"Essam Safa Service"

الناس الى بتسافر بعربياتها او طالعة مصايف الفترة الجاية قبل دخول المدارس والجامعات

من فضلكم اسمعوا الكلام ده وافهموه كويس علشان مهم وخطير

اولا :
الناس اللي بتسافر اسكندرية مطروح اوالساحل اوالسخنة اوالغردقة او شرم ,
حضرتك ماتعملش ناصح وتسافر بالليل, ايوه ليه بقى متسافرش بالليل؟

علشان الشبورة والادخنة وحوادث النوم وانعدام الرؤية حضرتك, ايوه
مفيش حاجة اسمها نطلع بالليل فى الطراوة علشان، نلحق اليوم من اوله، مفيش يوم هتلحقة من اوله حضرتك ، انت ممكن ماتلحقوش خالص وتبقى ايام سوده فلازم تبقى واعي سعادتك
تقوم الصبح بدرى نايم كويس تفطر وتسافر اوك..
انما تسافر بالليل فحضرتك تعبان من يوم عمل طويل شاق او مجهود بدني اخر واضاءة السيارة غير كافيه لايضاح كل الاخطار
فا اكيد حضرتك معرض انك تنعس او عربيات جايه فى وشك بنور قوي او ممكن سواقها ينعس او ييجى واحد سواق نقل ماشى وراك ينعس فا يدهسك وده ممكن يحصل فعلاً وبيحصل

ثانيا :
ابوس ايد حضرتك, بما انك طالع تصيف فا اكيد مش طالع لواحدك, عربيتك مليانة قدام و ورا ,
فياريت نشغل عقلنا شوية فى قوانين الفيزياء, يعني حمولة عربيتك كبيرة فا الفرملة الى كنت بتدوسها علشان توقف عربيتك وانت لواحدك مختلفة عن الدوسة الى هتدوسها علشان توقف كتلة عربيتك و هي فيها ٤ او ٥, سرعتك ماتعديش 100 الى 120 علشان لو طلع قدامك حد وفرملت تلحق توقف انما وانت مركب ٤ او ٥ اشخاص مثلا فا الفرامل مش هاتلحقك و هاتخبط او ممكن تتقلب لا قدر الله, طبعا انا ماتكلمتش على ان عربيتك حديثة او لا,
عامة لو حديثة او قديمة فا تفوق كده و تصحصح و تمشى بالراحة

ثالثا :
مفيش حاجة اسمها ان كاوتشات عربيتك مليانة هوا من النفخة اللي ال ٤ بجنية, انت اكيد بتهرز

سعادتك تروح على اى بنزينة محترمة تشيك عالكاوتش يكون سليم و تروح تنيم ال٤ كاوتشات على الارض و تنفخ الكاوتشات كلها نيتروجين, هتدفع ٥ او ١٠ جنية عن كل عجلة فيهم بس الموضوع مهم,
ليه مهم؟
علشان الهواء الي جوه الكاوتش بيتمدد اثناء السواقة خصوصا على الاسفلت السخن فالكاوتشات بتضرب و ممكن تتقلب لاقدر الله
ولان النيتروجين غاز خامل لا يتمدد فا امان اكتر, يا رب نسمع الكلام

رابعا :
حزام الامان الى عندك ده تلبسه و ماتقلعوش الا بعد ماتوصلوا بالسلامه انت واللى معاك فى العربية قدام و ورا, وباقولك بعد الشر يعنى لما عربية بتتقلب بيكون الناس اللي فيها ومش رابطة حزام الامان عاملين زى شوية الغسيل فى الغسالة الاوتوماتيك, كله بيتقلب و يتهرس فى بعضة, فا ربطك لحزام الامان بيقلل من حدوث الوفاه و كمان بيقلل من الاصابات الخطيرة

و اللى مش عاجبة يلبس حزام الامان , مايركبش معاك الطلعة دى
انا بقولك اهو, حياتك وحياة اسرتك مهمة

