عادل.
لكن أحيانًا بيحصل:
🔹 الغبن:
اختلال واضح في المقابل… طرف بياخد أقل بكتير من حقه أو بيتحمل التزامات مبالغ فيها نتيجة استغلال ظروفه.
🔹 التدليس:
خداع أو إخفاء معلومات مهمة علشان الطرف التاني يوقّع.
الفرق إن الغبن ظلم في القيمة، والتدليس خداع في الإرادة.
وفي الحالتين، القانون ممكن يتدخل لإبطال العقد أو تعديل آثاره.
راجع عقدك كويس قبل التوقيع… لأن الغلطة هنا ثمنها كبير.

⚖️ متستسهلش إمضاءك
إمضتك مش مجرد توقيع… دي التزام قانوني كامل.
أي ورقة بتمضي عليها، حتى لو كانت “على بياض”، بتدي الطرف التاني حق قانوني يستخدمها ضدك.
والحجة بتاعة “كنت فاكره حاجة بسيطة” عمرها ما بتقف قدام القاضي..
#قانون