Mix It

أقرب تشبيه ليوم الأب العالمي، هو الأب نفسه.

بييجي ويعدي مرور الكرام كأنه معدي قدام التلفزيون اللي في الصالة رايح على الثلاجة يجيب صينية الكنافة البايتة يأكلها مع كباية الشاي بعد الغداء، وكتر خير الدنيا قوي.

لا حد دريان بيه، ولا بيسأل هو عايز ايه، ولا هو نفسه يعرف من الأساس إن في يوم أب.

كل اللي عاوزه هو إن الدنيا تسيبه في حاله ولو ليوم واحد يريح فيه دماغه.

المدرسة، قسط الشقة، الفواتير، مشاوير النادي، النت البطيء، المستقبل، تأمين الولاد، سعر الدولار، خالد الغندور.

نفسه ينام ويصحى يلاقي كل الكلمات دي اختفت.

عايزين تهادوا الأب في يوم الأب؟

سيبوه ياكل حتة الكنافة من غير صداع.

العشرين جنيه الجديده نزلت 🙈🥲🥲🥲
احذر الخازوق 😂😂