Hulk Gym

أكبر خدعة وهبده ان التمرين بأوزان خفيفة وعدات كتير يعني تنشيف والتمرين بأوزان تقيلة وعدات قليلة يعني تضخيم

الكلام ده طبعاً غلط ياجماعة ولازم نصحح من المعلومة دي ❌
الفرق بين التضخيم والتنشيف هو (الأكل) مش التمرين ✅
تضخيم (Bulking) يعني تاخد سعرات أكتر من إحتياج جسمك
تنشيف (Cutting) يعني تاخد سعرات أقل من إحتياج جسمك
والدليل علي كده إنك لو فضلت تعمل تكرارت كتير جداً بس بتاكل أكتر من إحتياجك هتلاقي الدهون في جسمك مش بتقل والعكس صحيح
- طيب إيه الفرق بين العدات الكتير والقليلة ؟!
العدات الكتير (أكتر من ١٠ عدات) بوزن خفيف نسبياً بتستهدف التحمل العضلي يعني تقدر تتحمل المجهود لفترة طويلة بدون تعب
أما العدات القليلة (٦ عدات أو أقل) بأقصي وزن بتستهدف القوة العضلية .
والضخامة العضلية بتكون وسط بينهم (٦-١٢ عده)
وطبعاً النظام التدريبي المفروض يبقي فيه تنوع علشان تقدر تطور من قوتك وتحملك العضلي بجانب حجم العضلات...