Writer Gabe
Share
كاتب يريد التطور ومعرفه اراء الجميع في رواياته ��
28/07/2024
انا اسمي ادم وجدي كان عالم كبير في التاريخ وكان متأكد ان اطلانتس حقيقة وكان بيحكيلي كل يوم حاجه جديده عنها
وفي يوم عمري ما انساه جدي مات وقالي اكمل رحلته لي البحث عن اطلانتس
|بعد 10 سنين|
بقي عندي 22 سنه
وبقيت عالم تاريخ ولغات قديمه ذي جدي بس المشكله ان مفيش حد كان مصدقني في موضوع اطلانتس مهما جبت دلائل
وفي يوم كنت مهزوم من الحياة ومش عارف اعمل حلم جدي
روحت لي مكتب جدي ممكن الاقي حاجه تثبت ان اطلانتس حقيقة مش مجرد اسطوره خياليه ذي ما بيقولوا
||في المكتب||
كنت عمال ادور وادور والاقي حجات كتير بس كنت عارفهم وميعتبروش دليل
وكنت خلاص فقدت الامل وبسند ايدي علي المكتبه الي في مكتب جدي
فا سمعت ان حاجه وقعت ورا المكتبه
قلت اكيد ده كتاب ولازم اشيل المكتبه شويه علشان اعرف ارجعه مكانه
بس لما شلت المكتبه لقيت ان فيه كتب كتير ورا المكتبه فا استغربت ايه الي جابهم هنا وقلت ادور فيهم برضو
وانا بدور في كتاب لفت نظري كتاب تاني كان عليه شكل مدينه اطلانتس فا رميت الكتاب الي في أيدي وجريت علي الكتاب التاني
ولما فتحته لقيت ان الكتاب مكتوب بالغه اطلانتس وانا كنت فاهم معظم الكلام علشان ان عالم في اللغات القديمه
وحاولت اقرأ علشان اعرف مكان اطلانتس واقول لي مجلس العلوم التاريخيه علشان نكتشف اطلانتس
وفعلا عرفت المكان بالتفاصيل الدقيقة
وقلت وانا يغمرني السعاده :اخيرا هحقق حلمك يا جدي
وبعدها نمت وقلت الصبح اوري المجلس الي اكتشفته
||في الصباح||
صحيت الصبح وجهزت علشان اروح الشغل وخدت كتاب اطلانتس معايا
بس لما رحت الشغل اكتشفت اني اطردت من الشغل بسبب اني مهمت بالخرافات
فا حاولت اكلم رئيس المجلس واقوله اني لقيت دليل بس رفض يكلمني
وبعدها رجعت البيت مهزوم ومش عارف اعمل ايه وازاي احقق حلم جدي
وقطع تفكيري الباب الي بيخبط جامد
فا قمت فتحت بسرعه ولقيت راجل عجوز كنت حاسس اني شفته قبل كده
وقطع تفكيري وهو بيقول اسم جدي وبيقول اني شبهه اوي
فا سألته باستغراب انت عارفني وعارف جدي كمان ؟!
رد عليا وقال ان هو صاحب جدي وكان بيشوفني كتير وانا صغير
فا قلتله طب اتفضل ادخل
وهو رفض وقالي انا جاي علشان اعمل وصيه جدك وامشي
فا انا سالته ايه الوصيه دي وليه قررت تعملها دلوقتي ؟!
قالي انه وعد جدي لما لما يعرف مكان اطلانتس هيساعده في موضوع انه يروح ليها علشان هو كان متوقع أنه مفيش حد هيصدق الكلام ده وجدك قبل ما يموت اكتشف كتاب في مكتبه قديمه وقالي علي الي في الكتاب بس قالي انه مش عايز يكمل
فا انا سألته هو مكنش عايز يكمل ايه ؟!
قالي يكمل حلمه كان عايزك انت الي تكمله
فا انا استغربت وقلت له طب ليه كان مخبي الكتاب عني طول الفترة دي
قالي ان جدك كان عايزك تحس الي هو حاسه وتتعب علشان تجيب الدليل الكافي
فا انا قلتله
مش مهم اصلا كده كده انا اترفدت من شغلي ومش هعرف اكمل الحلم برضو
فا قاله
انا هساعدك
انا عندي شركه غواصات كبيره
وكنت مجهز غواصه لي جدك علشان تساعده في الرحله وانا قررت اني اديهالك
فا قلت له
بس الموضوع مش غواصه وبس ده لازم طاقم عمل كبير ويكون بيفهم في الكلام ده
قالي
انا عندي الطاقم ده وعندي كل المستلزمات الي تحتاجها الي محتاجينه بس هو واحد بيفهم في لغه اهل اطلانتس
الي هو انت يا ادم
يتبع :
#اطلانتس
#روايات
Click here to claim your Sponsored Listing.
Website
Address
Cairo
