Tito

بسم الله الرحمن الرحيم .."
هنتكلم عن موضوع مهم جدا النهارده وهوا المشاكل اللي بتواجهنا حول العين 🤦‍♂️
طبعا اول لما قولت حول العين كله جيه في باله الهالات السوده والغمقان حوالين العيون😢
لو جينا حصرنا المشاكل اللي بتواجهنا هنلاقيهم هما ٣ مشاكل
اولا/الهالات السودة والغمقان
ثانيا /الانتفاخات
ثالثا / الخطوط الرفيعه والتجاعيد
هنشرح كل مشكلة في بوست منفصل علشان كل موضوع ليه شرح كبير
اولا كدة بما اننا هنشرح مشاكل العين تعالوا نعرف الصفات حول العيون صفات المنطقة دي ايه بالظبط 👌
١)المنطقة حول العين لاتحتوي علي خلايا دهنية علشان كدة بتلاقي مشكله الجفاف في المنطقة دي بشكل كبير
٢)تحتوي علي شبكة كثيفة من الشعيرات الدموية
٣)ارق بكتير من بشرة الوجة علشان كدة بتتعامل معاملة خاصة وعناية خاصة(اكثر حساسية)
💖💖💖💖
هنتكلم عن اغلب مشكلة دلوقتي عند اغلبية الناس وهيا (الهالات السودة او الغمقان)او(Dark circle)
اول حاجة في الموضوع عايزين نعرف
$$طب ايه اللي بيحصل تحت العين بيخلي السواد والغمقان يبقي واضح بالشكل ده !!
ما يحدث تحت العين مسببآ للهالات السودة !!
وهوا بسبب عملية داخل الجسم بيحدث فيها تحول الهيموجلوبين الي اكسيد الحديد
وقولنا ان المنطقة دي اكثر رقه والشفافية فتظهر ما تحتها اللون الاسود المزرق وهوا لاكسيد الزنك المؤكسد
او اللون اللني بسبب تراكم الميلانين في هذه المنطقة مسببا التصبغ
تمام كدة عرفنا ليه اللون بيبان اسود مزرق او بني غامق
طيب ايه الاسباب اللي بتخلي الموضوع ده يحصل !!
١) الاجهاد
٢)سوء التغدية
٣)الحساسية
٤)العوامل الوراثية
٥)بعض الادوية
٦)التعرض بشكل كبير ومستمر للشمس
٧)التدخين
٨)الارهاق
٩)الانيميا
١٠)عدم ازالة المكياج بشكل صحيح
١١)شرب المنبهات بكثرة(الكافيين)
١٢)الجلوس بشكر كبير امام الشاشات(موبايل-لاب توب)
١٣)قلة النوم
وبعض الاشياء الاخري 👌
طيب هنعالج الموضوع دة ازاي !!
١)النوم بشكل كافي
٢)شرب المياه بكثرة
٣)الاهتمام بالتغذية
٤)تجنب اشعة الشمس
٥)استخدام المنتجات الصحيحة لعلاج هذة الهالات
٦)عدم شرب المنبهات بكثرة
وهنستخدم كريمات تحتوي علي اي من الفيتامين التالية💖
(Vitamin C = Vitamin K )
ثانيا المواد التالية
(kojic acid = caffeine= niacinamide )
لو لقيتي كريم للعين للهالات السودة لازم تلاقي حاجة من اللي فاتت دي يبقي تشترية وانتي واثقة في المنتج👌

طيب كدة عرفنا الحاجات اللي بازم نلاقيها في الكريم بتاع العين زي الفل
طيب هنستخدمة ازاي
هنستخدمة مرتين في اليوم
والاستخدام هيبقي اولا هنغسل البشرة بماء دافيء وازالة اي مكياج
تاني حاجه وضع الكريم من الداخل اللي الخارج عن طريق الطبطبة وليس الفرك
وطبعا مينفعش نستخدم الكريم في العين نفسها 😂
العضمة اللي تحت العين والجفن اللي فوق الرمش بالظبط كدة👌
نصيحة بقي حماية العين من الشمس لازم نستخدم (نضارة شمس )لان دي الحماية الوحيدة من الشمس
وممكن نستخدم كونسيلر علشان نخفي المشكله 💖💖
حلو جدا جدا كدة عرفنا هنعمل ايه بالظبط في الهالات السودة
طيب ممكن نقول بعض المنتجات للمشكلة دي
انا هقول بعض الشركات معالجه للهالات السودة
انا مش بنحاز لاي شركة ولكن هقول بعض الشركات 👌
١) Isis light eyes
2)Uriage depiderm eye
3)Acm depiwhite eye
4)Nuxe white eye
5)Orange daily eye
6)Genove k eye
7)pharmaceris w eye
8)la roche posay pigmentclar eye
9)vichy ideal white eye
ودي شركات سعرها كويس وغلي قد الايد 😂🤣
1)Kolagra eye
2)Contorno lightening eye
3)Alejon eye
4)Argento eye
وبكدة يبقي موضوع الهالات السودة بشكل كبير خلص
وطبعا لازم الكريم معاه يكون النوم كويس والاكل كويس👌
ومحدش يستخدم الكريم اسبوع ويقول معملش معايا حاجه
اقل حاجه ٣ اسابيع 👌
قولي مشكلتك واعملي لايك وشير خلي الكل يستفيد ❤️💖❤️❤️💖❤️💖❤️