I Fit Corner

في مقوله اجنبيه بتقول abs are made in the kitchen ،يعني عضلات البطن بتتعمل في المطبخ ! ايه المقصود من الكلام ده ؟ المقصود هو أن عضلات بطنك أو شكل جسمك عموماً مش هيظهر بدون تغذيه سليمه ونضيفه والمقصود بيها انك تستهلك عدد سعرات حرارية أو طاقه على حسب احتياج جسمك وكل شخص مننا له نسبه غير التاني من النسب دي اللي أتكلمت عنها قبل كده من Macros و mecros اللي هي المغذيات الكبرى والصغرى،.. حتى لو اتمرنت ملايين التكرارت من تمارين للبطن ليل ونهار مش هتظهر لو انت بتستهلك كميه كبيره من السعرات الحراريه.. وعشان تخسر دهون البطن ركز في الكام نقطه دول .

١- تخفيض عدد السعرات الحراريه عن المطلوب بنسبه حوالي من ٣٠٠ :٥٠٠ سعر عن احتياج الجسم.
٢- ممارسه تمارين المقاومة للجسم بشكل كامل بالتوازن .
٣- ممارسة تمارين الكارديوcardio ، يومياً لمدة ٤٠ دقيقه ، ويمكن الاكتفاء بالمشي السريع .
٤- شرب كميه لاتقل عن ٣ لتر من المياه يوميا .
٥- الإلتزام بمواعيد النوم مبكراً، وده عامل مهم جدا لان بيحصل تنشيط وتسهيل لعمليه الحرق بشكل كبير أثناء النوم خصوصاً في فتره الليل مع الساعه البيولوجيه للجسم.
٥- الاهتمام بالبروتين برضو على حسب احتياج الجسم،ومش معني أن اكل بروتين كتير من مصادر مختلفه ده صحي أو صح ،بالعكس انت بتزود جسمك دهون وتخزين كبير من الدهون لأن الجسم هياخد احتياجه من البروتين بنسبه معينه والباقي هيتخزن على شكل دهون ، أضرب وزن جسمك في ٢.٢ من عشره هيطلعلك النسبة المناسبة ليك من البروتين.ودي هتكون احتياجك اليومي منه .

وانت بتتمرن البطن نوع في اشكالها واتمرن بأوزان مفيش مشكله،الا لو بتعاني من مشاكل في الظهر مثلا تمنعك انك تلعب تمارين البطن، ولازم نعرف انها عضله زي اي عضله موجوده في الجسم خلقها ربنا، لازم راحه ومش لازم العبها كل يوم بالعكس انت كده هتضرها اكتر من نفعها، يكفي فقط من ٣ أو ٤ أيام هيكون مناسب كتير .

لو عندك اي سؤال سيبه وهرد عليك

www.eyeonfit.com