Cinema clacket
Share
الفن هو الحل
23/03/2024
خلص مسلسل أشغال شقة ع نهاية لذيذة أوي زي كل حلقات المسلسل... و في وسط زحمة الحياة دي مفيش غير كلمة شكراً لكل حد شارك ف العمل الجميل ده سواء ورا أو قدام الكاميرا...
ناس كتير كانت مفتقدة كوميديا الموقف و المسلسل تميز بالنوع دع بعيدا عن الاعتماد ع الافيه و كوميديا ال farce (هزلي)
و الجميل برضو إن مكنش الإعتماد في النجاح ع الاضحاك في النص بس، الإخراج كان جميل جدآ بعيد عن الكوميديا ( علامات الإجهاد ع ياسمين بعد الولادة و محصلش تغيير ف جسمها بعد الولادة بخمس دقايق... ست شايله مسؤولية توؤم من غير مساعدة ... فطبيعي تكون هدومها عليها حاجات من الأطفال و يكون شعرها كده... الخناقات اللي بدأت تزيد بالتدريج و التفهم و اللزمات اللي بين الزوجين "عشان خاطري يا حمدي عشان خاطري" و لخبطة الرقص في بداية المشهد الايقوني قبل الانطلاق... تمثيل مشاهد الدراما كان جميل زي الكوميديا... كان جميل اوي اوي المونتاج... اختيار الtake و امتى اقطع و امتى ابدا و إزاي اقفل المشهد عشان مقتلش الضحك...
احنا خرجنا من المسلسل بحاجات كتير جميلة إن شاء الله تكمل ع نفس المستوى
Click here to claim your Sponsored Listing.
Category
Website
Address
Cairo