خامسا :
عربيتك لا تصلح للسفر , ماتسافرش بيها من الاخر كده

سعادتك تروح تكشف على سلامة العربية قبل السفر وخصوصا لو سفريه طويلة يعني سوائل وسيور وتيل وطنابير وزوايا وترصيص ولو تيل الفرامل بتاعك لقيته متاكل ماتسافرش الا لما تغيره, انما تقول ربنا يستر فا يبقى انت اكيد عبيط وش

سادسا :
مراتك قاعدة جنبك, خطيبتك قاعدة جنبك, امك ابوك اخوك اختك ابنك بنتك قاعدين جنبك و بيكلموك, اوك

ودنك بس اللي معاهم, ياريت ماتبصلهمش خللي عينك دايماً على الطريق ماتسيبهوش

تاني هاقول, ودنك معاهم بس,
الكلام بيتسمع مابيتشافش

وانسى تمسك ام الموبايل تماماً اثناء القيادة

نقول تاني لو سمحت عينك ماتتشالش من على الطريق علشان الحادثة بتحصل فى لحظة

ماتسافرش على طريق جديد مختصر لسه ماتسلمش من الحكومة علشان مش هتلاقى عليه اى خدمات ولا حتى شبكة تليفون....

ربنا يحفظكم ونتمنى لكم السلامة
و اجازه سعيده عليكم أن شاء الله
منقول بتصرف للإفادة

معلومات هامة للجميع عن الإطارات...

الإطارات لها مدة صلاحيه مكتوبة عليها وتجدها مكتوبة على جانب الإطار ...
فمثلاً لو وجدت الرقم( 1423 )فهذا يعني ان العجله أو الإطار مصنوع في الاسبوع الرابع عشر من العام 2023 ..

صلاحيه الإطار ثلاث سنوات من تاريخ انتاجه
وفي مصر يغيرونه بعد ٥ سنوات

وهناك رموز تشير إلى مدى تحمل الإطار لدرجات لحرارة
فهناك ثلاث فئات لدرجة الحرارة
يشار اليها بالحروف (A,B,C)
ولكل فئة حد أقصى لدرجة الحرارة الجوية التي يستخدم فيها الإطار، وتعتبر الفئة (A) هي الأعلى تحملاً للحرارة تليها فئة (B)، والفئة (C) هي الأدنى وتعني الاستخدام في درجات الحرارة المنخفضة (الباردة) .

و كل عجله أو اطار له سرعه معينه
حرف L يعني السرعه القصوى 120 كم.
و الحرف M يعني 130 كم.
و الحرف N يعني 140 كم.
و الحرف P يعني 150 كم.
و الحرف Q يعني 160 كم.
و الحرف R يعني 170 كم.
و الحرف H يعني 210 كم.

عدة نصائح يجب فعلها عند انفجار إطارات السيارات على سرعة ١٠٠ كيلومتر كما يلي:

١ - عند إنفجار أحد الإطارات حاول أن تبقى هادئاً قدر الإمكان وقم بتثبيت المقود "الدركسيون" بكلتا يديك بقوة.

٢ - وهي الأهم أبقي قدمك بعيداً عن الفرامل ولا تقم بضغطها نهائياً .

٣ - أبقى بمسارك ولا تحاول تغييره أو الخروج من الطريق ، أبقى على مسار مستقيم قدر الإمكان.

٤ - إذا كانت سيارتك ذات ناقل حركة يدوي، قم بتغيير التعاشيق "السرعات" للأدنى تدريجياً ولا تقم بهذه الخطوة إلا بعد التأكد من أنك تسيطر على السيارة جيداً ، أما إذا كانت سيارتك ذات ناقل حركة أتوماتيكي، فسوف تقوم بهذه المهمة من تلقاء نفسها.

٥ - لا تحمل همّ الفرامل فإن السحب ( Drag ) الناتج عن الإطار المنفجر سوف يقوم بمهمة الفرامل وتخفيف سرعة السيارة .

٦ - عند إنخفاض السرعة إلى 50 كم/ ساعة، يمكنك ضغط الفرامل بلطف حتى تتوقف السيارة