Golden Ring

نظرا للاقبال علي موديلات الاساور التربيل 😍اتوفر الموديل ده كمان اللون السيلفر منه ...💥

- احنا ١٠٠ مليون ، عدد كبير مننا في عشوائيات ، و أماكن شعبية مكتظة ... لو كورونا فتحت ع الرابع ، هتبقى مجزرة

- من فترة بسيطة كنا بنقول ياه إجمالي الإصابات هيقرب ع الألف .. دلوقت احنا في اليوم الواحد داخلين ع الألف

- و أعتقد إن مافيش من حضراتكم حد ما يعرفش مصاب من دايرة معارفه سواء أقارب ، جيران ، زملاء ، أو حتى أصدقاء ع الفيسبوك

- احنا عملنا في نفسنا كتير .. لما نزلنا نزدحم على شوية كعك يتعملوا في البيت بشوية دقيق و سمن ، لما سيبنا عيال غيرنا ع النواصي من غير ما نعلمهم و نوعيهم ، و لا ننصح أهاليهم برفق و حب ، لما سيبنا نفسنا لمزاجنا نتجمع ع السطح ، و لا في الشوارع الجانبية نشرب شيشة .

- مين فينا هيستحمل مش هأقول اللي حصل في إيطاليا ، لكن هأقول اللي بيحصل حاليًا في البرازيل - مصيبة ، مجزرة ، مقابر جماعية -

- اتريقنا و هزرنا و قلنا احنا نبلع الزلط ، احنا بتوع الفول و الطعمية ، و في الآخر وصلنا للي احنا فيه .. بتصرخ من أسعار المستشفيات الخاصة ، مرعوب ما تلاقيش مكان لأعز الحبايب في مستشفى حكومي ؟

- خلاص جه وقت الجد لو أنت ملتزم من البداية .. فدة دورك في التوعية .. وعي كل اللي تعرفه ، و اللي ما تعرفوش

- قول للي بيتف ع الأرض عيب ، قول للي بيزاحم .. مش مهم اتأخر شوية ، و خد المواصلة اللي بعدها ، بلغ الشرطة عن أي تجمع .

- بلاش شراء أدوية مش محتاجينها ، بلاش زيارات ، أنت كدة مش عاق لوالديك .. أنت كدة بتحمي والديك .. قضي احتياجاتهم من غير لمة

- عزي بالتليفون ، لو اتعزمت على خطوبة في شقة مفضيينها مخصوص ، و قالوا لك دي ع الضيق و أنت عشان غالي عازمينك ، بارك برضه في التليفون .

- لو دور العبادة فتحت أنت المسئول عن نفسك و عن غيرك اللي ماتعرفوش اللي لو اتعدى ممكن تكون أنت بعده .. أما الفنادق ، و المولات فأنت لك عقل كبير و شايف الوضع

- لو صاحب عمل ، قسم الشغل بين الناس ، دول في يوم ، و دول في يوم المهم تقلل اللي بيروحوا الشغل ، من غير ما تقطع عيشهم

- سلاسل السوبر ماركت الصغيرة و الكبيرة مكاسبكم هايلة .. مش هيجرى حاجة لو عقمتم المكان و نظمتم عدد المشترين على مدار اليوم

- وعي غيرك ، وعي غيرك ، وعي غيرك ، وعي غيرك .

- أصحاب الأعمال الحرة و العمالة اليومية لكم الله

- كبار السن مهما كنتم زهقانين و الملل تاعبكم ما تنزلوش

- يا رب احمينا ، و خلينا لبعض